2 PIYER 2:19 - Boy Lonana

¹⁹ Asi dasi ana, asi hin buɗusi ki hu mbaɓura, na may asi kay tasira ni mborɓii suu a bagina, gegelay ni mbaɓuna vi va ma nam su kamma.

2 PIYER 2:19 ပူးပေါင်းရင်းမြစ်များ

EZAYI 28:1

Hahawra ka kay mulla Efrayimba, bibiŋil maɗta tak ki kolo kay suu ŋgolo maɗsina ko ɓo tlena na, asi tew tew gurɗiya, asi li mbul ma jivina kasiya, na may tew tew ni asi ki gurɗi buuri ga u summa.

JEREMI 23:9

Kay suu jok vun Lona, an tanda mbuɗ ki ndaana, tliw tan halaŋ dlaka. An mbuɗ ki ko sa guruɗ kina na, ko sa ci summana na, ni kay Yawe ni kay boy mamma teteɗna.

DLAŊ LEVIRA 13:8

Mul ma li ɓivunna hoŋ golom olo kay ana tuguɗira la ki egemu, nam ndak a di ki kam ana nam ki njenjee, lammi tuguɗi busuna.

Boy Ma Ayra Ma JAŊ Ɓiirimma 8:34

Yesu hoŋosi dira ana, «An dagi ni gasira ana, Sa li cora, nammi googomma vi cora.

SUNDA 19:16

Sa ma ful ma cora kamma ndi liŋŋa bowosi kaŋga fokom halaŋ, kay nam saɓak suusiya. Nam lasasiya, asi yow liŋŋa cuki hinim ziimma ni tasi siliya, fi mbilna egesi coco lay.

GALATENA 5:1

Kristu buɗuygi ki ni buɗta gasira kakaygi ɗigili hu buɗ ndaɗta, hoŋogi tagi hu mbaɓura oloɗi.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

2 TIMOTE 2:26

Asi hoŋ mbuɗ ki suu jivina noy ganyamba vi Satannara kiyo, suu nam vasi ay ki jew a hum u min mambana.

TITTA 3:3

Aygi lay ni li ay jew ni na, ka li zolo saɗi, ka hum vun saɗi, lagi ni hu cora. Aygi li ay ni mborɓiina vi saara cora u min maygira ɦawaa. Aygi li ay u huu ma cona kay ŋgiziɗ tlena vi suuna, lay cora egesiya, asi layra egey may.

1 PIYER 2:16

Poyogi ko suu ki buɗina na, may ni li buɗ magira ko va ma baa yam cora naɗi, lagi ko suu sun Lona na.

2 PIYER 1:4

Nam ɦaygi vi vun mamma dlam ŋgol ma jivina kay a fi va nam vi vunum kamma ni ay hin puruɗ ki ko ŋgiziɗta bagira hu duliyara wanda a kal hu jivira vi Lona.

2 PIYER 2:20

Lini suuna suɗ tasi ki ko dla cora hu duliyara wa ni kay asi wi Bu Suuna Sa Suɗta Yesu Kristu, asi hoŋ yasi kaŋga hu dlaasira cora hin dlaasi ndaɗta su kasiya daɓ masira hin mbuɗni co sura jewra.