2 PIYER 2:2 - Boy Lonana

² Suuna ŋgolo hin tuɗ usi hu dlaasira cora u dlaasira asi laɗta suuna hin ŋgul voɗta gasira.

2 PIYER 2:2 ပူးပေါင်းရင်းမြစ်များ

ROMMA 2:24

Kay ndaɗta ɓiira diya, «Agi suu Juifna njaf suu daŋŋa ŋgul Lona ni ugiya.»

Magaara JUD Ɓiiriɗta 1:10

Suu asina ŋgul tlesuu asi ka wasi usi ɗina, ni li giniŋga ko mburina na. Giniŋ masi ndaɗta baasi ki ni baay na ɗow ɗow.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

Magaara JUD Ɓiiriɗta 1:15

Kay a kaɓakŋa kay suuna halaŋ, ɓakŋa hin mba vi suu may suu li dla cora kay dlaasira asi laɗta halaŋ, duu tasi u Lonara, ŋgulla asi ŋgulumba u boy co ma asi damma kamma halaŋ.»

2 PIYER 2:15

Asi hin voɗta ɗegeera ki tani asi viɗ ki wa, asi tli voɗta Balaam, goŋ Bosorna, tlaɗta, nam min a fi begera u dlara laɗ cora.

1 PIYER 2:12

Poyogi ɗegee duk suu bay vina, lini asi kaagi boyna egegi ana agi ni suu cona lay ni, asi hin wi sun magira jivira hin geleɗ Lona hu buu ma nam hin mbayna.

TITTA 2:8

Dini boy ma ɗegeena kay sa mba tumuŋ uŋgi, ni suu babali maŋsina hin mbuɗ zolona, kay asi hin ka fi boy ma co egeyɗi.

SUNDA 24:14

Ni an wi ki kan fokoŋ tani anaba, an sunni Lona vi somoyomi ma jewna u voɗta wilira, ta asi di kaɗ ana ka u voɗoɗɗira. An vi u boy ma ɓiiri hu magaara gaɗta halaŋ u suu jok vun Lonna lay.

SUNDA 16:17

Ndaɗ gi taɗ umiya sawalla ana, «Suuna wanni suu sunda vi Lo ma kolo dayna. Asi dagi boyna ni kay voɗta tuɗugi hu suɗta.»

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

WIRA ŊGAYRA 12:9

Dragoŋ ma ŋgolna dikim ay ki kaŋgaa, nammi guy ma basina yam ana Satanna, ma ganyam suuna hu ndaŋgara halaŋŋa, dikim ay ki kaŋga kay ndaŋgara u suu mam suu sunda umu.

2 PIYER 2:21

Asi wi voɗta ɗegeera ka ginɗi ni mariyaɗ su mayra asi waɗ ki wi ni hin hoŋ ki dagan noy gaɗta teteɗta kira.

TITTA 2:5

Boy masina u dlaasira li tew tew u voɗosi pasiyak a asi mba li sunda hu ziisi jiviya, hum vun njufuyusiya, kay sa mba di va ma co kay Boy Lonanaɗi.

1 TIMOTE 5:14

Kay ndaɗta an min ana boyogi suu dono suu gorina kak ki u njufina, kay asi ndak a vuɗ goora, gol tasi kay tasiya kay a suu may suu gonokka mba di va ma co egeygiɗi.

SUNDA 19:9

Suu daŋŋa dukusi ɦiw ni min vi boy nammaɗi, duk suu tokina ni asi ŋgul voɗta vi Bu Suuna. Pol hinisi yi suu haɗina umu, haɗasi boyna hu buuna tew tew hu zira haɗta vi Tiranussa.

SUNDA 18:26

Hu Zira Tokka nam col a di boyna u saɓakŋa, Prisiye u Akilas hum boy ma nam damma na ni asi tayam usi tuɗ takam voɗta vi Lonara ki ɗegee.

SUNDA 14:2

Na may suu Juifna suu min viraɗina kal boy ma cona duk njaf suu daŋŋa, mbaarasi ay a li cora eg gorseygina.

SUNDA 13:10

Dam ana, «Sa ma cona, huruŋ oyra u honira, goŋ Satannana, gonokka u tlesuu jivina bel. Aŋ ka ɓalak ki wanni voɗta vi Bu Suuna ta jiviraɗi su?

Boy Ma Ayra Ma JAŊ Ɓiirimma 14:6

Yesu hoŋom dira ana, «Anni voɗta, anni gasira, anni iirira lay. Sa ndak ka a tuɗ eg Lona bay tli kanɗi.

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

MARK 12:14

Asi mbay eg Yesu dam ana, «Malaŋ Haɗta, ami wi ana aŋŋi sa gasina. Aŋ ka tin yaŋ kay saara vi saɗi lay. Aŋ takŋi voɗta vi Lona ta gasira. U gaɗ maygira ni, ɦal taara maŋ Sesar, ɗowba ɦalɗi su?»

MATIYE 22:16

Asi cuk suu masina u suu vi Herodna ɦiw a di Yesu ana, «Mala Haɗta, ami wi ana aŋ di ni gasira, aŋ haɗ ni dlara ɗegeera a li jivira ko Lona minda na. Aŋ ka li ndaa ko boy ma vi saɗi. Lini sa ma megelay ni, aŋ dam lay.

MATIYE 7:14

Vun goŋga sana kal huruɗ a suɗ kira, ndaɗ gooro. Voɗta kal hura na keɗet daŋ. Suu tuɗ huna ka ŋgolɗi.»

SOOLLA 18:21

Yawe lan na ni u ɗegee manda, nam warakanni kay kon li va ma co kaɗi.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

2 PIYER 2:12

Na may saa masira ni ko mburi suu cona na, asi vuɗ ni kay suuna hin vasiya, casi kiyo, asi ŋgul dlara asi ka waɗɗira. Hu dlaasira cora asi hin ba kini ko mburina na may.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

URA TIN AYRA 19:5

Asi yi Lot joɓom ana, «Suu may suu li cuk varaŋ njeŋge nina ni arage? Ҥamisina ay ki bunsu wa ami min buu u asiya.»

SUNDA 22:4

Suu vi u voɗta vi Bu Suunara an casi ki maɗna lay, an yow suu njufina u boyogina lay cukusi daŋgayna.

2 PIYER 2:7

Lot, sa ma ɗegeena, nam suɗum kiyo nam fi yoora ŋgolo ko dla co mayra suu nam kaki dukusina laɗta.

2 PIYER 2:18

Asi ɓakŋi dlara ŋga tasira u boy ma bay umma, asi li sunda u min masira hu tliwna a ganyam suu hal a suɗ tasi ki duk suu hu dla corana.

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.