2 PIYER 2:1 - Boy Lonana

¹ Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.

2 PIYER 2:1 ပူးပေါင်းရင်းမြစ်များ

1 MULINA 22:6

Mul ma Israelna tok suu jok vun Lona ay va ma kis kis fiɗi dasi ana, «An ndak a tuɗ duu u Ramot ta Galaadta ɗowba an kak su?» Asi hoŋom dira ana, «Tuɗ ɗow. Bu Suuna ɦaɗ ki hu duk ko mulnawa.»

KALKIRA 15:16

Ndaa ma ŋgolna ndi kay suu asina cocoo. U bik koŋ ma saɓak cocona asi seŋ vunusi halaŋ halaŋ. Hu li ma suu maŋsina ka jakŋa, Yawe, suu aŋ suɗusi ay kina hu li ma asi tuɗna.

EZAYI 9:15

Suu may suu tuɗ fok suu Israelna viɗisi ki wa. Suu asi tuɗ fokosina tli ni voɗta cora may.

JEREMI 29:21

...Gola ni dlara Yawe, ma Saɓakŋa Kom Belna, Lona vi suu Israelna, daɗ maŋ Ahab ma goŋ Kolayana, maŋ Sedesiyas ma goŋ Maaseyana suu ɓakagi boy ma kaboyna u senna. An hin ɦasi ki ko Nabukodonosor mul ma Babilonna, nam hin casi ki irigiya.

JEREMI 37:19

Suu jok vun Lona suu ɓakagi ana agi tagira lay, mbas ndaɗta lay ka a li ndaa lassa vi mul ma Babilonna ɗina ni arage?

JEREMI 6:13

Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

Magaara Vi Sa Jok Vun Lona OZE 9:8

Sa golla vi Efrayim ka eg Loonna, ni sa jok vun Lona. Asi gunum dawna kaŋga hu voɗ mamba halaŋ, asi duurum ta ta hu zira vi Loommara.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MATIYE 10:33

Sa ma tin vunum kan fok suuna ana nam ka wanɗi na, an hin tin vunun kam fok Bun ma kolo huulona ana an ka wambi may.»

MATIYE 24:11

Suu kaboyna ana asi ni suu jok vun Lonna, hin zul ki cocoo, viɗ suuna ki coco may.

MATIYE 24:24

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

MATIYE 24:5

Suuna hin mba u sen bolow cocoo di ana an ni Sa Lona Fuurumma, asi hin ganyam suuna ki cocoo.

MATIYE 7:15

«Lagi tagi jivi ko suu kaboyna ana asi ni suu jok vun Lonna. Asi mba egegi ni, mbuɗ tasi ko timigiina na, doy hurusi kurufu ni, ko bosokona na.

MARK 13:22

Suu ɦiw hin mba di ana, Anni Sa Lona Fuurumma. Anni sa jok vun Lonna. Ni kaboyna. Asi li dlara mbuɗta u takka ni ana lini asi fi voɗta ni, asi viɗ ii suu Lona manasi kina usiya.

Boy Ma Ayra Ma LUK Ɓiirimma 12:9

Sa ma tin vunum kan fok suuna ana nam ka wanɗina, Goŋ Sanna hin tin vunum kam fok suu sunda huulona ana nam ka wambi may.

Boy Ma Ayra Ma LUK Ɓiirimma 21:8

Yesu di ana, «Gologi tagi jiviya, viɗigi ii tagiɗi. Kayme suuna hin mba u sen ŋgolo. Gegelay hin di ana nammi Sa Suɗta, lina ndak wa, ni agi tuɗugi usiɗi.

Boy Ma Ayra Ma LUK Ɓiirimma 6:26

«Hahawra ka kagi agi suu suuna dagi dlaagi jivina, somoyosi li ay jew u suu jok vun Lona ki cona ni na daŋ may.»

ROMMA 16:18

Kay suu ko asi nana ka sun ni Kristu Bu Suunaɗi, asi sun ni hayasi taɗta gaw u boy masi ma jivina u ɓak masi ma fiyek ma gan yamba, asi ɓeŋŋi ŋgus suu u dla ka irisiɗina ɦawaa.

1 KORINTNA 11:19

Lini nanagelay ni ɓorowra mba li dukugiya, ni hin mba wi suu gasi ɗegeena ki may.

1 KORINTNA 6:20

Lona warak kagi a gusugira ni warakiya. Lagi tagi a ɦal ŋgolla maŋ Bu Suuna.

1 KORINTNA 7:23

Lona warak kagi a gusugira ni warakiya, kay ndaɗta mbuɗugi tagi ki mborɓiina vi suunaɗi.

GALATENA 2:4

Gorseygi suu bay gasina cuk tasi dukumi min a cawam ɗiwimu, suu asina taa tasi ay umi ko suu cegeɗta na, kay gol buɗ mayra aygi buɗ ki u Yesu Kristura asi min a mbuɗuygi ki mborɓiina.

GALATENA 3:13

Kristu mbuɗ ki sa ma baayna balamaya, nam buɗuygi ki ko gaɗta, magaara di ana sa ma ki ɓali kolo hu gu garakŋa ni sa ma ki baayna.

GALATENA 4:17

Suu asina njun ugi ŋgolo ni dlaasira ka jiviɗi, va ma asi mina ni kay a ɓorowogi dukugi ki u anu kay asi mba fi kogi ŋgol may.

GALATENA 5:20

Li ɓivunna lo ma ɦawana, u kumuna, suuna mbuɗ gonokka duk tasiya, asi yal tasiya tasiya, li honira duk tasiya, irsi ki ɓorowi cub cub.

