2 MULINA 4:42 - Boy Lonana

⁴² Hu coki ndaɗta sana dew col ay hu Baal-Salisa mbaa funa ay maŋ sa vi Lonana na dok-mba', kus yam wa ma neeyna ay kam hu mbumbuna may. Elize di ana, «Ɓorowom ha ki maŋ suuna, asi tamu.»

2 MULINA 4:42 ပူးပေါင်းရင်းမြစ်များ

1 MULINA 14:3

Ndak hin yow mappana kok na doogo, yow tlesuu puura may, tli gegel ma mbul yumma kak dew may, tuɗ ha egemu. Nam hin dak dlara li gogoona wanda ay kiyo.»

2 MULINA 4:38

Elize hoŋ ay hu Gilgal hu wanni mayra ka ci hu cocoo. Suu jok vun Lona ka moli fokom may. Nam di saam ma li sunda ana, «Mbus huu gidir ma ŋgolna ki, zal dlemma ay maŋ suu jok vun Lona.»

2 MULINA 5:5

Mul ma Sirina hin di ana, «Aŋ gi taŋ hu voɗta tuɗ ni na gaw. An hin ɓii magaara ha maŋ mul ma Israelna.» Naaman tuɗa, yow doonora kam kelew va ma kis kis hindi, lorra kelew dok-karkiya, baraw ŋgolo ma luuna doogo may.

2 MULINA 7:1

Elize hoŋ dira ana, «Humugi boy ma vi Yawena haa. Yawe di ana, vini ko ndal wanda na, vun grek ma Samarina ni suuna hin gus fuɗta kelewna doogo yam mba' ni gursu dew ɦawaa, ɗowba kelew fuɗ jeɗeŋga dok-mba' u suk ma Samarina.»

KALKIRA 23:16

Aŋ hin li luu ma feɗ wana vona, vuɗ tlegeyeŋ suu ne ki jewna halaŋ, tlesuu aŋ zaarasi hu sene maŋŋana halaŋŋi luu ma feɗ tlena vona, ni tak ki ana basara daɓ wa, hu li ma aŋ a tok yam tlena ki vona.

NDUMBA 18:12

Mbul ma jivina, sum veŋ ma jivi ma wilina u wa blena, yam tlesuu ne ki jew suu asi ɦasi ay maŋ Yawena, an ɦaŋsina.

NDUMBA 18:13

Yam tlesuu asi tokosi ay hu mbassa halaŋŋa maŋ Yawe, an ɦaŋsina ni maŋu, suu may suu ka vo varaŋ wi tasi ki teteɗna ndak ti tle asina.

Boy Ma Ayra Ma JAŊ Ɓiirimma 6:13

Mappa vadl ma asi tamma, umba hin kosira oy kaalamina doogo yam mba'.

Boy Ma Ayra Ma JAŊ Ɓiirimma 6:9

«Goozoŋŋa ka tani dew u mappa kom vadl, kulufna mba' may. Tle asina hin ndak kay suu bolow wanna su?»

1 KORINTNA 9:11

Ami zaarami tlesuu ŋgussa hurugiya, lini ami feɗemi tlegeyegi suu hu duliyara tanna ni va ma ŋgol su?

GALATENA 6:6

Sa ma ka haɗ Boy ma Ayra lini nanagelay nam ɓorow tlegeyem suu jivina halaŋ u sa ma haɗamma.

GA 8ATAMBARA 12:6

Hu li namma agi hin li ɓivun ma ŋgalam ki ŋgalina, li ɓivun ma min duk ɦoŋga, ɦal yam tlegeyegi suu agi feɗesina ki maŋ Lona, li ɦal mayra aŋ ɦal u min maŋgara, ɗowba li dlara aŋ suu taŋ kaɗ a laɗta kiyo, ɦal gor yoori suu vuɗ fok jewna ki maŋ Lona, mbutlina, timigiina u ɦugunina lay.

GA 8ATAMBARA 32:14

Mbul mbiira u mbii timigiina, mbul gor timigiina, gamlagi suu hu Basanna u ŋgegina, ti wa ble ma jivina, ci sum veŋ ma tlaw ma ndi ki cocona.

GA 8ATAMBARA 8:8

Mbassa wa blena u orgena jif hu ɦayra, gugutluna, gu tulumma, gu ma yam ana grendiyena, mbassa mbul conona u mbul yumma hu ɦayra.

1 SAMUEL 9:4

Nam ɦoɗ yam ɦinira Efrayimba, hurum ndeŋ ndeŋ, nam ɦoɗ yam mbassa Salisara hurum ndeŋ ndeŋ faɗ kaɗi. Asi ɦoɗ yam mbassa Saalimba, hurusi ndeŋ ndeŋ faɗ ka tuɗi gak. Nam ɦoɗ yam mbassa vi Benjaminda hurum ndeŋ ndeŋ fi va kaɗi.

1 SAMUEL 9:7

Sol di saam ma sunda ana, «Jiviya tuɗuy huwa. Na may ni va ay hin tlam ha koy maŋ sa nammana ni mege? Mappa hin ka koy hu mbumbu mayra oloɗi lay, ka jivi a ay ɦal tlesuu ay a tasi voɗna ki maŋ sana vi Lonaɗi. Va ka koyna ni mege?»