2 PIYER 1:10 - Boy Lonana

¹⁰ Kay ndaɗta gorsenna soogi tagi eŋ a taɓ u yi mayra Lona yagira u manda nam managira, lini agi li ko ndaɗta na ni agi hin ka a cuk kaŋga hu coraɗi.

2 PIYER 1:10 ပူးပေါင်းရင်းမြစ်များ

SOOLLA 112:6

Tew tew ni nam ka kaki eŋe, sa ma ɗegeena hum suuna ka kam tew tew.

SOOLLA 121:3

Nam ka hiniŋ seŋ a daɓ vaɗi, ka sa ma juɓuŋ uŋŋa buu senɗi.

SOOLLA 15:5

Nam ka ndi gursu mamba ki u mboɗi. Nam ka vi gursu ko sa a mbuɗ ɓak ma vi sa ma ɗegeena ki coɗi. Sa ma li nana ka ndi ki ga hu dlaɗi.

SOOLLA 37:24

Lini sem daɓ va lay, nam ka puk gaɗi, kay Yawe vam kom koloo.

SOOLLA 62:2

Na daŋ may musukun cemi tin wa fok Lona, suɗ manda col ay ni komu.

SOOLLA 62:6

Ndak musuk manda kak na en eg Lona, kay saa manda tini ni kam dew.

EZAYI 56:2

Furira ka kay sa ma li ko ndaɗta nana, goŋ Adam ma vi tamma, gol buu ma vi Lonna jiviya, hum um may. Ɗoo tam ka li dla coɗi may.

MISE 7:8

San unɗi, ndak babali manda. Li ni an ndi kaŋgaa, an hin col koloo, lini an ka kagi hu li ma ndufunna ni Yawe ni kiɗik manda.

MATIYE 22:14

Yesu di kay boy namma ana, «Suuna ay yi ŋgolo, suu ŋgaɓi dukusina ew daŋ.»

ROMMA 11:29

Lona ka hoŋ tli va ma nam ɦam kinaɗi, nam ka hoŋ vunum dagan kay suu nam yasinaɗi lay.

2 TIMOTE 2:19

Ni kay ndaɗta u zira Lona gaɗ namba coli jiviya, boy ma fok namma ni «Bu Suuna wi suu mamma, suu di ana asi ni vi Bu Suuna na halaŋ noy cora kiyo.»

HEBRENA 6:11

Ami min ana gegelay dukugi mba tak tamba feɗta na gak gak hu daɓpa lay, va ma agi ka saa kamma mba li u voɗom ɗegee gasi.

HEBRENA 6:19

Juɓ maygira ndaɗta ni ko zew kawi ma njun lumba njun musuk maygira na may. Ndaɗ gasi coli eŋga, ndaɗ kal hana ni jak duk baraw ma ɓorow ii Ziŋ Lonara kolora, tew hu li ma teteɗna ha hu kurufuwa.

Magaara JAK Ɓiiriɗta 2:10

Lini gaɗta na dew sana hiniɗ ki, hum ka uɗɗi ni, nam li cora ni kay u mayra hinda halaŋ.

JOSUWE 7:3

Suu asina hoŋ ay eg Josuwe mba dam ana, «Ka suuna tuɗ belɗi, li ni suu buɓ buɓ mba' kala, hindi kala, ni ndak dik zi ma Aina. Aŋ ka loɓ ta suu Israelna u ŋgolosi belɗi. Kay suu asina ka zuli cocoɗi.»

1 PIYER 1:2

Agi ni suu Lona Buna managi ay ki fok jew ana agi hin li a suu mamsinana, ni kay ndaɗta Musuk mamba ka njunugiya a hom u Yesu Kristu, mbuɗugi ki pasiyak u busu mamma. Ko oora u heɓpa kak u agi cocoo.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

2 PIYER 1:3

Saɓak ma kolona vi Bu Suuna ɦaygi tlesuu ŋgomoygi hu iiri maygira halaŋ egem nam Lona, kay nam takaygi sa ma yaygi aygi mba taɓ u nam hu ŋgol mamba u jivi mambana.

2 PIYER 1:5

Ni kay ndaɗta soogi ugi a viigira mbuɗ eŋ hu poyra jivira, poy magira jivira a wi yal dlara.

2 PIYER 3:14

Kay ndaɗta banayanna a juɓ buu namma wanni soogi tagi kay lak ɗegee ii Lona kay taɓ u nam hu heɓpa.

2 PIYER 3:17

Agi banayanna cecemi agi hum ki wa gologi tagi jiviya, a agi mba hin tagi a viɗ ki u cora vi suunaraɗi, ba voɗ magira ɗegeera kiɗi.

Magaara JUD Ɓiiriɗta 1:24

Nam sa ma ka gologi hu dlara fagira halaŋŋa, agi hin mba lak fokom bay cora hu ŋgol mamba u furira din din.

WIRA ŊGAYRA 22:14

Furira ka kay suu mbus baraw masina kina, asi ni suu voɗta ka kasi a ti vuɗ gu ma vi iirirana, cuk ha ni hu gulumun ma kal ha ɦoŋzina.