EFESNA 1:7

Hu miɗna vi Kristu aygi buɗ ki hu cora wa, cooygira daɓ ki wa. Ni kay ndaɗta Lona takaygi ŋgolla vi oo mamba.

EFESNA 4:14

Ni aygi ka hin li ko kemba na oloɗi, a semeɗna zuɗuy tana tani naɗi, a hum u haɗta vi suu daŋŋa zul kay ndaŋgara a ganyam suunaɗi, a cuk suuna hu dla cora asi laɗtaɗi.

GA 8ATAMBARA 32:6

Dlara a ŋga Yawera li ni na su? Agi suu laɓana, suu yal masi kaɗina. Nammi ka bugi ma laginaɗi su? Nam lagiya mbuɗugi ki a njaf suuna kay tagiya.

FILIPINA 3:19

Daɓ masira ni ɓalakka, loosina ni ɦayasi gaw, asi ŋga tasi ni kay dlara zolona, saa masira ni kay tlena vi duliyara.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

KOLOSNA 2:8

Gologi tagi jiviya kay sa mba vagi ki um u ganyamba boy ma coli kay nera vi suuna col kay haɗta vi duliyara, u haɗta vi suuna ɦawa, ni ka kay Kristuɗi.

1 TIMOTE 5:8

Lini sana ka gol suu mamsinaɗi, su saɓaki ni kay suu varam vona, nam hin kini vira, ni nam co su sa ma bay vina.

2 TIMOTE 4:3

Kay lina hin mbaa suuna hin mbuɗ hum u haɗta gasira oloɗi, asi hin mbuɗ lini u min masira, asi hin tok suu a haɗasina bolow egesiya, suu asina hin dasi dlara asi min a humuɗta.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 3:10

Sa ma mbaa ka ira duk suunana aŋ gaɗam yaŋ goy mba', hin hinim kiyo.

HEBRENA 10:29

Ni sa ma pan Goŋ Lonna hin lini nana ɗaŋge, nam hin busuna vi Goŋ Lonna ma mbus cora kina ko va ma ɦawana na, ŋgul Musukka oora. Agi ndak saa kagi ana ɓakŋa vi sa namma hin lini coo naɗi su?

1 PIYER 1:8

Agi wam ka u irigi tuɗi lay ni agi minimu, agi bay wam u irigi tu lay ni agi tin hurugi kamu. Kay ndaɗta agi lagi furira ŋgolla, ta sa ndak ka a di boy namma u vunumbira.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

1 JAŊ 2:26

An ɓiirigi dla ndaɗta ha ni kay suu hal a ganagi yagina.

1 JAŊ 4:1

Banayanna tinigi hurugi kay suu di kay tasi ana Musuk Lonara hurusiyana halaŋgi, agi tukusi a hal ki ana musukka hurusira col ay ni vi Lona ko su? Kayme suu jok vun Lona suu cona zul ki kaŋga hu duliyara waɗi.

Magaara JUD Ɓiiriɗta 1:18

Ana, «Buu ma daganna wanni suuna hin mba ŋgulugiya, asi hin lini dla cora u min masira.»

Magaara JUD Ɓiiriɗta 1:4

Suu li dla cora ka dlaɓ tasi dukuygi ŋgaya, asi ka gun boy dla oora vi Looygina ki kay a jiv dlaasira cora kiyo. Asi noy Yesu Kristu Bu Suuna, Malay ma Suɗta dewna kiyo. Magaara vi Lona di ki kay ɓakŋa vi Lona ki kaay kasini jew day.

WIRA ŊGAYRA 13:14

Vabak namma viɗ suu kay ndaŋgara ki halaŋ u dlara mbuɗta nam laɗta, ni fok vabak ma kal ay jewna, nam di suu kay ndaŋgara ana asi min vana a geleɗ vabak ma kal ay ki jew ma fi mbilna kay yam cam ki ginna hin miɗ kaɗina.

WIRA ŊGAYRA 2:13

An wi li ma aŋ buu huna, ni hu li ma Satan kaki kay dlam mamba mulla huna. Aŋ huruŋ tini kan eŋe, huruŋ ma tini kanna aŋ bay hinim ki tuwa. Fali mayra Antipas sa ma diki kan gasina, asi cam varagira lay, ni li ma Satan kaki huna.

WIRA ŊGAYRA 2:9

Wihaw maŋga an waɗu, haw maŋga an waɗ lay, u gasira ni aŋŋi sa ɦizina. An wi dla co mayra suu ana asi ni suu Juifna ni ka suu Juifnaɗi layna daŋga kaŋga, tok masira ni tokka vi Satanna.

WIRA ŊGAYRA 3:8

An wi tlesuu aŋ lasina halaŋ, an wi ana saɓak maŋŋa ka ŋgolɗi, na lay ni aŋ hum boy manna ha jiviya ni aŋ vanni vununu. An malaŋ vun zira ki maŋu, sa ka ndak a duguɗɗi.

WIRA ŊGAYRA 5:9

Asi gi soolla wilira ana, «Aŋ ndaki a tli magaara koŋu, a haw tampoŋŋa ki lay, aŋ ay ki jew ni miɗiya, u miɗ maŋŋa aŋ gus suuna ay maŋ Lona, suuna ay ki hu njafasi zeɗ zeɗ halaŋ, u vunusi zeɗ zeɗ halaŋ, u suuna halaŋ halaŋ kay ndaŋgara.

WIRA ŊGAYRA 6:10

Asi sawalla ay kolo u delesira eŋga ana, «Bu Suuna ma jivi teteɗ gasina, aŋ juɓ na gak gak, hin kaɓakŋa kay suu hu ndaŋgara a cukusi daŋgayna kay cira asi cami kira ni saɓage?»