2 MULINA 5:15 - Boy Lonana

¹⁵ Nam hoŋ ay u suu umma halaŋ eg sa ma vi Lonna. Nam kal ha vo tuɗ col fokom di ana, «Cemi ni an wi ki ana kay yam ndaŋgara halaŋŋi lo ma daŋ kaɗi, ni Lona vi suu Israelna dew daŋ. Cemi ni an ceneŋu, vi tlesuu saaŋ ma sunda min a ɦaŋsina ɦawa wannana.»

2 MULINA 5:15 ပူးပေါင်းရင်းမြစ်များ

DANYEL 2:47

Mulna ɓak Danyel di ana, «Gasi Loogina ni Lona vi loogi suu ɦawana, Bu Suuna vi mulina, sa ma tak u dlara mbuɗ mbuɗta kina, kay ana aŋ ndak buɗun u dlara mbuɗ mbuɗ ndaɗta kiyo.»

2 KORINTNA 9:5

An cuk gorsenna ha ni egegiya, agi min tagi ha ki fokon jew kay va ma agi di kam a ɦamma. Ni dla ndaɗta hin li zak hu li ma an mbana hin wi ana agi ɦal ni u huu ma jivina ka u ɦeɓpaɗi.

ROMMA 10:10

Sana vi u hurum wa ni, Lona mbuɗum ki sa ma ɗegeena, sana di ki u vunumu Lona suɗum kiyo.

DANYEL 3:29

An may ni an ɦal voɗta ana gegelay hu njaf suuna halaŋ, njaf suuna u vun masina, ma di boy ma cona maŋ Lo ma vi Sadrak, Mesak u Abed Nego di na, vam palawam kiyo, ziim hin mbuɗ ki didiŋga kay ana lo ma daŋ ma buɗ suu mamsina ki ko wanda na kaɗi.»

EZAYI 45:6

Ni kay a suuna wi ki ana col ay u maɗiina ta ta u fiɗigina ni sa ma daŋ kaɗi ni an dew daŋ. Anni Yawe, sa ma ko ndal an na kaɗi.

EZAYI 44:8

Lagi ndaaɗi, dlak tagiɗi, boy namma An dagina ay ka ki fok jewɗi su? Agi ni suu wi dla ndaɗta ki a diki kannaɗi su? Gasi lo ma daŋ ma suun ka su? A gasira ni Ҥini ma daŋ ma an wam kaɗi.

EZAYI 44:6

Yawe mul ma vi suu Israelna di ana, nammi sa ma buɗusi ay kina, Yawe ma Saɓakŋa Kom Belna, anni ma jewna, ni ma do daganna lay, ki ŋgoron dagan ni lo ma daŋ kadi.

2 MULINA 5:8

Hu li ma Elize, sa ma vi Lonna, hum ana mul ma Israelna haa baraw mamma tamma kiyo ni, nam sun ha tuɗ di mulna ana, «Aŋ haa baraw maŋŋa ki ni kay mege? Naaman mbay egen tani, nam hin wi ki ana sa ma jok vun Lona ka vi suu Israelna.»

1 MULINA 18:36

Tew hu li ma taa tlena a ɦalla may, sa ma jok vun Lona Eli ɦuɗ tam ay di ana, «Yawe, Loŋ Abrahamma, Loŋ Isaakŋa, Lo ma vi suu Israelna, li dlara asi wi ki karam ana aŋŋi Lona daŋ mayra anni saaŋ ma sunuŋŋa an li dlara ni u boy maŋŋa.

1 SAMUEL 25:27

Ko ŋga mayra mbaɓu maŋŋa mbaaɗ ay maŋ malannara ɦaɗ ki cecemi maŋ gor njufii suu tuɗ kay sem malannana.

JOSUWE 9:9

Asi hoŋom dira ana, «Suu sun maŋsina col ay ni hu mbassa dayra ni kay dlara vi Yawe, Looŋŋa, ami hum sem tii ha ki cocoo, dlara nam laɗ ay hu mbassa Egiptera.

DANYEL 4:34

Cecem wanda, an Nabukodonosor, an ŋgaamu, yam semu, goɓ mi Mul ma Kolo Huulonana, kay ana sun mamba halaŋŋi gasira, dlaamba halaŋŋi ɗegeera, nam hin hoŋ suu ŋga tasi ŋgayina ki kaŋgaa.»

URA TIN AYRA 33:11

Vi tlesuu an ɦaŋsina wanna, kay Lona lan ay jivi cocoo, va ma kaɗakan kaɗi. Nam tlam um coco ana nam vi tlena, Ezaw hin vasi may.»

JOSUWE 9:24

Asi hoŋ di Josuwe ana, «Na daŋ may ami li na ni kay ami wi ki ana Yawe, Looŋŋa, di ay ki maŋ zoŋ mamma Moiz ana, mbas ndaɗta halaŋ nam hin ba suu cuki huruɗna kiyo, hin ɦagi mbas ndaɗta kiyo. Ami mbuɗ ki ndaa cocoo. Ami lagi ndaaragi ni kay a suɗumi ni iiri mamira. Ni kay ndaɗta ami li dla ndaɗta ni na.

1 SAMUEL 9:7

Sol di saam ma sunda ana, «Jiviya tuɗuy huwa. Na may ni va ay hin tlam ha koy maŋ sa nammana ni mege? Mappa hin ka koy hu mbumbu mayra oloɗi lay, ka jivi a ay ɦal tlesuu ay a tasi voɗna ki maŋ sana vi Lonaɗi. Va ka koyna ni mege?»

1 MULINA 13:7

Mulna di sa ma jok vun Lona ana, «Kal ay vo varan a ti funa. An hin puuruŋ lay.»

2 MULINA 19:15

Gijaŋ cenda fok Yawe di ana, «Yawe, Lona vi suu Israelna, aŋ ma ka kaki kolo kay Serubimma, aŋ dew ni Lona vi muli suu ka kay ndaŋgarna bel bel, kay aŋŋi sa ma li huulona u ndaŋgarana.

2 MULINA 19:19

May, aŋ Yawe, Loomina, suɗumi ki ko Senakerib, ni mulla kay yam ndaŋgara zeɗ zeɗ halaŋ hin wi ki ana Yawe dew a Lona ni namu.»