2 MULINA 25:5 - Boy Lonana

⁵ Suu duu suu Kaldena cuɗ u mulna ta ta tuɗ vam ay ki ni hu fulla Yerikora tana. Suu asgaari mamsina halaŋ tli voɗta daŋga, noyom ki vay damu.

2 MULINA 25:5 ပူးပေါင်းရင်းမြစ်များ

2 MULINA 25:4

Asi co ii gulumunna. Suu asgaarina halaŋ pii kiyo, cuk ki hu vun ma duk hoŋ gulumunnana duk njeŋgera hu sene ma vi mulnana na. Suu Kaldena ŋguf kay gulumunna cutl na may asi cuk kiyo. Asi tli voɗta tuɗ ɦudugumba Yurdanda na.

2 MULINA 25:6

Suu Kaldena vi mulna Kemmi tuɗum kolo hu Ribla eg mul ma Babilonna. Suu Babilonna kaɓakŋa kay mulna Sedesiyas ni hu li namma.

EZAYI 30:16

Agi zaŋ di ni ana, «Ҥawaa ami pii u kulumina.» Gasi daŋ may, agi hin piirigiya. «Ami yowomi pus pus ma kulumi suu tuɗ feɗna.» Naa, suu dikigi ugina tuɗ feɗ suugiya.

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

JEREMI 24:8

Na may dlara laɗ eg tulum ma cona ma ka sa tambina, na ɗaŋŋi Yawe ɓak anaba, ni dlara an hin laɗ eg Sedesiyas, mul ma Yudana u suu ŋgolo mam suu sunda u suu hin hu Yerusalemma halaŋ, suu hin hu mbas ndaɗtana, kay suu kaki hu mbassa Egiptera halaŋ.

JEREMI 34:3

Aŋ lay ni hin ka suɗ ki kombi, nam hin vaŋu, aŋ hin li lassa. Aŋ lay mul ma Babilonna lay hin cologi fun tagiya nam hin ɓakaŋŋi sa ka jokom dukgi. Aŋ hin tuɗ ki Babilon.

JEREMI 39:5

Na may suu duu suu Kaldena ciɗisi usi ta ta vi Sedesiyas hu fulla Yerikora. Asi vam tuɗum hu Ribla hu mbassa Hamatta eg Nabukodonosor, mul ma Babilonna, nam hin dam dlara nam min a laɗta.

JEREMI 52:8

Suu duu suu Kaldena dik mulna Sedesiyas tuɗ vam ha hu fulla Yerikora. Suu mam suu duuna halaŋ njay ki hinim ki kay tamu.

YOORA 1:3

Ki mbuɗi zolona, ki hu lassa mbaɓura, Yuda tuɗ ki hu mbaɓura, ndaɗu, ndaɗ kak ki ni duk njaf suuna. Ndaɗ ka fi yal ma mbuɗ saɓakgi. Suu halaɗ dlaɗ a caɗ kina ɦeɓeɗ ki kolo wa.

YOORA 1:6

Siyon mayra jivira jivi maɗta viɗ ki wa. Gola goryoŋ muli maɗsinana ko ndal goŋga ka fi haɗna a tiraɗi ni asi saɓakkasi kaɗi, tuɗ fok sa casi kina ni na.

EZEKIYEL 12:14

Suu may suu ŋguyumma, suu juɓum umma, u suu duu mamsina halaŋ an hin njayasi kiyo, asi hin njay ki keŋ ndaŋgara fiɗi halaŋ. An dikisi ha usi dagan u suu duuna lay.

EZEKIYEL 17:21

Suu duu mam suu nam manasina asi hin casi ki u ŋgewna. Suu suɗ dew dewna hin njay ki may. Ni agi hin wi ki ana an ni Yawe. Di dla ndaɗta ni an daŋ may.»

EZEKIYEL 19:1

«Aŋu, aŋ gi soolla tii kay muli suu Israelnara.