2 MULINA 7:6 - Boy Lonana

⁶ Kay hu kaŋ ma vi suu Sirina Yawe mba soora ŋgolla huwa. Sem kulumi suu duuna, pus pusna u gudik suuna soo na ɦur, saɓak cocoo. Suu Sirina ɓak tasi ana, «Mul ma Israelna warak muli suu Hitna u suu Egiptena, yowosi suu duu masisina ay a mba duuruygira wa.»

2 MULINA 7:6 ပူးပေါင်းရင်းမြစ်များ

2 SAMUEL 10:6

Goryoŋ Amonna wi ana asi mbuɗ tasi ki cora ii David wa ni, asi sun yow suu Siri suu hu Bet-Rehobma ay usiya. Suu Siri suu hu Sobana lay gorzoŋŋi suu duuna 20.000 ay vi mul ma Maakana suuna buɓ, suu vi Tobna suuna 12.000.

2 SAMUEL 5:24

Hu li ma aŋ hum vun ma sesi lam ay duk gurana wa ni, aŋ gol taŋ jiviya. Ni hu li ma Yawe hin kal ay ki a waɗ asgaa suu Filistinna.»

1 MULINA 10:29

Pus pus ma ay Egiptena dew ni gus gursu kis kis karkiya. Kulumma dew ni gus gursu kis duk dok-vadl may. Muli suu Hitna u suu Sirina gus ni ko ndaɗta na lay.

1 MULINA 20:20

Gegelay ni ci saamma, saamma, suu Aramena halaŋ tum liŋŋa. Suu Israelna dikisi usi ha may. Ben-Hadad, mul ma Sirina, pii suɗ tam ki u kulumma u suu kulumi suu daŋŋa kay ceerem may.

2 MULINA 19:7

Gola an hin mbuɗum yam ki ko sa ma gurɗiina na, nam hin hoŋ vo hu mbas mamba. An hin cam ha ki u ŋgewna ni hu mbas mamba tok.»

2 MULINA 7:5

Fiɗigira wanni asi yow a tuɗ ga hu kaŋ ma vi suu Sirina. Asi mba fun kaŋŋa na tokŋi ka wi sa na dewɗi lay.

JOB 15:21

Asi ka hummi bayra lasi tasi ndaana sak sak. Hu li ma heɓpa ka lay ni suu ɓalak lina tuɗ dukusi gak gak lay.

SOOLLA 14:5

Suu asina halaŋ hin dlak ndaana fok Lona, hu li ma Lona hin tak tam ki duk njaf suu ɗegeena.

EZAYI 31:1

Hahawra ka kay suu hoŋ irisi ga tuɗ ŋgay hu Egiptena, suu tin saa masira kay kulumi suu bolow cocona, asi gol ni kulumi suu taɗ pus pusna, kay asi saɓak cocoo. Asi ka saa kay ma teteɗ ma vi suu Israelnaɗi. Asi ka min a hal Yaweɗi.

EZAYI 36:9

Aŋ hin hoŋ iriŋ ŋgay taŋ u suu kaŋga u saɓak sa ŋgol mannana na ɗow ni nanage? Aŋ tin saa maŋga kay kulumi suu Egiptena u pupusna na ɗow ni nanage?

JEREMI 46:21

Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.

EZEKIYEL 1:24

Hu li ma asi ka piina an hum garaŋasi ka soo ko bil mbo ŋgolna na, ko del Lona tamba na, soo ko ndal del suu tokki eg tasi bolowna na, ko ndal suu duuna na. Hu li ma asi col wa ni asi hin garaŋasi ki maɗiira na ta.

EZEKIYEL 10:5

Soora garaŋ Serubim soo ay kalafira hum ha ki bunsu ŋgoo kaana, ko ndal del Lona ma Saɓakŋa Kom Belna ɓakka na.

WIRA ŊGAYRA 9:9

Gudikisi ni koroŋ ma duuna u kawina egesiya, garaŋasi zam soora ko kulumi suu duuna bolowo asi taɗ pus ma duunana, ka liŋ kay duuna na.

SUU KAƁAKŊA 7:21

Hu li ma asi coli kay kaŋŋa nana ni gegelay ni coli ni hu liimma liima. Kaŋŋa u tamba halaŋ gijaŋ liŋŋa u lulura kolo hal li ma piira.

1 SAMUEL 14:15

Suuna mbuɗ ki ndaana hu kaŋŋa, ki ɦoŋzi ma bagina lay, duk suuna halaŋ. Kaŋŋa u suu li dla cora mbuɗ ki ndaana lay. Ndaŋgara dlakka, ni ndaa ma vi Lonna.

1 SAMUEL 26:6

David ɓak boyna di Ahimelek ma Hitna maŋ Abisay goŋ Seruya ma wayaŋ Joabma ana, «Sa min a tuɗ u an ta ta eg Sol hu kaŋŋana ni gege?» Abisay di ana, «An hin tuɗ u aŋu.»