2 PIYER 1:9 - Boy Lonana

⁹ Lini sana ka u tle asina hurumbi nam u wira gedeŋga hurum ko sa ma dugina na, humum maa ki kay mbuɗ mamba nam mbuɗ ay ki teteɗ kay coomba jewra.

2 PIYER 1:9 ပူးပေါင်းရင်းမြစ်များ

DLAŊ LEVIRA 13:55

Ŋgoo dagan mul ma li ɓivunna hoŋ gol va ma mbusum ki namma. Lini ndal ndaɗta ɦuɗ ka fokgi ni va namma ki ni njenjee. Aŋ ndak ŋgalam kiyo, kala keŋem ta ay ka ki cimi hu kurufu wa.

MARK 10:21

Yesu wam na ni, hurum minimu, hin dam ana, «Va ma dooroŋ dew, aŋ bay lam tuwa. Tuɗa, gus tlegeyeŋ ki halaŋ, bege ndaɗta aŋ ɓorowoɗ ha ki maŋ suu hawra. Aŋ hin fi ɦizza ŋgolla ha kolo huulonna. Ŋgoo daganda aŋ mbay unu.»

Boy Ma Ayra Ma LUK Ɓiirimma 18:22

Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.»

ROMMA 6:11

Agi may ni gol tagi ko miɗi eg dla cora na. Kak iiri maŋ Lona taɓi hu Yesu Kristu.

GALATENA 5:13

Gorsenna yagi ay ki ni ana agi li ki buɗiya hin buɗ magira a mbuɗ ki va ma co u min magira ɦawaɗi, ni na ɗow ana lagi u minda kay sun tagiya tagiya.

GALATENA 5:6

Lini aygi taɓi u Yesu Kristu ni caw ɗiwra lay caw kaɗi lay ka li vaɗi, va ma ŋgolna ni vira u minda na hol.

EFESNA 5:26

Nam li na ni kay a mbuɗ suu vi Kristuna ki suu ndakina maŋ Lona, ni hu li ma nam ɦokosi ki u yona u boyna.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 9:14

Lini jivi na ni busu Kristu hin lini ko me na ɗaŋge, u Musukka didinda nam ɦal tam maŋ Lona ni ɓivun ma pasiyakŋa. Bu Suuna hin mbuɗuygi saa maygira cora kiyo, kay aygi sunuygi Lona ma iirina.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

1 JAŊ 1:7

Lini aygi laygi dlaaygira hu kiɗikka ko Lona u tamba hu kiɗikka na may ni, aygi ki taɓi dew u suu hiŋŋa busu Yesu Goromma hin mbusuygi ki ko co maygira halaŋ.

WIRA ŊGAYRA 3:17

Aŋ di ana, «Anni sa ɦizina, li tlena halaŋ jiviya, va ma kaɗakan kaɗi.» Aŋ doy ka wi hahaw maŋga ana aŋŋi sa ma kaɗakina naɗi. Aŋ sa hawra, dugi lay, siili lay.