2 MULINA 5:11 - Boy Lonana

¹¹ Naaman hurum ɓeŋ kiyo, gi tam hin di ana, «An cow ni ana nam hin kal ay ki coli fokonu, hin yi sem Yawe, Loomma, kanu, tin kom kay lin ma tanna may, hin suɗun ki ko tuguɗii busuna ni na.

2 MULINA 5:11 ပူးပေါင်းရင်းမြစ်များ

URA TIN AYRA 20:7

Cecemi hoŋ cara maŋ njufuɗu kay nammi sa ma jok vun Lona, nam hin cen kaŋu aŋ hin kak iiriya, lini aŋ hoŋoɗ kaɗi ni, aŋ wi ki kaŋ ana, aŋ hin miɗ ki u suu maŋsina halaŋ.»

2 MULINA 4:5

Ndaɗ col ay mba duk vunna kaɗ u goryoɗu, asi ɦaɗ gegelina aya, ndaɗ ɗee mbulna hu may.

2 MULINA 5:10

Elize sun sana ay egem dew dam ana, «Tuɗ tluɓ taŋ kaŋga duk mbo lum ma Yurdanna aŋ aa kiɗisiya, taŋ hin mbuɗ ki jiviya. Aŋ hin mbuɗ ki teteɗ.»

2 MULINA 5:12

Mbo lum ma Abana u ma Parparna u ma Damasna ni ka ŋgol su mbo lum ma vi suu Israelnaɗi su? An ka ndak a mbus ha hu na ga garaɗ tan kiɗi su?» Nam hoŋ dagan u hurum ma yara.

VUN ŊGOLNA 1:32

Wira ka min a wi vaɗira ci suu giniŋŋa kiyo. Tara ka tuɗuŋ ko dlaɗira ɓalak suu giniŋŋa kiyo.

VUN ŊGOLNA 13:10

Ŋga tara mba ay ni honira u ciwayra ɦawaa. Yalna kakŋi u suu hum u gaɗtana.

VUN ŊGOLNA 3:7

Ŋga taŋ ko aŋ sa ma wi dla naɗi. Li ni ndaa Yawe na ɗow, ɦal ŋgoroŋ maŋ dla cora.

MATIYE 15:27

Ndaɗ hoŋom dira ana, «Na daŋ may, Mala Haɗta. Gor diginina lay ni mbasa felek u fu ma yak ki kaŋga ko kembana layɗi su.»

MATIYE 19:22

Goozoŋŋa hum boy namma na ni, gi tam u irimba ɗussa, kay nam u begera kom cocoo.

MATIYE 8:8

Mul asgaana dam ana, «An ka ndaki a aŋ kal varanɗi. Aŋ ɓak ay u vunuŋ ɦawa lay ni, gogoo manna garaɗ kiɗi su?

Boy Ma Ayra Ma LUK Ɓiirimma 14:11

Kayme suu tli yasi kolona hin hoŋ ki kaŋgaa. Suu ka tli yasi koloɗina hin tuɗ ni foko.»

Boy Ma Ayra Ma JAŊ Ɓiirimma 13:20

An dagi ha ni gasagi ana, Sa ma vi sa ma an sunum hana varam wa ni, van ni an may. Sa ma van varamma vi ni sa ma sunun ayna may.»

Boy Ma Ayra Ma JAŊ Ɓiirimma 4:48

Yesu dam ana, «Agi min ana wi dlara mbuɗta an laɗta ki na herege tin hurugi kan tuwa ni nanage?»

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.