2 PIYER 2:12 - Boy Lonana

¹² Na may saa masira ni ko mburi suu cona na, asi vuɗ ni kay suuna hin vasiya, casi kiyo, asi ŋgul dlara asi ka waɗɗira. Hu dlaasira cora asi hin ba kini ko mburina na may.

2 PIYER 2:12 ပူးပေါင်းရင်းမြစ်များ

SOOLLA 49:10

Nam saa ana iiri mamba hin kak ki zeɗ su? Nam ka ndak puruɗ ki ko miɗnaɗi.

SOOLLA 92:6

Yawe, sun maŋga ndaɗ ŋgolo, dlaaŋga aŋ a laɗta sa ma ndak a waɗ uɗ kaɗi.

SOOLLA 94:8

Suu giniŋ duk suuna halaŋŋa wagi kiyo, suu wiisira ka tuɗ dayɗina, na ni agi hin hum hu buu maa dew su?

VUN ŊGOLNA 14:32

Cora vi sa ma dlam cona vam ga ni ndaɗ tok. Hu buu ma miɗna lay, Sa ma ɗegeena, ɗegee mamba suɗumu.

JEREMI 10:21

Suu taa suuna ki giniŋi, asi ka hal Yaweɗi. Ni kay ndaɗta saɓakasi kaɗi, yoorina halaŋ hin ki kay tasiya.

JEREMI 10:8

Asi halaŋ, sa hin ka ki dewɗi, ganyam tasiya, viɗ tasi ki lay. Haɗasi ki u dlara bay uɗta asi hin ba ni huwa.

JEREMI 12:3

Aŋ, Yawe, aŋ wanu. Aŋ ka wan lay, golon saa manda lay. Ndaɗ halaŋŋi koŋu. Suu dlasi cona cukusi ki keŋ ko ndal timigii suu tuɗusi hu li ma ŋgaɗtana na. Hinisi cukira a juɓ buu ma ŋgaɗta.

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 5:4

An may ni joɓ tan ana, asi ni suu ka wi vaɗina. Asi ka yalɗi lay. Asi ka wi voɗta vi Yaweraɗi, gaɗta vi Loosinaraɗi lay.

EZEKIYEL 21:31

Bu Suuna, Yawe, di ana, tlam jum mamba tini kamba kiyo. Tlena halaŋ mbuɗ ki zeɗ zeɗ. Va ma ay ki gana hin tlam ki koloo, va ma ay kolona hin hoŋom ay ki gaa.

MARK 7:22

li zoŋga lay, hurum haɗ kay tlesuu vi suunana lay, a ganyam suuna lay, a li dlara dadassa, a li gonokka lay, a li ŋgeŋŋa kay suuna lay, a ɓii tara, bay u dlara lay.

Boy Ma Ayra Ma JAŊ Ɓiirimma 8:21

Yesu hoŋosi dira ana, «An hin tuɗa, agi hin halanu, na may agi hin miɗ ni hu coogira. Li ma an tuɗ huna, agi ndak ka a tuɗ huɗi.»

GALATENA 6:8

Lini sana zaa ni hu mbalatam ɦawaa, mbalatam hin ɦam va ma ko feɗta nana ni miɗna, lini nam zaa ni va ma jivi u Musukka, Musukka hin ɦam va ma ko feɗta nana ni iirira ka daɓ kiɗira.

KOLOSNA 2:22

Tle asina ki ŋgaɓi kay a ba kira, lini sa li va u asiya, lini kay gaɗta vi suunara u haɗ masira.

2 PIYER 1:4

Nam ɦaygi vi vun mamma dlam ŋgol ma jivina kay a fi va nam vi vunum kamma ni ay hin puruɗ ki ko ŋgiziɗta bagira hu duliyara wanda a kal hu jivira vi Lona.

2 PIYER 2:19

Asi dasi ana, asi hin buɗusi ki hu mbaɓura, na may asi kay tasira ni mborɓii suu a bagina, gegelay ni mbaɓuna vi va ma nam su kamma.

Magaara JUD Ɓiiriɗta 1:10

Suu asina ŋgul tlesuu asi ka wasi usi ɗina, ni li giniŋga ko mburina na. Giniŋ masi ndaɗta baasi ki ni baay na ɗow ɗow.