2 MULINA 25:3 - Boy Lonana

³ May ŋgolla ndi hu ɦoŋzina cocoo. Va ma ti ka oloɗi tew hu til ma fiɗina buuna dleeŋe.

2 MULINA 25:3 ပူးပေါင်းရင်းမြစ်များ

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

EZEKIYEL 7:15

«Ha ki kiɗikŋi ŋgewna kaa. Vo hu zina ni tuguɗira u mayra ka may. Sa ma tuɗ ha ki ŋgoo fun duunana ŋgewna camu. Sa ma ka vo hu zinana mayra u tuguɗira cam ki may.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

JEREMI 52:6

Hu til ma fiɗina hu buu ma tleeŋena, hu li ma mayra ka ci hu ɦoŋzina mayna, suu begera kosina ka fi tina oloɗi lay.

JEREMI 38:2

«Na daŋŋi Yawe ɓak anaba, sa hin kaki hu ɦoŋzi nammana hin cam ki u ŋgewna, mayra ŋgolla u tuguɗi bora. Sa kal ki tuɗ ŋgaf suu Kaldena hin kak iiriya. Nam hin li furira hurum kay suɗta nam suɗ tam kira. Gasi nam hin kak iiriya.

DLAŊ LEVIRA 26:26

An hin kaɗakagi tina ki kagiya, boyogina doogo yi funa kay givin ma dewna, asi ɦagi fu ma ew namma, agi tammi, ka hoɓogiɗi lay.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

EZEKIYEL 5:10

Hu ɦoŋzi magina ni somira hin kom goryosiya. Gorra hin kom somoyosi may. An hin lagi dlara ti huuna egegiya, ugira hinda an hin njayasi ha ki aragelay halaŋ halaŋ duk njaf suu daŋŋa.

JEREMI 39:2

Sedesiyas hu basadamba doogo yam dewra hu til ma fiɗina hu buu ma dleeŋena asi gi zulla kay ɦoŋzina.

JEREMI 37:21

Na daŋŋi mulna Sedesiyas ɦal voɗta ana asi hin Jeremi ki hu taraŋga hin ɦam komnjoɗira dew dew hu buuna tew tew ay hu li ma li mappana ay huna ta ta hu li ma sa ka fi mappa hu ɦoŋzina oloɗina. Na daŋŋi Jeremi hin ki kiɗik hu taraŋga ni na gaw.

2 MULINA 6:24

Hu cokira daŋga dew ni Ben-Hadad, mul ma Sirina, yow suu mam suu duuna tuɗ ŋguf yam zi ma Samarina ki na cutl.

2 MULINA 6:25

Vo hu ɦoŋzina ni may ŋgolla. Suu duuna ka hin va a kal ha hu zina voɗi lay, yam korra dewra gus ni gursu dok-kalavandi. Nus gugukka dew ni gus gursu vadl.

2 MULINA 25:2

Ҥoŋzina ka doo kay tam gak gak tew ki hu basara doogo yam dew ta Sedesiyas kaki a mulnara.

EZAYI 3:1

Na daŋ may, Bu Suuna Yawe, ma Saɓakŋa Kom Belna, yow njun mamba njun u Yuda u Yerusalemba kiyo. Ni njunda zeɗ zeɗ halaŋ, funa u yona lay nam ka ɦasisina oloɗi.

JEREMI 19:9

An hin ɦasi tliw goryosi suu njufiina u gorɓiina asi komom lay. Asi hin kom tasi lay, ki hahaw coco lay. Suu babali masisina suu min a casi kina, hin tinisi dlara nekka kasiya.»