2 PIYER 2:20 - Boy Lonana

²⁰ Lini suuna suɗ tasi ki ko dla cora hu duliyara wa ni kay asi wi Bu Suuna Sa Suɗta Yesu Kristu, asi hoŋ yasi kaŋga hu dlaasira cora hin dlaasi ndaɗta su kasiya daɓ masira hin mbuɗni co sura jewra.

2 PIYER 2:20 ပူးပေါင်းရင်းမြစ်များ

EZEKIYEL 33:13

Lini an di sa ma ɗegeena wa ana gasi daŋ may aŋ hin kak iiriya, nam may ni hin ɗegee mamba jew ndaɗta ki wa, gijaŋ a li dla cora wa ni an ka ndumum sun mamba ɗegee ta nam laɗ ki fok jewra oloɗi. Nam hin miɗ ni kay dla coomba nam laɗta.

DLAŊ LEVIRA 13:20

Mul ma li ɓivunna golom olo, lini huɗukka ha ga zuzulla, tlimiɗta hura ki haɓ may ni, nam ndak di ki kam ana sa namma ki ni njenjee, kay tuguɗi busuna gi taɗ hu ni ndaɗu.

DLAŊ LEVIRA 13:55

Ŋgoo dagan mul ma li ɓivunna hoŋ gol va ma mbusum ki namma. Lini ndal ndaɗta ɦuɗ ka fokgi ni va namma ki ni njenjee. Aŋ ndak ŋgalam kiyo, kala keŋem ta ay ka ki cimi hu kurufu wa.

DLAŊ LEVIRA 14:43

«Lini zozoɗ ndaɗta hoŋ li dagan hu li ma asi paɗ ɦinira kina u horok huu zira kira olo ni,

NDUMBA 24:20

Balaam hin wi suu Amalekŋa nam gijaŋ di dlara joɓpa kasi ana, «Amalekŋi a goo ŋgolna fok njaf suuna halaŋ, may dlara hin mbay fok kamba ni ɓalakka.»

GA 8ATAMBARA 32:29

Lini asi ni suu wi dlaa ni asi ii a hum gini, asi hin saa gin kay iiri masira ha fokka may.

FILIPINA 3:19

Daɓ masira ni ɓalakka, loosina ni ɦayasi gaw, asi ŋga tasi ni kay dlara zolona, saa masira ni kay tlena vi duliyara.

2 TIMOTE 2:4

Sa ma asgaa ma gasina li va ma nam a li ii malamma jiviya, ni nam ka kal hu sunda daŋgi.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.

2 PIYER 1:11

Ni agi hin a fi voɗta a cuk hu mul mayra ka daɓ kiɗira vi Bu Suuna, Sa Suɗta Yesu Kristu.

2 PIYER 1:2

Ko agi fi oora u heɓpa coco kay wira agi wi Lona u Bu Suuna mayna Yesura.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

2 PIYER 1:4

Nam ɦaygi vi vun mamma dlam ŋgol ma jivina kay a fi va nam vi vunum kamma ni ay hin puruɗ ki ko ŋgiziɗta bagira hu duliyara wanda a kal hu jivira vi Lona.

2 PIYER 1:8

Ni agi ndak li u tlesuu asina hurugiya, lini tlesuu asina ka hurugi ŋgolo ni asi hin mbuɗugi saɓaki, zulugi u wira eg Lona Bu Suuna Yesu Kristu.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

2 PIYER 3:18

Wulugi koloo, tuɗ fok u oora u wira vi Bu Suuna mayna, Sa Suɗta Yesu Kristu. Cecemi ŋgolla ni mamba lay ha fok din din. Amin.