2 MULINA 8:1 - Boy Lonana

¹ Elize di cara nam coloɗ gooroɗ ki kolo iirira ana, «Col kolo ndak u suu maksina halaŋ, tuɗugi ki hu mbassa daŋga kay Yawe gi mayra kay suu Israelna, may ndaɗta a li basara ni kiɗisiya.»

2 MULINA 8:1 ပူးပေါင်းရင်းမြစ်များ

URA TIN AYRA 12:10

Mayra ŋgolla ndi kay ndaŋgara cocoo, Abram tuɗ ki hu mbassa Egiptera ana nam i basa ay ki hu njok tuwa.

URA TIN AYRA 26:1

Mayra ŋgolla ndi kay suuna hu mbassa halaŋ, may ndaɗta ni ka mayra ay hu lina vi Abrahambaɗi, Isaak tuɗ eg Abimelek mul ma Filistinna hu mbassa Gerar.

URA TIN AYRA 41:25

Yosef di Faraw ana, «Sa ŋgolna, doy maŋga jakŋi va dewna. Lona tak maŋ Farawni va ma nam hin a lamma.

URA TIN AYRA 41:32

Doyra dewra di Faraw yaɗ mba' lay ni tak ki ni ana Lona tin dla ndaɗta ay ni namu. Lona ka vi yam a li dla ndaɗtaraɗi.

URA TIN AYRA 41:54

Basara kiɗisiya ta mayra gijaŋŋa ko Yosef di ay ki jewra na may. Mayra ndi ki kay yam mbassa halaŋ, na may hu mbassa Egiptera ni tina kaa.

URA TIN AYRA 47:4

Asi di Faraw ana, «Ami mbay ni a zina hu mbas maŋga. Kay haɗ ma ti yoorina vi suu sun maŋsina ay ka oloɗi. Kay mayra su ay kami coco hu mbassa Kanaanda. Lini aŋ mina ni hin suu sun maŋsina cuk hu ndaŋgara Gosenda.»

2 SAMUEL 21:1

Mayra ndi hu cokira vi David basara na hindi. David joɓ Yawe. Yawe dam ana, «Dla ndaɗta ni kay Sol u ɦoŋzi ma ci maɗna kay ana nam ci suu Gabaonna kiyo.»

2 SAMUEL 24:13

Gad hin tuɗ vi David ɗaŋŋi, jokom boy namma. Nam dam ana, «Aŋ hin ndak a siɓ mayra basara na kiɗisiya hu mbas maŋga ɗowba li tilna hindi u dawra daw ko saaŋ ma babali ma cuɗuŋ uŋŋa ɗowba li buuna hindi u tuguɗii bora hu mbas maŋga su? Cecem wanda ɗaŋŋi aŋ saara, wi dla mayra an hin hoŋ dira maŋ sa sunun aynara.»

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

1 MULINA 18:2

Eli gi tam a tuɗ tak tam ki ii Akabpa may. Mayra ka li hu Samari ŋgol cocoo.

2 MULINA 4:18

Goona wul kiyo. Fali taa dew ni nam tuɗ ŋgoo u bum a gol suu feɗ wana.

2 MULINA 4:36

Elize yi Gehazi ay dam ana, «Yi cara Sunemba haa.» Nam yaɗu. Ndaɗ hin mbay eg Elize. Nam daɗ ana, «Tli gorokŋa haa.»

2 MULINA 4:38

Elize hoŋ ay hu Gilgal hu wanni mayra ka ci hu cocoo. Suu jok vun Lona ka moli fokom may. Nam di saam ma li sunda ana, «Mbus huu gidir ma ŋgolna ki, zal dlemma ay maŋ suu jok vun Lona.»

2 MULINA 7:20

Dla ndaɗta hin lammi ko ndal ndaɗta na may. Suu Israelna tay sa ma mulna jik tam u namma ki ga vun grekŋa, nam miɗ kiyo.

2 MULINA 8:2

Cara cola li ko ndal sa ma jok vun Lona daɗta na may. Ndaɗ tuɗ ni u suu maɗsina halaŋ. Tuɗ kak ha ki hu mbassa Filistinda li basara ay ki hu kiɗisiya.

SOOLLA 105:16

Nam gi may ŋgolla kay suuna, nam yowosi tlesuu tira ki kasiya.

SOOLLA 107:34

Mbuɗ ndaŋgara jiv tlena ki a ndaŋgara himiina, ni kay cora vi suu ka cuki hu mbas ndaɗtana.

JEREMI 25:29

An sun dla cora ha kay ɦoŋzi ma humun sen kina jew tuwa, agi may ni dla hin ka li kagiɗi su? Ҥawaa, agi hin ka li ki bay dla kagiɗi, kay ana an ka sun ŋgewiina ay kay suu kay ndaŋgarana halaŋ, Yawe, ma Saɓakŋa Kom Belna, di na.»

DLAŊ LEVIRA 26:26

An hin kaɗakagi tina ki kagiya, boyogina doogo yi funa kay givin ma dewna, asi ɦagi fu ma ew namma, agi tammi, ka hoɓogiɗi lay.

AMOS 4:6

Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

Magaara Vi Sa Jok Vun Lona AGE 1:11

An yi baktarra mbay kay ndaŋgara, kay ɦinira, kay wana, kay veŋ ma wilina, kay mbul ma heɓma lay, kay tlesuu ndaŋgara lasina halaŋ. Kay suu warna, kay mbuurina, kay vuɗ tlesuu agi fasi u sun magirana halaŋ.»

Boy Ma Ayra Ma LUK Ɓiirimma 21:11

Ndaŋgara hin dlak ŋgolo. Bakdarra ŋgolla u tuguɗira cora hin mbaa, li ki hu mbassa zeɗ zeɗ. Dlara mbuɗ tara ndaana hin liya, u tlesuu mbuɗta ay kolo huulona hin li lay.

Boy Ma Ayra Ma LUK Ɓiirimma 21:22

Buu namma hin li ni buu ma wi hawra. Li ni boy ma ki ɓiiri fok jewna.

Boy Ma Ayra Ma LUK Ɓiirimma 4:25

An dagina, hu li ma Eli cen Lona ana nam siɗi, li basara hindi u til karkiyana ni, boyogi suu donona ka hu mbassa Israella cocoo, mayra ci suuna hu mbassa halaŋ.

SUNDA 11:28

Maa dukusi dew sem ana Agabus, Musuk Lonara takam nam di ana mayra ŋgola hin ndi kay ndaŋgara halaŋ, may ndaɗta ndi ay ni hu li ma Klaud ka kaki a mul ŋgol nana.

RUT Magaara Njaɗ Dlara vi Rut 1:1

Hu cokira vi muli suu kaɓakŋa vi suu Israelna, mayra ŋgolla ndi hu coki ndaɗta. Sa maa dew hu ɦoŋzi ma Betlehemma ni hu mbassa Yudara, mbee ki hu mbassa Moabba. Nam may, caamba may, goryom gor njufiina mba' may.