2 MULINA 9:26 - Boy Lonana

²⁶ An, Yawe, wi dla ndaɗta ki halaŋ hu li ma aŋ ci Nabot u goryom kina. An, Yawe, suu tan ana an hin kaaŋ ɓakŋa kaŋ kay dla ndaɗta ni hu sene namma na gay may.» Jehu hin di ana, «Tli maɗ Joram gam ha ki hu sene namma, ko ndal Yawe di ay ki fok jewra na.»

2 MULINA 9:26 ပူးပေါင်းရင်းမြစ်များ

EZEKIYEL 18:19

«Agi hin ɓak ana, goona ka zii dlara vi bumbaɗi ni kay mege? Na may kay ana goona li dlara ɗegeera. Nam li u gaɗ manda halaŋ a gasira ni nam hin kak iiriya.

2 DLAŊ MULINARA 25:4

Na may nam casi goryosi ka kiɗi ni ko ndal gaɗta vi Moiz di hu li ma Yawe dam ayna na may ana, «Somira ka miɗ kay dlara vi goryosiraɗi. Gorra ka miɗ kay dlara vi somoyosiraɗi may. Gegelay fi maɗna ni kay dla coomba nam laɗ u tambara.»

2 DLAŊ MULINARA 24:25

Suu duu suu Sirina hoŋ voo, hinim ka ni duk lassa ŋgolla. Suu ŋgolo suu fok suu duuna suu vi Joasna vi vunusi kamu a sa sukul goŋ mul ŋgol ma li ɓivunna Yoyoda ma nam cam kina, asi tuɗ cam ki ni kalafi kay lay mam ma buuna. Asi pammi hu Ҥoŋzi Davidna, may ka hu zulla pi mulinaraɗi.

1 MULINA 21:19

Aŋ tuɗ ɓakammi ko ndal wandara na. Yawe di ana, hu li ma aŋ ci maɗna wa ni, mbuɗ vaŋ sa nammana ki a maŋŋa gaw su? Aŋ hin dam ki hu ana, li ma diginina tanaɗ busu Nabot huna, diginina hin tanaɗaŋ busuɗuŋŋi hu li namma may.»

GA 8ATAMBARA 24:16

Sa ka ci buna ki kay dlaŋ goorombaɗi. Sa ka ci goona ki kay dlaŋ bumbaɗi may. Gegelay hin fi maɗna ni kay dlaamba nam laɗ u bik komba.

GA 8ATAMBARA 5:9

«Aŋ mba goɓ ga fok fulinaɗ, sunusiɗi lay, kay Anni Yawe Looŋŋa, Lo ma hurum ya cocona, an tin cora vi somira ha kay goryosiya, ha kay njafasi fokosi hindi lay, fiɗi lay, lini asi ka hum unɗi.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

1 MULINA 21:13

Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.

2 MULINA 9:21

Joram di ana, «Ganagi kulumina.» Asi ganam kulumina may. Joram, mul ma Israelna, u Ahaziya, mul ma Yudana, cuk ay ki u pus pus masi ma kulumina mba ŋgaf vok Jehu. Nam ka ni hu sene ma vi Nabot ma Jizreelna may.

2 MULINA 9:25

Jehu di saam ma funumma Bidkar ana, «Tlam maɗam tani gam ha ki duk sene ma vi Nabot ma Jizreelna. Humuŋ mba gaŋ kay dlara Yawe daɗ ay ki fok jew maŋ bum mulna Akabba, ni hu buu ma aygi ka u nam hu pus pusna a tinimba ana,

HABAKUK 2:10

Aŋ col ni a mbuɗ ziiŋ ki zolona, ci suuna ki bolowra ni aŋ ci ki ni iiri maŋga may.

SOOLLA 9:13

Kay nam sa sukul suu casi kina, humum ka gam kasi tew tew. Humum ka maa kay tii ma vi suu ka lasnaɗi.