2 MULINA 9:27 - Boy Lonana

²⁷ Hu li ma Ahaziya wi dla ndaɗta na ni, nam pii tin irim ha Bet-Gan na, Jehu cuɗum um gak gak. Jehu di suu umma ana asi ci Ahaziya ki may. Asi tuɗ cam ha ki ni hu li ma nam ka jaŋ pus pus mamma kay tam tin irim ha hu Gur na, ka day eg Ibleambi. Ahaziya liŋ gak gak tuɗ miɗ ha ki ni hu Megido.

2 MULINA 9:27 ပူးပေါင်းရင်းမြစ်များ

SUU KAƁAKŊA 1:27

Suu vi Manasena tew ka a dik Bet-Sean, Taanak, Dor, Ibleam u Megido u suu ŋguyusina kiɗi. Suu Kanaanna hin cuki hu mbas ndaɗta gak gak.

JOSUWE 17:11

Ha hu mbassa vi Issakar u Aser, Manase ɦoŋzi mam ma ŋgolona ha varasiya, ni Bet-Sean u zi ma ga umma halaŋ, Yibleam u zi ma ga umma halaŋ, Dor, En-Dor, Taanak, Megido u zi ma ga usina halaŋ, u ma ay keŋesi tok tokŋa lay.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

VUN ŊGOLNA 13:20

Sa ma poy ko tam u sa ma wi dlara hin mbuɗ sa ma wi dlara. Sa poy u sa ma laɓana hin kal hu cora.

2 MULINA 8:29

Mulna Joram tuɗ a cil mbilim ma suu Sirina dagam ayna hu Jizreel hu Rama ni hu li ma nam ka duu tam u Hazael, mul ma Sirina, may. Ni Ahaziya ma goŋ Joram, mul ma Yudana, tuɗ kaŋga hu Jizreel a gol Joram ma goŋ Akabma ma asi dagam ayna.

1 MULINA 21:2

Akab di Nabot ana, «Hinin sene gugutlu maŋŋa an a li hum tlesuu tira huwa, kay nam eg ziinna ni na tok daŋ. An hin ɦaŋ sene gugutlu ma jivi cocona kay balam maŋŋa. Lini aŋ min gursuna lay ni, an ndak a ɦaŋ gursuna kay gusum lay.»

1 MULINA 4:12

Baana goŋ Ahiludna li sunda hu Taanak, Megido u Bet-Sean ta ka ki tok eg Sartan kolo kay Jizreel nara col ay Bet-Sean ta ta Abel Mehola tuɗ ay ta ta kolo kay Yokŋeam.

SUU KAƁAKŊA 5:19

«Suu mulina mbay li duuna, muli suu Kanaanna mba duura. Asi duu ay ni hu Taanak tok eg mbo lum ma Megidona. Va jo na ew lay, gursu lay ni asi fi ka kosiɗi.

NDUMBA 16:26

Nam di suu toki gana ana, «Ҥuɗugi tagi ha ki fun ziŋ suu co asina, tlasi vaasi ma kogiɗi lay, kay ana agi ka ba tagi ki kay dla coosira asi laɗtaɗi.»

2 MULINA 10:4

Asi mbuɗ ki ndaa cocoo, ɓak tasi ana, «Muli suu mbana ndak ay ka funumbi ɗow, ɦakŋi gol ko aygi su?»

2 MULINA 11:1

Hu li ma Ataliya, su Ahaziya, wi ana gooroɗna miɗ kiwa ni, ndaɗ hal ana ndaɗ gi njaf goryoŋ mulnana ki halaŋ.

2 MULINA 12:1

Joas kak a mulna ni basaɗammi kiɗisiya.

2 MULINA 12:21

Suu ŋgolo mam suu asgaarina vi vunusi kamu, asi tuɗ ci Joas ha ki hu Bet-Millo hu li ma nam min a tuɗ Sillana.

2 MULINA 14:19

Asi vi vunusi kam hu Yerusalem a cam kira. Nam pii tuɗ ki hu Lakis. Asi sun suuna cuɗum um hu Lakis, tuɗ cam ha ki ni hu Lakis.

2 MULINA 21:23

Suu sunda vi Amon vi vunusi ki kay mulna. Asi cam ki vo varam taraŋŋi.