2 PIYER 2:4 - Boy Lonana

⁴ Lona hin suu sunda huulona suu li cora kaɗi cukusi duk kura njunusi kaŋga duk li ndufunna kay juɓ buu ma kaɓakŋa.

2 PIYER 2:4 ပူးပေါင်းရင်းမြစ်များ

Magaara JUD Ɓiiriɗta 1:6

Saaragi kay suu sunda huulona suu hurusi li ayra ka kay ŋgol masira ɦasirara ɗina. Asi noy liisi ma asi ay huna kiyo. Nam ɓalasi kaŋga u kinjiŋŋa, hu li ma ndufun girmindiŋŋa gak gak asi juɓ buu ma ŋgol ma kaɓakŋa.

MATIYE 25:41

«Dagan ni Mulna pereɗ irim eg suu bikim ŋgulna, dasi ana, Ҥuɗugi ha ki egen day. Lona gagi vunna wa. Tuɗugi duk kura ka miɗ kiɗira, ta miniɗ maŋ Satanna u suu mamsinara.

ROMMA 8:32

Nam doo ka kay a ɦal goromma kiraɗi, nam ɦam ki ni kaygi halaŋ, nam hin hin bay ɦaygi tlesuu daŋŋa halaŋ u goromma ni nanage?

EZAYI 14:12

Dla ndaɗta li ni ana mege? Aŋ ay kolo huulona ndi ay ki ga wa, vel ma ɓo lina, Goŋ kiɗikkana, asi hin zuɗuŋ ay ki ga kay ndaŋgara ni nanage? Aŋŋi sa ma hoŋ njaf suuna ki dagannaɗi su?

WIRA ŊGAYRA 20:10

Satan ma ganasi yasina hin gam ki duk mbo lum ma kura u suufra, ni hu li ma vabakŋa u sa jok vun Lona ma kaboyna ka cuki huna. Asi hin wihawra faali lay njeŋge lay a fafatɗa.

EZEKIYEL 7:4

Irin ka a golok jivi oloɗi. An ka wak hahawakgi, kay an tokok dla cookka ni kak halaŋ. Dlaakka cora yow yowna hinni kelek halaŋ. Ni agi hin wi ki ana anni Yawe.»

Boy Ma Ayra Ma LUK Ɓiirimma 10:18

Yesu dasi ana, «An wi Satan ay kolo huulona ndi ay kaŋga weleɗ ko kura na.

EZEKIYEL 5:11

«Kay ndaɗta, an Bu Suuna Yawe, Lo ma iirina, agi mbuɗun ziinda teteɗta ki njenjera u fuli magisina u sun magira cora halaŋ. Kay ndaɗta an hin dik zina ki halaŋ. An ka wagi hahawagiɗi, ka gol sa irin hahawɗi lay.

JOB 4:18

Lona ka tin yam kay suu mam suu sunda huulonaɗi, ɦakŋi ge, nam ka gaɗ suu mam suu sunda lay.

1 JAŊ 3:8

Sa yam gak li corana ni sa vi Satanna na kay me Satanna li cora ay jew ni namu. Ni kay ndaɗta Goŋ Lonna mba ni kay a ɓeŋ sunda vi Satannara kiyo.

2 PIYER 2:11

Suu sunda huulona suu garaŋŋa u saɓakŋa su kay suu haɗ haɗta cora asi ka ŋgul suu ŋgolna suu huulona fok Bu Suunaɗi.

2 PIYER 2:5

Lona hin ndaŋgara basira kaɗi, nam tli yo ma ŋgolna ki kay ndaŋgara ci suu cona kiyo. Nam hin suɗ ki ni Nowa ma di boy ma jivina kina doy hol u suu daŋŋa kiɗisiya may.

Boy Ma Ayra Ma LUK Ɓiirimma 8:31

Asi joɓom sem bolowo ana, «Dikimi hu zulla ŋgolla ndarayamina ha hura tuɗi.»

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

MARK 5:7

Nam sawalla kolo eŋga ana, «Yesu Goŋ Lo ma kolona, aŋ a min mi egen ge? An joɓoŋ fok Lona, aŋ lasanɗi.»

MATIYE 8:29

Asi sawalla kolo ana, «Yesu Goŋ Lonna, aŋ min me egemi ge? Aŋ mba a lasami buu mamina bay ndak su?»

Magaara JUD Ɓiiriɗta 1:13

Asi tli tasi ni u bil yona ka hu lum ŋgolna na, asi li dlara zolona ko kuffa na, asi ni ko ciciwra li ma ndaɗ col huna kaɗira na, Lona cukusi hu li ma ndufun girmindiŋŋa a fafatɗa.

2 PIYER 2:9

Bu Suuna wi dlara suɗ suu ɗegeena ki duk dla cora, nam wi a vaa suu cona cukusi daŋgayna hu buu ma kaɓakŋa.

EZEKIYEL 7:9

Irin ka a gologi jivi oloɗi. An ka wagi hahawagiɗi. An warakagi ni u poy magira. Dla cora hin dukugi ni na gak gak. Agi hin wi ki ana li dla ndaɗta ni an Yawe daŋ may.

JOB 21:30

Hu li ma dlara hahawra mba wa ni suu cona suɗ kiyo, yara vi Lonara hinisi ni ka ŋgenesiɗi.

GA 8ATAMBARA 29:20

Yawe hin kakam ki ni vay dam zeɗ u suu Israelna kay dla coomba ko ndal dlara ɓiiri hu magaara Galamba wanda dira na may.

ROMMA 11:21

Lona hin suu Juifna suu gorgor gu ma gasina kaɗi ni, nam ndak a hiniŋ ki mayɗi su.

SOOLLA 78:50

Hin voɗ yaamba ay ki kasiya, nam ka doo kasi ko miɗna oloɗi, nam hinisi iiri masira duk tuguɗiira cora.