2 PIYER 1:14 - Boy Lonana

¹⁴ An wi kan ana an hin tok a hin tliw ma miɗi namma kiyo, ko Bu Suuna Yesu Kristu takanda na.

2 PIYER 1:14 ပူးပေါင်းရင်းမြစ်များ

EZAYI 38:12

Iiri manda paɗ kiyo, tuɗ ha ki egen na day ko ndal mbutluɓ ma vi suu taa yorina na. Ko ndal sa ma cil barawna na, an tew ki ni kay mburra vi iiri mandara, zewen ma ay njunina nja ki wa lay. Maɗii lay fiɗigi lay, an saa gin ana Bu Suuna garak ki u an wa.

Boy Ma Ayra Ma JAŊ Ɓiirimma 13:36

Simon Piyer joɓom ana, «Aŋ tuɗ ni arage Bu Suuna?» Yesu hoŋom dira ana, «Hu li an tuɗ huna aŋ ndak ka a tuɗ hu cecem tuɗi. Aŋ hin tuɗ ha ni un dagan tuwa.»

SUNDA 20:25

«An tuɗ tew tew dukugi a di kay Mul Lonara, cecemi dukugi ni sa ka a hin wan irin oloɗi.

2 KORINTNA 5:1

Aygi wi anaba zira aygi ka kagi huruɗ wanda, ni di ana mbalatay ta hu ndaŋgara wanda, ɓalak ki lay ni Lona miniygi zina ha kolo ni zi ma nam minim u tambana kak din din ka daɓ kiɗi.

GA 8ATAMBARA 31:14

Yawe di Moiz ana, «Gola Buuruŋ ma miɗna hinni tok. Yi Josuwe agi tuɗugi ha hu zira tokka, an hin ɦam gaɗ manda ha may.» Moiz u Josuwe tuɗ ha kalafi hu zira tokka.

2 TIMOTE 4:6

Lini anu ni faɗan ndak wa an min a ɦal tan ki a ɓivunna, buurun ma miɗna ndak wa.

JOSUWE 23:14

Gola an cemini tuɗ ni tuɗiya ko ndal tlesuu kay ndaŋgarna halaŋ ka tuɗta na may. Na may agiya, wagi ki u hurugi halaŋ u tagira halaŋ ana, boy jivi ma Yawe, Loogina, dam wanna maa na dew lay ma maa ki kaŋga kaɗi, dlara nam daɗ kagira halaŋ li kiyo, boy maa dew ma nam dam hin ki bay li ni kaɗi.

2 PIYER 1:13

An wi kan gasi day day ana an lay ka hu iiri ndaɗta tuwa, an gagi humugi kay boy namma.