2 MULINA 6:32 - Boy Lonana

³² Elize ay kaki vo taraŋ varamu. Suu ŋgolo mamsina laki egem may. Hu li ma mulna sun saam ma sunda ay egemma, bay sa ma vun sunda mba egem tu may ni, nam di suu ŋgolo mam suu egemma ana, «Gologiya, goŋ sa ma ci maɗna sun sana ay egen ana tuɗ kaan yan kiyo. Hu li ma nam mbawa ni agi dugugi vunna ɦek kogi ha ki huwa. Na may sem sa ŋgol mamma ka tuɗ ay um dagan may.»

2 MULINA 6:32 ပူးပေါင်းရင်းမြစ်များ

1 MULINA 14:6

Hu li ma Ahiya humuɗ seɗ ma tuɗ ay vun grekŋa a kal ay vona may ni, nam di ana, «Kal aya, caŋ Jeroboamba. Ndak min a mbuɗ tak ki a cara daŋga ni kay mege? An ka u boy ma eŋ cocona funun a dakŋara.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 21:10

Kakam suu ka wi dlaɗina ay fokom na mba' may. Asi di ki kam fok suuna ana, aŋŋi sa ma gam vunna kina. Lona ni mulna, kalagina ha kiyo, gikigina ki u gogoyra, cam kiyo.»

1 MULINA 21:13

Suu may suu ka wi dlaɗi na mba' lak ay fokom na gay may. Suu ka wi dlaɗi asina gijaŋ a di dlara ki kay Nabot fok suuna di ana, «Nabot ŋgul Lona, ŋgul mulna may.» Asi kalam ki hu ɦoŋzina, tuɗum ha ki doŋ kaana gikim u gogoyra, cam kiyo.

1 MULINA 21:19

Aŋ tuɗ ɓakammi ko ndal wandara na. Yawe di ana, hu li ma aŋ ci maɗna wa ni, mbuɗ vaŋ sa nammana ki a maŋŋa gaw su? Aŋ hin dam ki hu ana, li ma diginina tanaɗ busu Nabot huna, diginina hin tanaɗaŋ busuɗuŋŋi hu li namma may.»

2 MULINA 5:26

Elize hoŋom dira ana, «Aŋ saa ana hu ŋgus manda an wi sa ma cuk ay ki kaŋga hu pus pusna, ŋgafaŋ ayna kaɗi su? Ni ka li ma vi baraw ma jivina tuɗi, ka li ma vi gursuɗi lay, ka a gus gugutlu tuɗi lay, yoori suu ŋgolona u suu gorinaɗi lay, suu sunda u boyogi suu sundaɗi lay.

2 MULINA 6:12

Sa maa dukusi dew ni dam ana, «Ҥawaa, sa ŋgol manna, ni Elize, sa ma jok vun Lona ma ka duk suu Israelnana. Nam ndaki a gi u dlara aŋ ɓakaɗ ay kalafi hu liiŋ ma buunara ki maŋ mul ma Israelna.»

2 MULINA 7:17

Mulna sun saam ma nam tuɗ jik tam u namma ana nam tuɗ gol suuna, col vun grekŋa, may suuna tayam ki kaŋga vun grekŋa nam miɗ ki ko ndal sa ma jok vun Lona dira na.

JEREMI 11:18

Hu li ma Yawe ɓakan dla ndaɗta ki an humuɗna, na ɗaŋŋi an fasi suu sun masira kiyo.

JEREMI 32:3

Sedesiyas mul ma Yudana dukum kalafi hu zira, joɓom ana, «Aŋ ɓak dla ndaɗta na ni kay mege? Gola ni dlara Yawe daɗta. An hin ɦal ɦoŋzi namma ki ko mul ma Babilonna. Nam hin tlam kiyo.

EZEKIYEL 14:1

Suu ŋgolo suu Israelna suu ɦiw mbay lak ga fokonu.

EZEKIYEL 20:1

Hu basara kiɗisiyara, hu til ma vadlna, hu buurum ma doogona, ni suu ŋgolo suu Israelna suu ta ɦiw mbay a joɓ Yawe, asi mba lak ga fokomu.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

EZEKIYEL 8:1

Hu basara karkiyara, hu til ma karkiyana hu buu ma vadlna hu til namma, ni an ay kaki kalafi hu ziinda. Suu ŋgolo suu Yudana laki fokon may. Na gaw ni, saɓak ma vi Yawe Lonana mbay kanu.

Boy Ma Ayra Ma LUK Ɓiirimma 13:32

Yesu hoŋ dasi ana, «Hoŋogi i dagi maŋ bayak namma ana an dik ful ma cona kiyo, garaɗ suu tuguɗira ki lay karam may, vin may, siw may, a hindira ni sun manda a daɓ kira.»