2 MULINA 7:13 - Boy Lonana

¹³ Sa ma duk suu ŋgolo mamsina dew hin di ana, «Yowoygi kulumi suu vadl suu ka iiri tuna, asina hin fi maɗna wa ni kay sem suu Israel suu belna, sunuygi suuna u kulumi asina. Asi tuɗ gol u dla ndaɗta ay ki jiviya.»

2 MULINA 7:13 ပူးပေါင်းရင်းမြစ်များ

YOORA 4:9

Suu casi ki u ŋgewnana jivi su suu mayra casi kina, suu puk kaŋga saɓakasi kaɗi ko va ka li hu senena oloɗira.

JEREMI 14:18

Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

2 MULINA 7:4

Lini aygi min a cukŋi vo hu ɦoŋzina aygi hin laɓ ki lay, kay ana va ma ti ha ka hu ɦoŋzina oloɗi. Lini aygi lakaygi ni tani ni aygi hin laɓmi na lay. Mariyaɗ ni tuɗuygi hu kaŋ ma vi suu Sirina. Lini asi hiniygi iiri wa ni taygi donwa, li asi caygi kiyo ni aygi hin miɗ may.»

2 MULINA 6:33

Vunum bay ndi kaŋga tu may ni, sa ma vun sunda mba egem dam ana, «Wihaw ndaɗta mbaarayra kay ni Yawe. Ay a hin tin saaray kammi kay me ologe?»

2 MULINA 5:13

Suu sun mamsina ɦuɗ tasi ay egem njaɗam dam ana, «Bunu, lini sa ma jok vun Lona di ana aŋ li ni dlara sa ka laɗɗira lay ni aŋ ka laɗɗi su? Nam daŋ ɦawa na ana, tluɓ taŋ kaŋgaa aŋ hin garaɗ kiyo, ni aŋ ka liɗi su?»

2 MULINA 7:12

Mulna col kolo njeŋge di suu ŋgolo mam suu sunda ana, «An min neegi ki kay dlara suu Sirina laɗ wandara. Asi wi ki ana aygi mayra ka caygi cocoo. Asi hin kaŋŋa ki tuɗ ŋgay tasi ha ki ni duk bubura ni ana, suu ay ŋguyusina hin cuk ay ki bunsuwa. Aygi hin yowosi ni iiriya, hin cukuygi hu ɦoŋziisina may.»

2 MULINA 7:14

Asi yow pus pusna mba' u kulumi masisina sun suuna a tuɗ cuɗ sem suu duu suu Sirina, dasi ana, «Tuɗugi gologi ay tuwa.»