2 MULINA 24:2 - Boy Lonana

² Yawe sun suu ɦurumba ay kay Joakim. Suu Babilonna, suu Arameemma, suu Moabma u suu Amonna, asi mba ɦurum mulla Yudara ki ko ndal boy ma Yawe dam ay ki fok jew fun saam ma jokom vunumma na.

2 MULINA 24:2 ပူးပေါင်းရင်းမြစ်များ

2 MULINA 20:17

Buu ma hin mbaa ni tlesuu vo varaŋŋa halaŋ u tlesuu somoyoŋ taarasi kana bel bel hin tuɗ ki hu Babilon. Va hin ka hin ki na dewɗi. Yawe di na ni namu.

2 MULINA 22:16

Yawe di ana, An hin mbaa yoora kay li namma, kay suu cuki hu li nammana lay. Li dla mayra hu magaara gaɗta ta mul ma Yudana ndumuɗ wanda ki halaŋ.

2 MULINA 23:27

Yawe dam ki ana, «Mbassa Yudara an hin ɦuɗuk ha ki egen day ko ndal an ɦuɗ mbassa Israella ha ki dayra na may. Ҥoŋzi ma Yerusalem ma an manamma an hin hinim kiyo, zi may ma an di kam ana sen hin yi huwana.»

2 MULINA 6:23

Mul ma Israelna ɦasi ti ma ŋgolna, asi tiya, ɦasi cina asi ci may. Ŋgoo dagan nam hinisiya. Asi hoŋ vo eg sa ŋgol masina. Suu may suu Siri suu ɦurum mbassa Israella hinni sa ka tin sem ay kay mbassa vi suu Israelna oloɗi.

2 DLAŊ MULINARA 33:11

Yawe cukum suu duu suu vi mul ma Asirina ay kamu. Asi mba ndugusiya, vi Manase, cukum njamara funumu, njunum u galina, tuɗum ki vo hu Babilon.

JOB 1:17

Vunum bay ndi ga tu may ni, sa ma daŋŋa cowni dam ana, «Suu Kaldena ka irisi ay u tasi na cuɓ cuɓ hindi mba ndug jamballa yowoɗ wa, ci suu maŋ suu sunda ki halaŋ halaŋ. An suɗ ay ki ni an na dew a mba jokoŋ boy nammara.»

EZAYI 13:5

Asi yow ay ni hu mbassa dayra, ay ni u huulonara dodora. Yawe tak yaamba ki wa, nam hin dik zina ki halaŋ halaŋ.

EZAYI 28:19

Hu li ma ndaɗ mbana halaŋŋi hin vagiya. Kay ana ndaɗ hin tin koɗ ki kagi hu buuna tew tew, faali lay, njeŋge lay. Hin li ni ndaa ma cocona ma a tak dlara ŋgayra kina.

EZAYI 7:17

Yawe hin mbaaraŋ lassa kaŋu, kay suu maŋsina u zi ma vi buŋŋa lay, las ndaɗta li ka yaɗ dew tuɗi ta ta hu li ma Efrayim ɓorow ay ki u Yuda dayna ni las ndaɗta li kaɗi. Las ndaɗta hin laɗ ni u mul ma Asirina.

JEREMI 12:9

Joona ki kan cemi ni ko lay ma suuna ŋgufumma na, ma ndarayam layagi suu ŋgolona ŋgufum zeɗ zeɗta na. Tuɗugi yowogi mburi suu bagina aya, mbaarasi ay a li luuna.

JEREMI 25:1

Boy ma ɓakam maŋ Jeremi kay suu Yudana halaŋ hu basara vi Joakim ma goŋ Josiyas mul ma Yudana, ta fiɗira. Ni hu basara jewra vi Nabukodonosor mul ma Babilonna.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 26:20

Sa daŋŋa dew ɓak boyna ki u sem Yawe yam ana Uriya. Nammi goŋ Semaya hu ma Kiriyat-Yearimma. Nam ɓak boyna kay ɦoŋzi namma u mbas ndaɗta ko Jeremi ɓakka na may.

JEREMI 26:6

Na ɗaŋŋi an hin li dla cora eg zi namma ko an laɗ eg Silora na, hin mbuɗ ɦoŋzi namma ki ni zi ma suuna hin ɓak kam duk suu an gasi vunna kay ndaŋgara duk njaf suuna halaŋ halaŋŋa.

JEREMI 32:28

Na ɗaŋŋi, Yawe ɓak anaba, an hin ɦal ɦoŋzi namma ki maŋ suu Kaldena, maŋ Nabukodonosor, mul ma Babilonna may. Nam hin tlamu.

JEREMI 35:11

Ni hu li ma Nabukodonosor mul ma Babilonna tli mbassa kina ami di tami ana, jivira ni tuɗuygi Yerusalem njafaygi suu duu suu saɓak suu Kaldena u suu Arameena. Na ɗaŋŋi ami hin tuɗ kakami ha ki hu Yerusalemmi na gaw.»

JEREMI 52:28

Gola ni ndum suu Nabukodonosor yowosi tuɗusi ki mbaɓura hu basara kiɗisiyara, suu Yudana 3023.

YOORA 1:17

Siyon tak koɗ koloo sa heɓeɗ huruɗ kaɗi. Yawe yow suu babalira ay kay Yakob. Yerusalem dukusi mbuɗ ki ni didiŋga.

EZEKIYEL 19:8

Njaf suu ŋguy kamma halaŋ taɓ tasi mba ŋguyum duu u namu. Asi gunun bay masina ki fokomu, asi vam hu bay masina wa.

EZEKIYEL 23:23

Suu Babilonna u suu Kaldena, Pekod, Skoa u Koa u gor suu Asirina halaŋ lay. Gorzoŋii suu jivi ɦayna, muli suu ŋgolona u maliyaŋ mbassa, suu asgaarina u suu ful kulumina halaŋ.

MISE 3:12

Kay ndaɗta ni kagi agiya, ɦoŋzi ma Siyonna suuna hin zumum ki senena, Yerusalem hin mbuɗ ki ni didiŋga, ɦinira, Ziŋ Lonara mini kaɗta, hin mbuɗ ki ni bubura.

HABAKUK 1:6

An wana, an yow suu Kaldeenna ay wa, suu dlasi co suu ŋguy yam mbassa a kak ki hu zi ma ka masinaɗi lay na.