2 PIYER 3:9 - Boy Lonana

⁹ Bu Suuna ka hin va ma nam damma bay li ki ko suu hiŋŋa saara naɗi. Nam li ɗili egegiya nam min a sa ba kiɗi nam min na ɗow ana suuna halaŋ mba jok iiri masira ki zeɗ.

2 PIYER 3:9 ပူးပေါင်းရင်းမြစ်များ

SOOLLA 77:8

Bu Suuna, hinin ki ni a fafaɗta su? Nam ka ndak a wan hahawan oloɗi su?

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

KALKIRA 18:23

Lini aŋ li na ni Lona ndak ɦaŋ gaɗ mamba aya, aŋ ndak a li jivi lay, ni suuna ndak a hoŋ vo hu ziisi u heɓpa lay.»

KALKIRA 32:32

Na may cemini lini aŋ mina ni bulumusi suluk masi namma kiyo, li ka naɗi ni bulumun sen ki hu maga maŋga aŋ ɓiiriɗta.»

KALKIRA 33:11

Yawe ɓak ki u Moiz ko ndal sana ɓak fun tam u ndarammara na. Moiz hoŋ ay hu kaŋŋa, may goozoŋ mamma njun umma, Josuwe ma goŋ Nunna, hin ha hu zira tokka gaw.

KALKIRA 34:6

Yawe jak fokom na ni nam yiya, «Yawe, Yawe, Lo ma oora, ma hurum oy u jivirana, ma ka mbuɗ ya zakgina, ma hurum oy u ɗegeerana.

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

EZAYI 30:18

Na may Yawe ka juɓmi buu ma nam a li oora kagina. Nam hin col kolo tak oo mamba kiyo, kay Yawe ni Lo ma ɗegeena. Furira ka kay suu tin hurusi kamma.

EZAYI 46:13

Dlaanda an a laɗ kira hin ka day oloɗi, hinni na tok daŋ. Buɗta kira ka day oloɗi, an mba buɗ mbassa Siyonda ki ni u tanda. Na daŋ may suu Israelna an hin ɦasi bibiŋil manda.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

DANYEL 4:29

Asi hin dikiŋ ki duk suuna, aŋ hin kakŋi ko taŋ u mbuuri suu bagina, asi hin ɦaŋ haɗna ko mbutlina na, cokira hin jak ki kaŋ yaɗ kiɗisiya hu li ma aŋ hin wi ana Lo ma Kolo Dayna ni malaŋ mulla vi suunara, nam hin ɦaɗ ni maŋ gegelay ma nam minimma.»

HABAKUK 2:3

kay ana ni dlara tak taɗ ki kay faɗ vun dlara. Ndaɗ tew ki hu liiɗ wa, ndaɗ ka kaboyɗi, lini yaɗ ka vi aya ni juɓuɗu, ndaɗ hin mba gasi daŋ may, ka kaboyɗi.

ROMMA 13:11

Agi wi anaba aygi cecemi lina hini tok lina ndakwa dliɗigi ki kolo hu senna suɗta hin egeygi cecemi tok. Su mayra aygi vi hu Boy Lonana jewra.

ROMMA 13:12

Njeŋgera jak ki wa, maɗiira hinni tok, kay ndaɗta aygi hiniygi sunda vi ndufunda kiyo, yowoygi tlesuu duuna hu kiɗikka koygiya.

ROMMA 2:4

Aŋ pan jivira ŋgolla vi Lonara u ɗigilla, u lalam mamba, ni pani su? Aŋ ka wi ana jivi Lonara hal a mbuɗuŋ iiri maŋga zeɗ ni ndaɗu naɗi su?

ROMMA 9:22

Va ma agi min dam kay Lonna ni mege? Nam min a tak yaamba u saɓak mamma kiyo. Kay ndaɗta nam siɓ ŋgolo u ɗigilla kay suu yaamba mba gin kasina hin tok a baasi kina.

1 TIMOTE 1:16

Ni kay ndaɗta Lona wan hahawan ni na, kay Yesu Kristu mba tak lalam mamba ki egenu kay suu hin a vi ha um daganna mba fi iirira ka daɓ kiɗira.

1 TIMOTE 2:4

Nam min ana suuna halaŋ mba fi suɗta, wi gasira lay.

HEBRENA 10:37

Ko magaara di ana, «Lina hin tok, hin ew daŋ, sa ma a mbayna hin mbaa, nam ka a vi yam ayɗi.

1 PIYER 3:20

Ni maŋ ŋgus suu ay jew hum ka u Lonaɗina, hu li ma Lona ka juɓ u lalamba hu buu ma Nowa ka ceɗ lumba tuna. Suu cuk hu lumbana ka bolowɗi, ni kalavandi daŋ suɗ ki ko mbona ni asi gaw.

2 PIYER 1:4

Nam ɦaygi vi vun mamma dlam ŋgol ma jivina kay a fi va nam vi vunum kamma ni ay hin puruɗ ki ko ŋgiziɗta bagira hu duliyara wanda a kal hu jivira vi Lona.

2 PIYER 3:15

Lalamba vi Bu Suunara ni ko voɗta suɗuygira na, ni kay ndaɗta wayaygi ma banaygina, Pol, ɓiirigi boy namma u yal ma Lona ɦammana.

WIRA ŊGAYRA 2:21

An hiniɗ lina a ndaɗ mbuɗ huruɗ kay cooɗta, ndaɗ ka min a mbuɗ huruɗ kay dlara zoŋgaɗi.