2 MULINA 5:20 - Boy Lonana

²⁰ Gehazi, sa sunda vi Elize, sa ma jok vun Lona, ɓak tam hurum ana, «Sa ŋgol manna min ka a vi va ko Naaman ma Sirinaɗi, u sem Yawe an min liŋ um tuɗ vi va ay kon nde.»

2 MULINA 5:20 ပူးပေါင်းရင်းမြစ်များ

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

2 MULINA 13:19

Sa ma vi Lonna hurum ɓeŋ egem hin di ana, «Lini aŋ waɗ ni yaŋ vadl u karkiya ni aŋ hin ci gin suu duu suu Sirina daɓasi ki may. Wanda ni aŋ hin dikisi ni yaŋ hindi ɦawa may.»

2 MULINA 4:12

Nam di saam ma lam sunda, Gehazi, ana, «Yan cara Sunemba ndaɗta ay gige.» Gehazi tuɗ yaɗ aya. Ndaɗ mbay, col fun goŋga.

2 MULINA 4:25

Ndaɗ tuɗa, tuɗ eg sa ma vi Lonna kolo kay ɦinira Karmella. Hu li ma sa vi Lonna waɗ ay na day may ni, nam di saam ma sunda, Gehazi, ana, «Gola, caayra Sunemba tuɗ ay cowna.

2 MULINA 4:31

Gehazi kal ha ki fokosi jewe. Nam gi tokolora kay vok goona na ni, va li ka na ndeɗi. Gehazi hoŋ ay mba ŋgaf Elize hin dam ana, «Goona dliɗ kaɗi.»

2 MULINA 4:36

Elize yi Gehazi ay dam ana, «Yi cara Sunemba haa.» Nam yaɗu. Ndaɗ hin mbay eg Elize. Nam daɗ ana, «Tli gorokŋa haa.»

2 MULINA 5:16

Elize hoŋom dira ana, «U sem Yawe ma an ka sunum wanna an ka vaŋ va koŋgi.» Naaman tlam um ana nam viya ni, nam ka minɗi.

2 MULINA 5:21

Gehazi gi tam a cuɗ u Naamanda. Hu li ma Naaman wam ka liŋ ay ŋgorom dagan na ni, nam cuk ay ki kaŋga hu pus pus mamma, ŋgafam ay ni na gaw, hin joɓom ana, «Aŋ liŋ na ni nanage?»

2 MULINA 6:31

Nam di ana, «Cemi ni yam Elize ma goŋ Safatna yam hin kolo kam wa ni, ko Lona lan dlara daŋ ki egenu.»

2 MULINA 8:4

I fi ni mulna ka njaɗ ko tam u Gehazi, sa ma sunda vi sa jok vun Lona, dam ana, «Cuɗun dlara ŋgolora Elize laɗta ay ki na halaŋ halaŋ gige.»

2 MULINA 8:7

Elize tuɗ hu Damas. Hu li namma Ben-Hadad, mul ma Sirina, ga tuguɗiira may. Asi di mulna ana, «Sa ma vi Lonna mba ki ta ta varaygi tani.»

SOOLLA 10:3

Sa ma cona ka ŋga tam kay godlom mamba, sa ma yow tlena vi suuna hin Yawe kiyo, ŋgulum lay.

KALKIRA 20:17

«Aŋ ŋgiziɗ ziŋ ndaraŋŋanaɗi. Aŋ ŋgiziɗ caŋ ndaraŋŋaraɗi, ŋgiziɗim saam ma li sunda varammaɗi lay, goora li sunda varambaɗi lay, mbutl mammaɗi lay, korro mambaɗi lay, tlesuu varamma halaŋ maa na nde lay, aŋ ŋgenembi.»

KALKIRA 20:7

«Aŋ yi sem Yawe, Lo maŋŋa, ɦawa na gorɗi kay Yawe kaɓakŋa kay suu yam sem gor gorna.

VUN ŊGOLNA 26:16

Sa ma zolomba gol tammi ana nam wi dla cocoo su suu may suu wi dlara goy kiɗisiyana.

EZAYI 48:1

Humugi haa, agi suu vi Yakobma, agi suu yi tagi ana suu Israelna na. Agi suu njaf ma vi Yudana. Agi suu suu tagi u sem Yawena. Humugi gagi a suwa kay sem Lo ma vi suu Israelnana. Na may agi ka laɗ u gasiraɗi, ka u ɗegeeraɗi lay.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

HABAKUK 2:9

Cora ka kamu. Nam yow li ma cona kom a ziimu, a min ziim ha ki kolo na day a puruɗ tam ki ko dla cora.

MATIYE 10:4

Simon ma min buɗ suu mamsina kina, u Yudas ma Iskariyotna, sa ma gus Yesu kina.

MATIYE 26:9

Mbul namma gus way cocoo. Mariyaɗ ni gusum ki gin gusni, ɦal gursu ndaɗta maŋ suu hawraɗi su?»

Boy Ma Ayra Ma LUK Ɓiirimma 12:15

Nam hin di suuna halaŋ ana, «Gologi tagi jivi kay godlom begera. Lini sana bege coco lay ka kak iirira ni kay ndaɗtaɗi.»

Boy Ma Ayra Ma LUK Ɓiirimma 16:8

Mul ma vi sa li sunda co namma geleɗem kay mbeleŋŋa nam lammana. Kay suu kay ndaŋgarana li mbeleŋŋa duk ɦoŋ tasi u tlesuu vi ndarayasina su suu hu kiɗikkana.»

Boy Ma Ayra Ma JAŊ Ɓiirimma 13:2

Yesu u suu haɗi mamsina laki ti funa. Satanna ŋgaɓ Yudas goŋ Simon Iskariyotna a ɦal Yesu kiyo.

Boy Ma Ayra Ma JAŊ Ɓiirimma 6:70

Yesu hoŋosi dira ana, «An ŋgaɓagi doogo yam mba' ni ka anɗi su? Maa dukugi dew ni fulina.»

SUNDA 5:2

Nam Ana nias yow gursu maa kom ɦiw tuɗ ɦam maŋ suu vovoɗta, ni caamba wi dla ndaɗta lay.

2 TIMOTE 4:10

Kay Demas hinin ki wa kay nam min tlesuu vi duliyara ŋgolo, nam tuɗ Tesalonik wa, Kresens tuɗ Galati, Tit tuɗ Dalmati may.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.

1 PIYER 5:2

Gologi jiviya, ko agi suu gol yoori suu Lona ɦagisinana na. Golosi u huu ma jivina ko Lona minda na. Ka ko ɦeɓegi ni ɦeɓi naɗi ni kay a faɗ kini vun sun magira, ka kay warakŋa vi gursuraɗi, ni kay minda vi huuna.

1 SAMUEL 14:39

Gasi u saɓakŋa vi Yawena, sa Lona fuurum ma vi suu Israelna, li ni kay dla cora goronna Jonatan laɗta lay ni, na ɗaŋŋi nam hin miɗa.» Duk suuna halaŋŋi sa dew lay ni hoŋom dira kaɗi.