2 PIYER 1:21 - Boy Lonana

²¹ Boy ma suu jok vun Lona damma halaŋŋi ka u minda vi sana kay tambi, ni Musuk Lonara njun usiya kay ndaɗta asi ɓak kay Lona ni na.

2 PIYER 1:21 ပူးပေါင်းရင်းမြစ်များ

2 SAMUEL 23:2

Musuk Yawera ɓak ki fununu, boy maɗna ka kay sininu.

1 MULINA 13:1

Sa ma jok vun Lona col ay hu Yuda, Yawe sunum ay hu Betel, mba fi ni Jeroboam ŋgal ɓivunna hu kay givin ma togolla may.

1 MULINA 17:18

Cara di Eli ana, «Va ma ndolon u aŋŋa ni mege? Aŋ mbay varan a gan u coonda ki can goona ki wanni kay mege?»

1 MULINA 17:24

Cara di Eli ana, «Na daŋ may cemi ni an wi ki wa ana aŋŋi sa ma vi Lonna. Boy ma vi Yawena ka funuŋŋi nam daŋ may.»

2 MULINA 4:22

Ndaɗ yi njufuɗ dam ana, «An ceneŋu sunun sa ay duk suu sunda dew, van kor ay dew may. An tuɗ vi sa ma vi Lonna hin hoŋ ay cemcem.»

2 MULINA 4:7

Ndaɗ hoŋ ay mba di sa ma vi Lona. Nam hin daɗ ana, «Tuɗ gus mbulna ki gus gus ni, warak bal ma kakŋa kiyo. U gursura hin kokka ndak u goryok hin ti vunugi u ndaɗ may.»

2 MULINA 4:9

Cara hin di njufuɗ ana, «An wi ana sa ma mba vo varay tew tew namma ni sa ma teteɗ ma vi Lonna.

2 MULINA 6:10

Mul ma Israelna sun suu asgaana nda gol li ma sa ma jok vun Lona di kamma ni fi ni, asi ki hu daŋ may. Dla ndaɗta li ko ndaɗta nara yaɗ bolowo.

2 MULINA 6:15

Sa sunda vi sa ma jok vun Lonna kal ay ki bunsu maɗii na feɗet. Nam wi suuna ŋguy yam ɦoŋzina ki na cutl u kulumina u pus pusna. Nam di Elize ana, «Ҥii, sa ŋgol manna, ay hin lay tay karammi nanage?»

1 DLAŊ MULINARA 23:14

Moiz ni sa vi Lonana. Goryom ki ndumi duk deera vi Levira.

2 DLAŊ MULINARA 8:14

Salomon li ni ko dlara bum David laɗ kara na may, nam tin muli suu li ɓivunna ki hu liisina zeɗ zeɗ halaŋ. Suu vi Levi suu ka ŋga Yawe hu buuna tew tewna u suu ka njun muli suu li ɓivunna hu sundana, suu zii nekka lay, ni ko ndal sunda vi dee taaragelay ta ɦasira ka kosi a asi laɗta na may. Dla ndaɗta David sa ma vi Lonna daɗ ka na ni namu.

JEREMI 23:26

Hin tew ni ara na ga, tlena hin li kay suu jok vun Lona suu ɓak boy ma kaboyna ni ge? Asi ni suu jok vun Lona suu ganyamba u ŋgatara ɦawaa.

EZEKIYEL 1:3

Yawe di boy mamma maŋ Ezekiyel ma goŋ Buzi mul ma li ɓivunna, hu mbassa vi suu Kaldenara tok eg mbo lum ma Kebarna. Ay hu li namma Yawe tin kom kay Ezekiyel.

MISE 1:1

Yawe di boy mamma maŋ Mise ma Moresetna hu buu ma Yotam, Ahaz, Ezekiyas a mulina hu Yudana. Dlara tak taɗ irim ki kay Samari u Yerusalem.

MISE 3:7

Zolona kay suu wi u dlara, suu joɓpa hin viɗ ki lay. Asi hin kuluɓ irisi ki kaŋgaa kay ana Lona ka hoŋosi diraɗi.»

NDUMBA 16:28

Moiz di ana, «Cemini agi halaŋ hin wi ki ana Yawe sunun ay a lam sun mamba ni namu, an li dla ndaɗta ni ka u min manda a hal mul kay tanɗi.

MARK 12:36

David u tamba di ki u saɓakŋa vi Musuk Lonara ana, Bu Suuna di maŋ Bu Suuna manna ana, Kak kay bikin ma njufna, gak gak an cukuŋ babali maŋsina ki kaŋga u seŋ tuwa.

Boy Ma Ayra Ma LUK Ɓiirimma 1:70

Ni boy ma nam dam ay ki fok jew fun suu jok vun Lonna.

SUNDA 1:16

«Gorsenna li ki wanni va ma Musuk Lonara di kam hu magara jew ɓak ki fun David kay suu hal a vi Yesuna, Yudas ni sa ma hin takasina kina.

SUNDA 28:25

Asi cuk tasi ɦawa bay vunusi taɓ duk tasiya. Pol dasi ɦawa ana, «Musuk Lonara di gasini u voɗoɗu, hu li ma ndaɗ di somoyogi u vun sa ma jok vun Lona Ezayi.

SUNDA 3:18

Dla ndaɗta li ki ni u va ma Lona dam ki fok jew fun suu jokom vunumma ana, Sa Lona Fuurumma hin fi lassa.

GA 8ATAMBARA 33:1

Gola ni paɗvun ma Moiz sa ma vi Lonna paɗam kay suu Israelna jew bay nam miɗ tuna.

HEBRENA 10:15

Musuk Lonara daygi olo, ndaɗ di ɗaŋi anaba,

HEBRENA 3:7

Ni kay ndaɗta Musuk Lonara di anaba, «Lini agi hum del Lona karam wani,

HEBRENA 9:8

Musuk Lonara tak ki ana voɗta kay Li ma Saɓaki Teteɗna bay mal ki tuwa, ni ay hu li ma mbutluɓma jewna ka tuna.

JOSUWE 14:6

Goryoŋ Yudana mbay eg Josuwe hu Gilgal, Kaleb ma goŋ Yefunena ay dukusi may. Nam dam ana, «Aŋ wi dla mayra Yawe daɗ maŋ Moiz, sana vi Lona, kanda ura kaŋ aŋ taŋgara lay ay hu mbassa Kades-Barneara.

1 PIYER 1:11

Asi so tasi a wi buuna u cokira Musukka vi Kristu takasi ay ki ana nam hin fi lassa, ŋgoo lassa daŋŋi nam hin fi ŋgol mamba tuwara.

WIRA ŊGAYRA 19:10

An goɓ kaŋga fokom a cenemba nam dan ana, «Li naɗi, anni sa sunda ɦawaa, ko aŋŋa may, ko gorseŋ suu u gasira Yesu takasira hurusina na may. Cen Lona!» Gasira Yesu takaɗ kira ni va ma suu jok vun Lona dam ay jewna.