2 PIYER 1:6 - Boy Lonana

⁶ Soogi ugi a cuk kay wiigira doo tara, cuk kay doo tara ɗilira, cuk kay ɗilira taɓpa taɓ u Lonara.

2 PIYER 1:6 ပူးပေါင်းရင်းမြစ်များ

URA TIN AYRA 5:24

Nam poy u voɗta vi Lonara, hum u Lona cocoo lay, li ma nam kal huna sa wam kaɗi, kay Lona tlam kolo egemu.

SOOLLA 37:7

Kak na en eg Yawe, saa ni kamu, ɓeŋ huruŋ eg sa ma ka finaɗi, eg sa ma li dlara u mbambaraɗi lay.

EZAYI 57:1

Suu ɗegeena ba kiyo, sa ma caa yam kasi kaɗi. Suu li dlara jivira asi lasasiya, sa ma njunusi kaɗi. Suu cona ka casi poŋga, na daŋ may suu ɗegeena ka lassa.

Boy Ma Ayra Ma LUK Ɓiirimma 21:19

Lagi tagi jiviya agi hin suɗ iiri magira ki ni na.»

Boy Ma Ayra Ma LUK Ɓiirimma 8:15

Ii njaf ma waɗ kay ndaŋgara jivira ni suu hurusi ndaki, jiviya hum Boy ma vi Lona, li umu, vam hurusi lay, tuɗ fok u nam gak gak. Boy namma zul hurusi coco may.»

SUNDA 24:25

Pol gijaŋ boyna a ɓak kay a sana kak iiri ɗegeera, kay doora doo tara, kay ɓakŋa vi Lona ma hin mbana. Feliks tam mbuɗ ndaana, nam di ana, «Aŋ tuɗ cecemi vaŋ tuwa, buu ma daŋŋa an hin yaŋ ay tu olo.»

ROMMA 15:4

Tlesuu ay hu Boy ma Ɓiirina jew halaŋŋa ɓii ay ni kay a takaygi u dlara, kay boy ma ay hu magaara namma halaŋ mba gaɗaya, kay ay mba kak u juɓpa u ɗigilla.

ROMMA 2:7

Nam hin ɦal iirira ka daɓ kiɗira maŋ suu li jivina, asi suu hal ŋgolla u geleɗta u iirira bay miɗna.

ROMMA 8:25

Lini aygi ka juɓ va ma aygi bay wam tuna ni, lakaygi u ɗigilla.

1 KORINTNA 9:25

Agi wi ana suu njokoɗta doo tasi, kay tlena ŋgolo, asi li na ni kay a fi ni jumba maŋira ɦawaa, aygi li ni kay fi ni jumba mulla mayra didinda.

2 KORINTNA 6:4

Ni na ɗow lini hu megelay ni ami tak ana ami ni suu sunda vi Lona. Wihawra li fami lay ni ami siɓimi u lalamba, lini hu haɗ huna lini hu yoora lay.

GALATENA 5:23

ɗilira, u doo tara. Gaɗta ka co kay tlesuu asinaɗi.

KOLOSNA 1:11

Ami joɓomi Lona kay nam mba ŋgomogi u saɓak mamma bibiŋilna ni agi hin ndak siɓ tlena halaŋ u ɗigilla.

1 TESALONIKŊA 1:3

Humumi gami fok Lona tew tew kay sun magira jivira hu vira, kay sunda hu min magira, u hurugi ma tini coco u juɓpa kay Bu Suuna maygina Yesu Kristu.

2 TESALONIKŊA 1:4

Ni kay ndaɗta ami ŋgaami tami kagiya kay suu vina vi Lona ni kay ɦiŋ magira u viigira agi ka siɓ lassa u wihawra.

2 TESALONIKŊA 3:5

Ko Bu Suuna njun ugiya agi min Lona u juɓpa lalamba u Kristu.

1 TIMOTE 2:10

Li sunda jivira ko boyogi suu li sunda ii Lona jivina na.

