2 PIYER 2:10 - Boy Lonana

¹⁰ Suu li dlara njenjera u minda vi mbalatasina ŋgul ŋgolla vi Lonara ni nam hin cukusi daŋgayna. Suu haɗ haɗta cora an dagi kasina, ni suu ŋga tasina, suu li tlena zak, bay saara, asi ka ɦal ŋgara maŋ suu ŋgolo suu huulonaɗi, ŋgulusi ŋguliya.

2 PIYER 2:10 ပူးပေါင်းရင်းမြစ်များ

URA TIN AYRA 49:6

Ko musuk manda taɓ u asi hu dlara co ndaɗtaɗi, taɓ u asi hu tok masiraɗi lay. U hurusi ma yara asi ci suuna. U yaasi ndaɗta asi ka didiŋil mbutlina kiyo.

2 SAMUEL 20:1

Ha hu li namma wanni sa ma sunum kaɗina ka huwa yam ana Seba ni goŋ Bikri ma Benjaminna. Nam bu tokolomma hin ɓak ana, «Ami va ka duk tami u Davidɗi. Ami ka ti jona u goŋ Jesenaɗi. Suu Israelna gegelay kaŋga hu mbutluɓ mamma.»

1 MULINA 12:16

Hu li ma suu Israel suu ii mbayawna wi ana mulna humusi boy masina kaɗi ni, asi di ana, «Va ma ami a fam u Davidna ni mege? Jo ma ami a fam vi goryoŋ Jesena ni mege? Aygi suu Israelna, tuɗuygi hu mbutluɓ maygina. Aŋ njaf ma vi Davidna tuɗ fok u mul maŋga ɗaŋ.» Asi njay ki hin li namma ni na gaw.

SOOLLA 12:4

Ko Yawe bulum suu njaɗ njaɗta kaboyna kiyo, dug vun suu ganyamba ki may.

KALKIRA 22:28

Aŋ ɦan yam tlegeyeŋ suu neeyna ay ki na zak gaw. Gor njufii suu vuɗ jew varaŋŋa ki ni mansina.

DI BOLLA 10:20

Ŋgul mulna kaŋga gugum u huruŋgi. Yi oora kay sa ma ɦizina kalafi hu liiŋ ma buunaɗi. Kay layagi suu pii kolona tuɗum boy namma ha kiyo. Tlesuu garaŋga usina tuɗ dam dlara aŋ daɗta ha ki halaŋ.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

NDUMBA 15:30

Na may sa ma li cora ndaɗta u min mambana, lini sa ma Israelna ɗowba ŋgay ma cuki dukusina lay, ni sa namma ka duk suu mamsina oloɗi, kay nam ŋgul ni Yawe.

Boy Ma Ayra Ma LUK Ɓiirimma 11:25

Nam hoŋ ay wanni fi hu ziim ki tori jiviya.

Boy Ma Ayra Ma LUK Ɓiirimma 19:14

Suu hu mbas mambana ka minimbi. Asi sun suuna ha um ana, Ami ka min ana sa namma kak kami a mulnaɗi.

SUNDA 23:5

Pol hoŋosi dira ana, «An wi ka ana nammi mul ŋgol ma ɓivunna naɗi gorsenna. Kay magaara di ana, aŋ di va ma co eg mulna vi suu maŋŋaɗi.»

ROMMA 8:1

Cecemi kaɓakŋa ka kay suu tin hurusi kay Yesu Kristuna oloɗi.

1 KORINTNA 6:9

Agi wagi ki kagi ana, suu hurusi cona ka fi Mul Lonaraɗi. Ganyam tagi kiɗi, suu li dla cora u suu cen lo ma ɦawana, u suu li zoŋga, suu buu u ndarayasi suu njufina,

2 KORINTNA 10:3

Aygi ka kagi cemi hu mbalatara sa warna, aygi ka duu taygi ko hu sa warna naɗi.

EFESNA 4:19

Dlara zolona ka kasiɗi asi ɦal tasi a li cora, li dlara njenjera dam dam.

EFESNA 5:5

Wagi ki kagi anaba sa li zoŋga u sa li dlara njenjera u sa hal tlena vi suuna, (kay hal tlena vi suuna ni ko sa goɓ fulina na) sa namma ka kal hu mulla vi Kristura ura vi Lonaraɗi.

KOLOSNA 3:5

Cagi dla mayra cora egegi hu duliyara wanda ki halaŋ, boy zoŋga, dlara ka teteɗɗira, bay ɗegeera, saara cora, huu ma ŋgiziɗ tlena, (ŋgiziɗta ŋgiziɗ tlena ni ko goɓ fulinara na).

1 TESALONIKŊA 4:7

Lona yaygi ka kay dlara njenjeraɗi, aygi kakŋi hu teteɗta.

2 TIMOTE 3:2

Suuna hin mbuɗ ki ni kurufuku, li banara ni u gursura, tli yam tasi koloo, ŋga tasiya, asi, hin duu u Lona, ka hum u somoyosiɗi, asi ka gi deɓ kay tlenaɗi, ka li zolo kay tlesuu teteɗnaɗi lay.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

HEBRENA 13:4

Suuna halaŋ gol ɗum masira jiviya, njufna u cara kak jivi eg tasiya. Lona hin mba kaɓakŋa kay suu li dlara yowna u suu li zoŋga.

2 PIYER 3:3

Wagi ki anaba hu buu ma hin mbay daganna ni suu may suu kak iiri kay tasi u min masira kay tasina hin panagi anaba,

Magaara JUD Ɓiiriɗta 1:10

Suu asina ŋgul tlesuu asi ka wasi usi ɗina, ni li giniŋga ko mburina na. Giniŋ masi ndaɗta baasi ki ni baay na ɗow ɗow.

Magaara JUD Ɓiiriɗta 1:16

Suu asina tew tewni ka tii tasiya furi masira kaɗi, asi lini dlara u min masira, halni ŋga tara mbaɗ ii suuna kay a fi tlena kosiya.

Magaara JUD Ɓiiriɗta 1:18

Ana, «Buu ma daganna wanni suuna hin mba ŋgulugiya, asi hin lini dla cora u min masira.»

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

1 SAMUEL 10:27

Na may suu sunusi kaɗina di ana, «Sa namma hin suɗuygi ki ni nanage?» Asi ka minim dlaambaɗi lay, ka ɦam tlena ay ɦawaɗi lay. Na may ka min a taɓ tasi u nambi. Sol di va kaɗi.