2 MULINA 6:9 - Boy Lonana

⁹ Sa ma jok vun Lona sun ay mba di mul ma Israelna ki ana, «Gol taŋ jiviya, jak hu li ma wannaɗi, kay mul ma Sirina ka ki buuri hu li namma.»

2 MULINA 6:9 ပူးပေါင်းရင်းမြစ်များ

1 MULINA 20:13

Sa ma jok vun Lona dew ɦuɗ tam ay eg Akab dam ana, «Gola, Yawe di ana, suu moli bolow coco wanna ni aŋ wasiɗi su? An hin ɦaŋsina ki karam hu duk koŋu. Aŋ hin wi ki ana an ni Yawe daŋ may.»

1 MULINA 20:28

Sa ma jok vun Lona ɦuɗ tam ay eg mul ma Israelna olo dam ana, «Gola, Yawe di ana, suu Sirina di ay ana Yawe ni Lo ma kolo kay ɦinirana, ka lo ma ga kay ndaŋgaraɗi. An hin ɦaŋ suu bolow coco wanna ki ni hu duk koŋ halaŋ. Agi hin wi ki ana an gasi ni Yawe daŋ may.»

2 MULINA 4:1

Cara dew duk boyogi suu vi suu jok vun Lonana mba cen Elize di ana, «Saaŋ ma sunda njufun ki ni miɗiya. Aŋ wi lay ana saaŋ ma sunda ay li ndaa Yawe cocoo. Sa ma bal mamma kamma mba a yowon gor njufii man suu mbana a tuɗ mbuɗusi ki a mborɓii mamsina.»

2 MULINA 4:27

Tew eg ɦinira tok eg sa ma vi Lonna may ni, ndaɗ vam sem koɗ na ndiŋ ndiŋ. Gehazi ɦuɗ tam ay a dikiɗ kira. Sa ma vi Lonna di ana, «Hiniɗu kay ndaɗ ka ni hu yoora. Yawe ŋgayan dlaaɗ ndaɗta ki irinu, dan boy namma ka ki jewɗi.»

2 MULINA 4:7

Ndaɗ hoŋ ay mba di sa ma vi Lona. Nam hin daɗ ana, «Tuɗ gus mbulna ki gus gus ni, warak bal ma kakŋa kiyo. U gursura hin kokka ndak u goryok hin ti vunugi u ndaɗ may.»

2 MULINA 6:10

Mul ma Israelna sun suu asgaana nda gol li ma sa ma jok vun Lona di kamma ni fi ni, asi ki hu daŋ may. Dla ndaɗta li ko ndaɗta nara yaɗ bolowo.

2 MULINA 6:12

Sa maa dukusi dew ni dam ana, «Ҥawaa, sa ŋgol manna, ni Elize, sa ma jok vun Lona ma ka duk suu Israelnana. Nam ndaki a gi u dlara aŋ ɓakaɗ ay kalafi hu liiŋ ma buunara ki maŋ mul ma Israelna.»

2 MULINA 6:8

Mul ma Sirina duu u suu Israelna. Hu li ma nam ka li tokka ko tam u suu ŋgolo mamsina di ana, «Vin wanni an tuɗ vi kaŋ manna hu li ma wannana.»

JOB 5:12

Nam ɓalak dlara vi suu mbeleŋŋa kiyo. Dlara asi ŋga hurusi gin a laɗta hin ɓeŋ ki kosiya.

SOOLLA 33:10

Yawe, bulum dlara vi njaf suu warna kiyo, dlara suuna saa gin a laɗta nam bulumuɗ kiyo.

VUN ŊGOLNA 22:12

Yawe njun kay wira gasira. Suu dlasi cona nam bulumusi boy masina kiyo.

JEREMI 11:18

Hu li ma Yawe ɓakan dla ndaɗta ki an humuɗna, na ɗaŋŋi an fasi suu sun masira kiyo.

AMOS 3:7

Kay ana Bu Suuna, Lona ka li dla bay tak dlara hurumba ki maŋ suu mam suu sunda suu jok vun Lonaɗi.

WIRA ŊGAYRA 1:1

Hu magaa ndaɗta tak ki dlara li ayra, Yesu Kristu hin takaɗ kira. Lona ɦamba ana nam takaɗ ki maŋ suu mam suu sunda kay va ma hin mbayna. Kristu sun sa sunda huulona ha sunni, tuɗ takaɗ ki maŋ saam ma sunda Jaŋ.