2 MULINA 4:35 - Boy Lonana

³⁵ Elize cuk ki kaŋga hu goŋga, tuɗ kolo u sem hu goŋga na cow cow. Hoŋ ɗiŋ kolo buu kay goona olo. Gogoona ercew yam na kiɗisiya, hin mal irim kiyo.

2 MULINA 4:35 ပူးပေါင်းရင်းမြစ်များ

2 MULINA 13:21

Fali taa dew ni asi tuɗ a pi sana, wi suu ɦurum asina ay na ni, asi gi sa ma miɗina ha hu zul Elize ni na zak gaw ni, yow liŋŋa. Sana tuɗ ŋgen ay kaŋga eg sok Elize na ni dliɗ ki, col ay ki kolo u semmi na gaw.

2 MULINA 8:5

Gehazi di mulna kay colla Elize col suu miɗina ki kolo iirira. Hu li namma cara mba funusi ni na tok gaw may ni, cara nam coloɗ goroɗ ki kolo iirira, mbay a joɓ mulna kay sene maɗna u ziiɗna. Gehazi dam ana, «Sa ŋgol manna, mulna, gola ni ca ndaɗta. Ni goroɗ ma nam colom ki kolo iiri namma gaw may.»

SUNDA 9:40

Piyer cuk suuna ki bunsu halaŋ, goɓ kaŋga u vun givim cen Lona, nam pereɗ irim egeɗ na ni, daɗ ana, «Tabita col koloo.» Ndaɗ mal iriɗ ki na ni wi Piyer, ndaɗ kak ki ha uɗ gaw.

Boy Ma Ayra Ma LUK Ɓiirimma 8:55

Goora dliɗ dliɗni coli kolo gaw. Yesu dasi ana, Haɗ tlesuu tira, ndaɗ tiya.

2 MULINA 8:1

Elize di cara nam coloɗ gooroɗ ki kolo iirira ana, «Col kolo ndak u suu maksina halaŋ, tuɗugi ki hu mbassa daŋga kay Yawe gi mayra kay suu Israelna, may ndaɗta a li basara ni kiɗisiya.»

1 MULINA 17:22

Yawe hum cenda vi Eli. Musuk gogoona hoŋ ay hurumu. Nam hoŋ ki iiriya.

1 MULINA 17:21

Eli buu kay goona yam hindi cen Lona di ana, «Ҥii, Yawe, Loonna, hoŋ musuk gogoona ay hurum na hoŋge.»

2 MULINA 4:36

Elize yi Gehazi ay dam ana, «Yi cara Sunemba haa.» Nam yaɗu. Ndaɗ hin mbay eg Elize. Nam daɗ ana, «Tli gorokŋa haa.»

1 MULINA 18:43

Nam di saam ma sunda ana, «Ɗiŋ kolo gol iriŋ ha kay mbo lum ŋgolna na gige.» Nam ɗiŋ kolo gol ay hin di ana, «Va kaɗi.» Eli hoŋ dam ana, gol aya, gol ayara yam na kiɗisiya.

2 MULINA 5:10

Elize sun sana ay egem dew dam ana, «Tuɗ tluɓ taŋ kaŋga duk mbo lum ma Yurdanna aŋ aa kiɗisiya, taŋ hin mbuɗ ki jiviya. Aŋ hin mbuɗ ki teteɗ.»

2 MULINA 5:14

Naaman tuɗ kaŋga hu lum ma Yurdanna, tluɓ kaŋga duk mbona yam kiɗisiya ko sa ma vi Lonna damba na may, tam mbuɗ ki ni ko ndal ta goo zoŋŋa na. Nam mbuɗ ki teteɗ.