2 MULINA 24:3 - Boy Lonana

³ Dla ndaɗta li na ni kay Yawe min a ndaɗ li na ni nam daŋ may. Nam min a bulum mbassa Yudara ki fokomu. Ni kay dla cora Manase laɗta u dlara nam laɗta halaŋ.

2 MULINA 24:3 ပူးပေါင်းရင်းမြစ်များ

2 MULINA 18:25

Sa ŋgol manna mba duurugi na ni, Yawe ɦam voɗta ay ka ni nambi su? Yawe dan ana tuɗ kolo duu u mbas ndaɗta, ɓalakaɗ kiyo.»

MISE 2:10

Cologi kolo, tuɗugiya, ka ni li ma koɗ tara tuɗi. U cookka, ndak hal dlara ɓeŋ lina, may ɓeŋga ŋgolla hin mba kaku.

AMOS 3:6

Lini tokolomma ka bu hu ɦoŋzina ni suuna ka mbuɗ ki ndaaɗi su? Lini dla cora mba ɦoŋzina wa ni boy namma Yawe lammi nambi su?

EZAYI 45:7

An li kiɗikka ni anu, ndufunda laɗ ni an lay. An mba furira, hin mba hahawra ni an lay. An Yawe li dla ndaɗta halaŋŋi anu.

2 DLAŊ MULINARA 25:16

Hu li ma nam ka dam nana ni Amasiyas hoŋom dira ana, «An tlaŋ ana aŋ li a sa ma ne suuna tani hu mul manda su? Aŋ li ka min lassaɗi ni seŋ vunuŋ ha ni na gaw.» Sa ma jok vun Lona seŋ tam, kak ki na jok ni hin di hu olo ana, «An wi ki ana Lona min a caŋ ki ni ciya, kay aŋ li ko ndaɗta na, min ka a van boy mannaɗi.»

2 DLAŊ MULINARA 24:24

Suu duu asina ka ŋgolɗi lay. May Yawe ɦasi suu duu suu hu mbassa Yudara suu zuli cocona ki hu duk kosiya kay ana asi noyom ki wa, nammi Lo ma vi somoyosina. Ni ɓak may ma kaam kay Joasna.

JOSUWE 23:15

Na daŋ may boy jivi ma Yawe, Loogina, damma li ki ni halaŋ halaŋ ko ndaɗta na lay Yawe ndak a lagi boy ma cona egegi ta ta daɓagi ki hu duliyara kay ndaŋgara jivi ndaɗta may, ta nam Yawe, Loogina, ɦagirara.

GA 8ATAMBARA 29:28

«Tlesuu ŋgayna wasi ni Yawe. Nam gaygi u gaɗ mamba ay ki ni maygi aygi may, maŋ goryoygi suu ka daganna may ha na gak gak kay ana aygi mba li u gaɗ ndaɗta halaŋ.»

GA 8ATAMBARA 28:63

Ko ndal Yawe min a lakagi u furira zulugi coco lay, na lay Yawe min a baagi kiyo, daɓagi ki kay ndaŋgara lay, agi hin yow ki hu ndaŋgara agi tlaɗ ki magi gin wandara.

KALKIRA 20:5

Aŋ mba goɓ ga fok loogi suu asinaɗi, sunusiɗi lay, kay anni Yawe, Looŋŋa, Lo ma hurum ya cocona, an tin cora vi somora ha kay goryosiya ha kay njafasi fokosi hindi lay, fiɗi lay, lini asi ka hum unɗi.

URA TIN AYRA 50:20

Agi lan gin cora ay egenu, Lona hin mbuɗ co ndaɗta ki jivira, a suɗ iirira vi suuna ki ŋgolo ko agi wi u irigi wanda na.

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

JEREMI 52:28

Gola ni ndum suu Nabukodonosor yowosi tuɗusi ki mbaɓura hu basara kiɗisiyara, suu Yudana 3023.

EZEKIYEL 24:6

Kay ndaɗta Bu Suuna, Yawe, di ana, Hahawra ka kay ɦoŋzi ma vo busuna ki cocona. Asi ni doy kawi ma coo kina. Coo mamba ka daɓ kiɗi. Yow tliwna kiyo, varam ay ki na dew dew halaŋ. Hin maa ki na dewɗi.

2 MULINA 17:18

Yawe hurum ɓeŋ ki ŋgol coco eg suu Israelna. Nam dikisi ha ki na day egemu. Dee suu vi Yudana hinni asi doy hol.

2 MULINA 17:20

Yawe cuk suu Israelna ki ni bel bel. Nam homosi yasi ki kaŋga u suu daŋŋa. Nam ɦasi ki ko suu ɦurumba. Asi ɦurumusi ki tuɗusi ha ki egem na day.

2 MULINA 17:23

ta ta mbuɗ a Yawe dikisi ha ki egem day, ko ndal nam di ay ki fok jew fun suu mam suu sunda, suu jok vun Lona suu Israelnara na. Suu Israelna tuɗ ki na day eg mbas masira, ha ki hu Asiri ta ta cemi.

2 MULINA 21:16

Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

2 MULINA 24:20

Yawe u hurum ma ɓeŋ ki namma mbaa yoora kay ɦoŋzi ma Yerusalemma u mbassa Yudara halaŋ, dikisi ha ki egem na day. Sedesiyas mbuɗ yara u mul ma Babilonna.

EZEKIYEL 22:3

Aŋ dasi ana, Bu Suuna, Yawe, di ana, ni ɦoŋzi ma vo busuna ki cocona. Buu masina hin mbaa, asi suu min fulina ɦayna, ziisina ki mbuɗi njenjee.