2 MULINA 5:22 - Boy Lonana

²² Nam hoŋom dira ana, «Ҥawaa, sa ŋgol manna sunun ay ana an daŋ ana, koyogi suu taa col ay kay ɦinira Efrayimba na mba' fan haa, ni suu jok vun Lona may. An ceneŋu aŋ ɦan doono ay ii kelew dok-hindi may, ɦan baraw ay ii cuk mba' may.»

2 MULINA 5:22 ပူးပေါင်းရင်းမြစ်များ

1 MULINA 13:18

Sa ma jok vun Lona ma maana dam ana, «Anni sa ma jok vun Lona ko aŋ na may. Sa sunda huulona dan ay ni diya ni boy ma vi Yawena ana, tuɗ hoŋom aya uŋ vo hu ziiŋu, nam ti funa may, ci yona may.» Nam kaammi boyna.

1 MULINA 20:35

Sa maa dew duk goryoŋ suu jok vun Lonana di ndaram ma tuɗ ko tasina ko Yawe damba na ana, «An ceneŋu, can aya.» Na may sana min ka a cambi.

1 MULINA 20:39

Hu li ma mulna a jaka ni, nam sawalla ha kolo ana, «Saaŋ ma sunda kal ay ki a tuɗ hu li ma yara. Sa ma dew col ay hu li duuna, mbaaran sana ay egen wanni dan ana aŋ golom ka jiviya. An mba fam kaɗi ni, ba ki ni iiri maŋ taŋgara, kaɗi ni aŋ hin warak u gursura buɓ buɓ hindi may.

2 MULINA 2:15

Suu jok vun Lona suu hu Yeriko suu wam hana di ana, «Ŋgussa vi Elira jok ay kay Elize wa.» Asi ŋgafam ay goɓ kaŋga fokomu.

2 MULINA 2:3

Suu jok vun Lona suu ka hu Betelna ɦuɗ tasi ay eg Elize dam ana, «Aŋ wi ki ana Yawe hin tlaŋ karam sa ŋgol maŋŋa kolo duk semeɗnara su?» Nam hoŋosi dira ana, «An lay ni wiya, seŋegi vunugi haa.»

2 MULINA 2:5

Suu jok vun Lona suu ka hu Yerikona ɦuɗ tasi ay eg Elize dam ana, «Aŋ wi ki ana Yawe hin tlaŋ karam sa ŋgol maŋŋa kolo duk semeɗnara su?» Nam hoŋosi dira ana, «An lay ni wiya. Seŋegi vunugi haa.»

2 MULINA 2:7

Suu jok vun Lona na dok-vadl tuɗ col ha ki fun lum ma Yurdanna ha ki eg gi Eli u Elize na ɦuɗ, asi gi Elize tuɗ col fun lumma na tok may.

2 MULINA 4:26

Liŋ ŋgafaɗ vogoɗ haa, joɓoɗ ana ndak mba na ni ɦawaa ko su? Ndak ki ɦawa su? Njufuk ka ɦawa su? Gogoona ka ɦawa su?» Ndaɗ hoŋom dira ana, «Ami halaŋ ka ɦawaa.»

2 MULINA 5:21

Gehazi gi tam a cuɗ u Naamanda. Hu li ma Naaman wam ka liŋ ay ŋgorom dagan na ni, nam cuk ay ki kaŋga hu pus pus mamma, ŋgafam ay ni na gaw, hin joɓom ana, «Aŋ liŋ na ni nanage?»

2 MULINA 5:25

Gehazi hoŋ ay eg sa ŋgol mamma. Nam joɓom ana, «Gehazi aŋ ay ni arage?» Nam hoŋom dira ana, «Sa ŋgol manna an ay ka liɗi.»

2 MULINA 5:5

Mul ma Sirina hin di ana, «Aŋ gi taŋ hu voɗta tuɗ ni na gaw. An hin ɓii magaara ha maŋ mul ma Israelna.» Naaman tuɗa, yow doonora kam kelew va ma kis kis hindi, lorra kelew dok-karkiya, baraw ŋgolo ma luuna doogo may.

EZAYI 59:3

Huu duk kogi ki coori u busuna, gogor kogi oy u dla cora, vunugi ɓakŋi dlara ganyamba, sinigi hosokŋi dlara gi sulukŋa sak sak.

JEREMI 9:3

Kakagi jejegee, gegelay ko tam u ndaram ma poy u namma. Ganagi yam tagi u sa wayagi ma dewɗi lay. Kay ana wayagi managelay juɓ mi a li dla cora. Sa poy u tagi managelay min hummi dla cora.

JEREMI 9:5

Dlara yara ha kay taɗu. Ganyamba ha kay taɗu. Asi ka min a wanɗi. Yawe di na.

Boy Ma Ayra Ma JAŊ Ɓiirimma 8:44

Bugi ni Satanna. Agi min li ni dlara bugi laɗta may. Nam ay ni sa ci maɗna hu ura tin ayra day. Nam ka li gasiraɗi kayme gasagira ka hurumbi. Nam di ni dlara kaboyna, ni dlaamba daŋ may, nam kaboyna kay nammi malaŋ kaboyna.

JOSUWE 24:33

Eleazar ma goŋ Aaronna miɗ may. Asi pammi kolo kay mbura vi gooromma Pinhassa li namma asi ɦamma ha ni kolo kay ɦinira hu mbassa vi Efrayimba.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

SUU KAƁAKŊA 14:12

Samson dasi ana, «An min dagi dlara ganyam ta ha na dew, lini agi ganda uɗ ki wa ni an ɦagi barawna ii cukka na dok-hindi, ɦagi baraw gobodta ŋgolora kayam dew dew may hu buu ma kiɗisiya ma aygi a li luuna wanna.