2 MULINA 24:14 - Boy Lonana

¹⁴ Nam yow tlesuu hu Yerusalemma ki halaŋ, yow mulina u suu ɦizina halaŋ, yow suuna ni va ma buɓ buɓ doogo, yow suu yoo kawina ki halaŋ u suu min pus pusna. Hin ka ni suu gori suu vo hu mbas ndaɗtana ɦawaa.

2 MULINA 24:14 ပူးပေါင်းရင်းမြစ်များ

2 MULINA 24:16

Suu ɦizina halaŋ li va ma buɓ buɓ kiɗisiya, suu yoo kawina u suu caffa halaŋŋi buɓ dew may. Suu asgaa suu saɓak cocona halaŋ mul ma Babilonna tuɗusi ha ki hu Babilon.

2 MULINA 25:12

Sa ŋgol ma fok suu asgaana hin suu ɦawa suu ka hu Yerusalem nde kay a asi li sene gugutluna, horok senena ka may.

1 DLAŊ MULINARA 9:1

Suu Israelna halaŋ ndumusi kiyo, ɓiirisi sesi ki hu magaara vi muli suu Israelnara. Suu vi Yudana yowosi tuɗusi ki Babilon mbaɓura ni kay dla coosira.

EZDRAS 2:1

Gola ni goryoŋ suu ay hu ɦoŋzi ma bagina suu hoŋ ay ki hu yowra yowosi ki mbaɓurara, suu vi Nabukodonosor, mul ma Babilonna, yowosi tuɗusi ha ki hu Babilon. Asi hin hoŋ ay Yerusalem hu Yuda gegelay hu ɦoŋziimma.

NEHEMI 1:2

Hanani wayan maa dew mbay hu Yuda. Nam u suu um ɦiw, an hin joɓosi kay suu Juifna usira hinda, suu usi iiri duk suu yowosi ki mbaɓurana, kay Yerusalem may.

ESTER 2:6

Nammi duk suu hu Yerusalem suu mul ma Babilonna, Nabukodonosor, yowosi ki mbaɓura ko tasi u Yoyakin, mul ma Yudanana.

EZAYI 3:2

Suu saɓakŋa u suu duuna suu ka ii ɓakŋa u suu jok vun Lona, suu joɓpa u suu ŋgolona,

JEREMI 27:20

Kay tlesuu Nabukodonosor mul ma Babilonna yowosi ka ki Yerusalem tuɗusi ki Babilonɗina. Yekoniya goŋ Joakim ma mul ma Yudana. Ko tam u suu ŋgolo suu Yudana u suu Yerusalemma.

JEREMI 28:4

Na lay an hin hoŋ Yekoniya ma goŋ Joakim mul ma Yudana u suu yowosi ki mbaɓura hu Yuda tuɗusi ki Babilonna halaŋ. Yawe di na. Kay ana an kus mbal ma nek ma vi Mul ma Babilonna ki wa.»

JEREMI 29:2

Ŋgoo dagan hu li ma mulna Yekoniya, su mulnara, sa ŋgol ma hu taraŋgana, suu ŋgolo suu sunda suu Yudana u suu Yerusalemma, suu wi yal min tlena, suu ŋgolo suu duuna tuɗ ki hin Yerusalem.

JEREMI 39:10

Na may nam hin suu haw suu va ka kosiɗina ha hu mbassa, nam hin ɦasi sene gugunina u sene wana.

JEREMI 40:7

Suu ŋgolo suu fok suu duuna suu hinisi ha hu li ma duunana halaŋ, asi u suu masisina hum ana mul ma Babilonna ɦal ŋgolla maŋ Gedaliya, ma goŋ Ahikamma, a kaɓakŋa hu mbassa. Nam hin ɦam njufiina, boyogina u gor kemba, suu wara suu ɦiw suu hu mbassana lay, suu may suu yowosi tuɗusi ka Babilonɗina.

JEREMI 52:16

Na may nam hin suu gori suu ɦiw ka hu mbassa a horok sene ŋgusuna u sene wana.

JEREMI 52:28

Gola ni ndum suu Nabukodonosor yowosi tuɗusi ki mbaɓura hu basara kiɗisiyara, suu Yudana 3023.

EZEKIYEL 17:14

Ni kay ana mulla ndaɗta mbuɗ ki gooro, ka ndak a yow kolo egembi. Nam li galam mamba u asi ndaɗta gak gak may.

EZEKIYEL 17:3

Aŋ tuɗ dasi ana, Bu Suuna, Yawe, di ay ana, bak ma ŋgolna u garaŋam ta ŋgol cocora, tlimiɗim fiyeki cocoo, tam ki tlimiɗ coco ɦay lay. Col irim ay Liban na ɗow. Nam mba kus yam gu ma yam ana sedrena kiyo.

MATIYE 1:11

Josias vuɗ Yekoniya u gorsemma vuɗ ni, suuna yowosi ha ki Babilon.

MATIYE 1:12

Asi yowosi ha Babilon yow ni, Yekoniya vuɗ Salatiyel. Salatiyel vuɗ Zorobabel.

MATIYE 1:17

Col ay eg Abraham mbay tew kay David na ni, somoyosi doogo yam fiɗi. Eg David mba hu yow mayra asi yowosi Babilonda ni, somoyosi doogo yam fiɗi. Duk ɦoŋ yowra Babilonda mba tew vuɗta vi Yesu ni, somoyosi doogo yam fiɗi.

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

1 SAMUEL 13:19

Sa ka fi sa dli caffa hu mbassa Israella oloɗi kay suu Filistinna di ana, «Ka a suu Hebrena dli ŋgewegina u saɓɓiina kosi oloɗi.»