2 MULINA 5:13 - Boy Lonana

¹³ Suu sun mamsina ɦuɗ tasi ay egem njaɗam dam ana, «Bunu, lini sa ma jok vun Lona di ana aŋ li ni dlara sa ka laɗɗira lay ni aŋ ka laɗɗi su? Nam daŋ ɦawa na ana, tluɓ taŋ kaŋgaa aŋ hin garaɗ kiyo, ni aŋ ka liɗi su?»

2 MULINA 5:13 ပူးပေါင်းရင်းမြစ်များ

URA TIN AYRA 41:43

Nam kakammi hu pus pus kulumma, tuɗ kay ceremma gaw. Suu asgaana sawalla kolo ana hinigi voɗta kiyo. Ko ndaɗta na Faraw ɦam ŋgolla hu mbassa Egiptera halaŋŋi komu.

1 MULINA 20:23

Suu ŋgolo suu vi mul ma Sirina dam ana, «Loosina ni Lo ma kolo kay ɦinirana. Kay ndaɗta asi li ay saɓak suuygi ni na. May tuɗuygi duuruygisina hu li ma gana tuwa, ni aygi hin li ni saɓak suusiya.

1 MULINA 20:31

Suu ŋgolo mamsina dam ana, «Ami hum ana muli suu Israelna ni muli suu wi hahaw suuna, njunuygi baraw bolna huruygi njun njunni, njunuygi njeɓereygi ki kolo kaygi may, tuɗ ŋgafaygi mul ma Israelna lini nam mba hiniŋ kak iiri kalage.»

2 MULINA 13:14

Hu li ma Elize vi tuguɗiira ka a col koloɗina, mulna Joas mbay um goɓ ha kaŋga kam na ni tiira, di ana, «Bunu, Bunu, aŋ dew ni su ki kay pus pusna u suu kulumi suu Israelna halaŋ.»

2 MULINA 2:12

Elize wi na ni, sawalla ha kolo ana, «Bunu, Bunu, pus pusna u kulumin suu Israelna.» Hu li ma nam ka wam oloɗi ni nam haa ii baraw mamma ki duk mba'.

2 MULINA 5:10

Elize sun sana ay egem dew dam ana, «Tuɗ tluɓ taŋ kaŋga duk mbo lum ma Yurdanna aŋ aa kiɗisiya, taŋ hin mbuɗ ki jiviya. Aŋ hin mbuɗ ki teteɗ.»

2 MULINA 5:3

Ndaɗ di cara varaɗta ana, «Ҥawaa, lini sa ŋgol manna tuɗ eg sa ma jok vun Lona ma ka hu Samarina ni, nam hin suɗum ay ki ko tuguɗii busu ma ka lam wanna.»

2 MULINA 6:21

Mul ma Israelna wasi na ni di Elize ana, «Bunu, an ndak a casi ki su?»

2 MULINA 8:9

Hazael tuɗ eg Elize. Nam yow njaf tlesuu jivi hu mbas masirana kam halaŋ, yow tlena kay jamballa na dok-fiɗi. Nam mbay, mba col fok Elize dam ana, «Goroŋŋa Ben-Hadad, mul ma Sirina, sunun ay egeŋ dan ana, Na ni an hin kal ki bunsu a garaɗ ki ko tuguɗii ndaɗta su?»

SOOLLA 51:2

Hu li ma sa jok vun Lona, Natan, tuɗ egem ŋgoo li ma nam taɓ u Batsebana.

SOOLLA 51:7

An vuɗ ni hu dla cora, sun van wiirinni hu dla cora lay.

EZAYI 1:16

Mbusugi tagi kiyo, mbuɗugi tagi ki teteɗ, sun magira cora agi laɗta hiniɗ kiyo, lagi dla co oloɗi.

MALASI 1:6

Goona ŋga bumu, sa sunda ŋga malamma. Doli wani an li ni Buna ni ŋgara agi ŋgaanda ni arage? Li ni anni sa haɗagina ni humba agi humunda arage? Yawe, ma saɓakŋa kom belna, dagi na, agi li ɓivunna u tlesuu ɓeŋen sen kina. Agi hoŋdira ana, «Ami ɓeŋeŋ seŋ ki ni u mege?»

MATIYE 23:9

Kay ndaŋgara ni, agi yi sa ana, Bugiya, naɗi. Lona ni Bugi dew.

Boy Ma Ayra Ma JAŊ Ɓiirimma 13:8

Piyer dam ana, «An ka min ana aŋ mbusun senu naɗi.» Yesu hoŋom dira ana, «An mbusuŋ seŋ kaɗi ni, aŋ ka fi va konɗi.»

Boy Ma Ayra Ma JAŊ Ɓiirimma 9:7

«Tuɗ mbus iriŋ ay ki hu goloŋ ma yam ana Silowena,» (sem namma ni ana sun aya). Sa dugina tuɗ mbus irim mbusni, hoŋ ay na ni mbuɗ wi gaw.

SUNDA 22:16

Cecemi aŋ juɓmi me ologe, col kolo mbus ki batemma, a cooŋga mbus ki u yira yam semba.»

1 KORINTNA 1:21

Suu hu duliyara na ndak ka a wi Lona u neesira ana ni Lona gasiraɗi, kay ndaɗta Lona min suɗ suu tin hurusi kamma ki u boy ma puluɗi ma aygi damma.

1 KORINTNA 1:27

Lona man dlara suuna goloɗ ko laɓa nara a mbuɗ suu neeyna zoloo, nam man dlara suuna goloɗ ko maŋi nara kay a mbuɗ suu saɓakŋa zoloo.

1 KORINTNA 4:15

Lini suu haɗagi kay Kristuna ka bup bup doogo lay, bugi ni dew daŋ, kay iiri magira hu Yesu Kristu an mbuɗ a bugi ni anu kay an mbaaragi Boy ma Ayra.

TITTA 3:5

nam suɗuygi ki ka ana aygi li sunda ɗegeera ka naɗi, ni kay nam waygi hahawaygiya. Nam suɗuygi ni u mbussa vi Musuk Lonara, ndaɗ ɦaygi vuɗta wilira u iirira wilira.

HEBRENA 10:22

Ҥuɗuygi taygi ay eg Lona tok, u huu ma jivina, u huu ma tini gasina, u huu ma ki mbusi pasiyak ko saa mayra cora, mbalatay ki mbusi u yo ma ɗilina.

1 PIYER 3:21

Mbo namma takŋi batem ma ka suɗugi cecemmi wanna, mbo namma ka mbus zozoɗta eg sanaraɗi, ni a joɓ Lona kay saara ɗegeera, batemma suɗugi ni u colla Yesu Kristu col ay ki kolo iiri duk suu miɗinara.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

1 SAMUEL 24:11

Aŋ wi dla ndaɗta ki karam u iriŋ wa ɗaŋ. Yawe ɦaŋ ki kon karam hu zul ɦinira wa. Asi ɓak ana caŋ kiyo. An waŋ hahawaŋ di ana, an ka li dla cora eg malannaɗi kay ana nammi sa Yawe fuurumma.

1 SAMUEL 28:23

Nam min kaɗi, di ana, «An hin ka ti vaɗi.» Na may suu mam suu sunda dokom vunum cocoo, cara lay, nam hin humusi vunusiya. Nam col ki kolo duk ndaŋgara, kak kay gu ma kak ma fiyekŋa.

1 SAMUEL 9:10

Sol di saam ma sunda ana, «Aŋ di jiviya. Mbay tuɗuya.» Asi hin tuɗ hu ɦoŋzi ma sa vi Lonana ka huna.