2 MULINA 23:6 - Boy Lonana

⁶ Nam tli gu ma ceɗi teteɗna ma vi Aserna ma asi colom kalafi hu Ziŋ Yawerana ay ki bunsuwa, tuɗum ha ki doŋ kaana Yerusalem. Asi ŋgalam ha ki hu ɦuɗugumba Sedron ndaɗta, cukum butum ha ki hu zul ŋgolla suuna kaɗ bella.

2 MULINA 23:6 ပူးပေါင်းရင်းမြစ်များ

1 MULINA 14:23

Asi min liisi ma mbuy kolona a li ɓivunna, col ɦinira ceɗi ta teteɗta fokosiya, min fulina tlesuu teteɗna kolo kay li mbuyna na zeɗ zeɗ, hu li ma ŋgusugina ɗufi hu cocona,

1 MULINA 15:13

Nam doo sum ŋgolo Maaka ki kay sun maɗta ca mulla su suunara lay. Kay ana ndaɗ li fuli maɗna maŋ Asera. Aza kaaɗ fuli maɗ namma ki ŋgalam ki fun mbo lum ma Sedronna.

1 MULINA 16:33

Akab pi ɦinira ceɗi ta teteɗta ta vi Aserra. Nam tuɗ fok u dlara ɓalak huu Yawe, Lona vi suu Israelna, na gak gak. Ki co su muli suu Israel suu kak ay mulla fokom jewna halaŋ halaŋ.

1 MULINA 2:37

Lini seŋ calaɗ ii hakara ki a tuɗ ki hu zi ma daŋi ni aŋ hin miɗ ni hu faɗ ndaɗta gaw may. Busuɗuŋ hin hoŋŋi kay duu duu yaŋu.»

2 MULINA 10:26

Asi tli ɦinira ceɗi teteɗta ta ay tini kalafira ay ki bunsuwa, mba ŋgalaɗ kiyo.

2 MULINA 10:27

Hu li ma asi ŋgal fuli ma vi Baal namma ki ŋgal ni, hin hawaɗ ziŋ Baalla ki gaw may, mbuɗ li namma ki zulla oo soɗna maŋ suuna halaŋ, dla ndaɗta ka li ta ta cemi.

2 MULINA 21:7

Fuli suu vi Aserana nam ceɗesi tinisi hu Ziŋ Yawera ta nam di David u goromma Salomon kaɗ ana, «Hu zi ndaɗta u ɦoŋzi ma Yerusalemma halaŋ ma an manam ki duk ɦoŋzi ma vi suu Israelna halaŋ ana an hin tin sen huwa.

2 MULINA 23:12

Nam hawaɗ otel ta muli suu Yudana miniɗ kolo kay yam zira vi Akazza kiyo u otel ta Manase miniɗ kurufu huu taraŋga eg Ziŋ Yawera mbara nam hawaɗasi ki lay. Nam toosi ki kaŋga hu li namma ni na guluk guluk gaw, cukusi kamayasi ha ki hu ɦuɗugumba Sedronda.

2 MULINA 23:15

Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

2 DLAŊ MULINARA 15:16

Mulna Aza doo sum Maaka ki kay sun maɗta lay. Nam tiniɗ semma ki gin kaɗ ana cara ŋgolla kay ndaɗ fi saara cora a li looɗna ki kay taɗu, ni kay Asera. Nam ɦal voɗta ana hawaɗ fuli asina kiyo, to gu ma ceɗi namma kiyo, ŋgalam ha ki fun mbo lum ma Sedronna.

2 DLAŊ MULINARA 33:3

Nam hoŋ min li ma mbuy kolo ma bum hawaɗam kina kolo olo. Nam min givin ma togolla maŋ Baal lay. Nam pi gu ma vi Aserna kolo lay. Nam goɓ kaŋga fok suu sunda huulona lay, lasi tok masira ki ni kay taɗ lay.

2 DLAŊ MULINARA 34:4

Asi hawaɗ givin ma togolla ma vi Baalna ki ni irim nam coli huwa, to givin ma togolla ma ŋgal mbitla his jivira ki lay, ka gu ma vi Aserna ki lay, to givin ma tokolla ma mini zeɗ zeɗna ki bel bel, to tle asina ki na gelek gelek, cukusi ha ki kay us suu may suu goɓ loogi suu ɦawa asinana.

KALKIRA 32:20

Nam tli goo mbutl ma asi minimma ŋgalam kiyo, gulukum ki na gelek gelek, cukum buɗum ha ki duk mbona, ɦeɓ suu Israelna a ci mbo namma.

JEREMI 17:2

Asi ɓak kay goryosi may ni, asi hin ɓak kay otel masi ma ɓivunna u gu ma ɓivun ma pii eg ŋgusugina humum ɗuf tew tew kolo kay ɦinira fiyekkana may.

JEREMI 22:18

Na ɗaŋŋi Yawe, ma Saɓakŋa Kom Belna, ɓak Joakim, ma goŋ Josiyas ma mul ma Yudana, anaba, sa ka gi soolla hahaw kambi. «Ni dlara hahaw me nage, wayanna? Ni dlara hahaw me nage, wayanda?» Sa ka gi soolla hahaw kambi, «Ni dlara hahaw me nage, malanna? Ni dlara hahaw me nage, sa ŋgolna? Ni dlara hahaw me nage, ma jivi cocona?»

JEREMI 31:40

Ҥuɗugumba maɗ suuna huruɗ u buɗna lay, li ma u fiyek ɦuɗugumba col ay Sedron day tew eg vun zira kulumina u faɗ maɗiira. Tle asina halaŋŋi hin ki ni maŋ Yawe. Sa hin ka paɗasi kiɗi, ka hawaɗasi kiɗi a fafaɗta.

Boy Ma Ayra Ma JAŊ Ɓiirimma 18:1

Yesu daɓ ɓakŋa may ni, tuɗ ŋgoo lumma Sedronna u suu haɗi mamsina. Hu li namma, nam kal duk senena u suu haɗi mamsina.

GA 8ATAMBARA 7:25

Fuli masi suu li ɓivunna maŋ loogi suu ɦawana agi ŋgalasi kiyo, agi viɗ ii tagi a vagi tagi hu daw masina a ɗokosi barawi masi suu u lorra u tusunaɗi. Dla ndaɗta ni pan ni Yawe Loogina.

GA 8ATAMBARA 9:21

Cora agi laɗ min goo mbutlna ndaɗta, an tlam ŋgalam kiyo, gulukum butum ki na gelek gelek, an cukum butum ha ki duk mbo ma ɓaɗ ay kolo kay ɦinira na.

SUU KAƁAKŊA 3:7

Suu Israelna li dlara ka ii Yawe jiviɗira. Asi maa Yawe, Loosina kiyo. Asi gijaŋ sunni Baal u Asera.