1 TIMOTE 2:2

Cen kay muli suu ŋgolona u suu ka hu ŋgolla na bel bel, kay aygi mba lak u jivira u heɓpa, ay mba lak taɓi fok Lona hu poyra jivira fokomu.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

1 TIMOTE 6:11

Aŋ sana vi Lona hin dlara halaŋ wanda kiyo, hal ɗoɓira njun taŋ eg Lona u vira, minda, ɗilira, lalamba.

1 TIMOTE 6:3

Lini sana haɗ gaɗta daŋŋi ka taɓi u boy ma gasina vi Bu Suuna Yesu Kristuɗi, ka u haɗta vi viigiraɗi lay.

1 TIMOTE 6:6

Gorsenna vira ni va ma ŋgolna kay sana, lini nam furi u va ma nam vi umma.

2 TIMOTE 3:5

Asi li ko asi vi u Lona na, na may ni noy saɓak vira kiyo, aŋ taɓ u suu asinaɗi.

TITTA 1:1

Ni an Pol ma sun Lona, sa vovoɗta vi Yesu Kristuna. Lona yan kay a mbaa suu nam manasi kina hu vira, kay a takasi gasi mayra viiygira haɗata,

TITTA 1:8

Nam li sa ma min suu mba varamma jiviya, min dlara jivira lay. Lini sa ma ɗilina, sa ma ɗegeena, teteɗna, sa ma doo tamma.

TITTA 2:2

Di suu maana asi ni suu li dlara u voɗoɗna, suuna hum u boy masina, ɗiliya, li coli eŋ hu tin huuna, u minda, u lalamba hurusi lay.

HEBRENA 10:36

Agi min a lini lalamba, kay a li va ma Lona minimma, hin fi va ma nam vi vunum kamma may.

HEBRENA 12:1

Lini kaygi aygiya ni suu di kaygina ŋgolo ŋguyuygi yaygiya. Buɗuygi taygi ki ko tlesuu ɓeŋeygi poy maygirana, u cora gaɓi egeygira, liŋiygi ni liŋ ma ŋgaɓi kaygi a liŋimma.

HEBRENA 6:12

Ami ka min ana agi mbuɗ ki zolomo naɗi, agi tli ni u suu vina suu lalamma, fi va ma Lona vi vunum kamma.

HEBRENA 6:15

Abraham juɓ u ɗigilla ni nam hin fi va ma Lona vi vunum kamma may.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

2 PIYER 3:11

Tlena halaŋ hin ɓeŋ ki ni ko ndaɗta na agi hum ki jiviya poy magira hin lini nanage, agi mba poy ɗegee taɓi u Lona.

WIRA ŊGAYRA 1:9

Ni an wayagina Jaŋ ma taɓi u Yesuna, an min taɓ u agi hu wihawra may. U juɓpa juɓ Mul Lonara u lalamba lay, an ay kay daara yaɗ ana Patmossa kay an di Boy Lonana u gasira Yesu takaɗ kira.

WIRA ŊGAYRA 13:10

Sa ma ay ki ŋgaɓi a ti daŋgayna hin gammi daŋgayna may, sa ma ay ki ŋgaɓi a ci ki u ŋgew ma ŋgolnana hin cam ki ni u ŋgew namma may. Ni kay ndaɗta dee suu vi Lonna kak ɗili u tukka ndaɗta u vira.

WIRA ŊGAYRA 14:12

Ni kay ndaɗta suu vi Lonna suu hum u gaɗ mamba suu ɗegee u Yesuna, mba lak u ɗigilla.

WIRA ŊGAYRA 2:2

An wi tlesuu aŋ lasina halaŋ, an wi dlara loɓma li egeŋga, ɗili maŋga aŋ takaɗ kira an waɗ lay, an wi ana aŋ ka ndak a siɓ dlara vi suu conaɗi, suu di kay tasi ana asi ni suu vovoɗta hin ka naɗina, aŋ tukusiya, hin wasi ana asi ni suu kaboyna.