2 MULINA 8:5 - Boy Lonana

⁵ Gehazi di mulna kay colla Elize col suu miɗina ki kolo iirira. Hu li namma cara mba funusi ni na tok gaw may ni, cara nam coloɗ goroɗ ki kolo iirira, mbay a joɓ mulna kay sene maɗna u ziiɗna. Gehazi dam ana, «Sa ŋgol manna, mulna, gola ni ca ndaɗta. Ni goroɗ ma nam colom ki kolo iiri namma gaw may.»

2 MULINA 8:5 ပူးပေါင်းရင်းမြစ်များ

1 MULINA 20:1

Ben-Hadad, mul ma Sirina, tok suu mam suu duuna na halaŋ halaŋ. Muli suu taɓ ay ki umma na dok-hindi yam mba', u kulumina cocoo, suu u pus pus ma kuluminana coco lay. Asi mbay ŋguf ɦoŋzi ma Samarina a duu u asira.

2 MULINA 4:12

Nam di saam ma lam sunda, Gehazi, ana, «Yan cara Sunemba ndaɗta ay gige.» Gehazi tuɗ yaɗ aya. Ndaɗ mbay, col fun goŋga.

2 MULINA 4:35

Elize cuk ki kaŋga hu goŋga, tuɗ kolo u sem hu goŋga na cow cow. Hoŋ ɗiŋ kolo buu kay goona olo. Gogoona ercew yam na kiɗisiya, hin mal irim kiyo.

2 MULINA 6:12

Sa maa dukusi dew ni dam ana, «Ҥawaa, sa ŋgol manna, ni Elize, sa ma jok vun Lona ma ka duk suu Israelnana. Nam ndaki a gi u dlara aŋ ɓakaɗ ay kalafi hu liiŋ ma buunara ki maŋ mul ma Israelna.»

2 MULINA 6:26

Buu maa dew ni mul ma Israelna poy kolo kay yam gulumunna, cara yam ay kolo eŋga ana, «Sa ŋgol manna, mul manna, mbay njununu.»

2 MULINA 8:6

Mulna hin joɓ cara, ndaɗ vam u dla ndaɗta ki jiviya. Mulna gaɗ sa ŋgol ma asgaana fokoɗ di ana, «Tuɗ ɦaɗ tlegeyeɗ ki halaŋ halaŋ, ɦaɗ wa ma asi feɗem hu sene maɗnana lay, col ay hu mbassara ndaɗ tuɗ kira day ta ta cemi.»

ESTER 5:14

Na ɗaŋŋi Zerses, caamba, u banayamma halaŋ, dam ana, «Halaygi gu ma fiyekem metre dok mba' yam vadlna, vin maɗii wanni di mulna ana ɓalaygi Mardose ki hurumu, u furira ɗaŋŋi aŋ tuɗ ko taŋ u mulna hu li ma luuna olo.» Haman hurum vi boy namma hin hal guna.

SOOLLA 145:1

Soolla geleɗta vi David. Loonna, mul manna, an geleɗeŋu, an gi deɓpa u seŋ na gak gak.

VUN ŊGOLNA 16:9

Huu sana ka saa voɗta nam a tuɗ hura, may Yawe gol sem sana ma tuɗ huna ni namu.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

ROMMA 8:31

Ni aygi hin daygi ana mege? Lini Lona ni maygina ni sa hin halaygi a honira ni gege?

RUT Magaara Njaɗ Dlara vi Rut 2:3

Ndaɗ tuɗ may, goɓ a cil ɦelena u suu ka feɗ wana ŋgoo bagina. Taɗ ndi jivira hoŋŋi hu sene ma vi Boozna ni sa ma hu deera vi Elimelekka gaw may.

1 SAMUEL 26:17

Sol hum del David hin di ana, «Ɓakŋi aŋ su, goonna David?» David di ana, «Ɓakŋi anu, malanna mulna.»