2 MULINA 23:4 - Boy Lonana

⁴ Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

2 MULINA 23:4 ပူးပေါင်းရင်းမြစ်များ

2 SAMUEL 15:23

Suu hu mbassana halaŋ tii u simina irisi ŋgolla. Suuna halaŋ hin jaka. Mulna ɗiŋ lum ma Sedron ma ɓaɗ ɦayna. Suuna halaŋ hin jak ki hu voɗta tli hu fullara.

1 MULINA 12:29

Jeroboam col taa hu Betel dew may, col ta mbara ha ki hu Dan may.

1 MULINA 15:13

Nam doo sum ŋgolo Maaka ki kay sun maɗta ca mulla su suunara lay. Kay ana ndaɗ li fuli maɗna maŋ Asera. Aza kaaɗ fuli maɗ namma ki ŋgalam ki fun mbo lum ma Sedronna.

1 MULINA 16:31

Ka irim jivi a li dlara Jeroboam goŋ Nebatna laɗtaɗi ni, nam tuɗ ta ta ɗum Jezabel ta goŋ Etbaal mul ma vi suu Sidonna. Nam goɓ kaŋga fok Baal, cenemu.

1 MULINA 18:19

Cem wanda ni aŋ tokon suu Israelna ay egen ga u ɦinira Karmella tani halaŋ halaŋ. U suu joɓpa suu vi Baal suu 450 may u suu joɓ suu vi Astarte suu 400 na may, suu ka ti kay tabulla vi Jezabelna.»

1 MULINA 18:26

Asi vi bolo mbutl ma ɦasinana, gijaŋ sunda. Asi yi sem Baal maɗii day day tew faaliya, di ana, Baal humumi aya. May sa ka hum delɗi lay, ka wi saɗi lay. Asi luu joŋŋa fun givin ma togolla ma asi minimma lay.

1 MULINA 18:40

Eli dasi ana, «Yowogi suu joɓ suu vi Baalna hin maa dew a pii kiɗi.» Asi yowosi halaŋ. Eli tuɗusi ha ki kaŋga fun lumma Kison, ŋgaɗasi ki halaŋ halaŋ.

1 MULINA 19:18

Na may an hin hin u suuna hu mbassa Israella ni na buɓ buɓ kiɗisiya, ni suu may suu goɓ vogosi ka ga fok Baalɗina, suu ŋgaf vunusi ka u nambi layna.»

2 MULINA 10:26

Asi tli ɦinira ceɗi teteɗta ta ay tini kalafira ay ki bunsuwa, mba ŋgalaɗ kiyo.

2 MULINA 12:10

Mul ma li ɓivunna Yoyada tli zandukka cuk gursuna tiniɗ keŋ otel bik njufu, co zul li ma cuk gursuna kaɗ kolo may. Hu li ma asi cuk ha kalafi hu Ziŋ Yawera wa ni, mul ma li ɓivun ma ka juɓ u zandukkana cuk gursu namma hu halaŋ.

2 MULINA 17:16

Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

2 MULINA 21:3

Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

2 MULINA 21:5

Nam min li ma ŋgal ɓivunna maŋ ciciwra u velna u tlege suu kolo huulonna huu taraŋŋa mba' vo hu Ziŋ Lonara lay.

2 MULINA 21:7

Fuli suu vi Aserana nam ceɗesi tinisi hu Ziŋ Yawera ta nam di David u goromma Salomon kaɗ ana, «Hu zi ndaɗta u ɦoŋzi ma Yerusalemma halaŋ ma an manam ki duk ɦoŋzi ma vi suu Israelna halaŋ ana an hin tin sen huwa.

2 MULINA 22:4

«Tuɗ kolo eg mul ŋgol ma li ɓivunna, Hilkiya. Nam ndum gursu ma suuna taaram ha hu Ziŋ Yawera kiyo, ma suu juɓ vun zina tokom ay ko suunana halaŋ.

2 MULINA 23:12

Nam hawaɗ otel ta muli suu Yudana miniɗ kolo kay yam zira vi Akazza kiyo u otel ta Manase miniɗ kurufu huu taraŋga eg Ziŋ Yawera mbara nam hawaɗasi ki lay. Nam toosi ki kaŋga hu li namma ni na guluk guluk gaw, cukusi kamayasi ha ki hu ɦuɗugumba Sedronda.

2 MULINA 23:15

Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

2 MULINA 25:18

Sa ma ŋgol asgaana vi Seraya, mul ŋgol ma li ɓivunna, u Sefaniya ma funumma, yow suu juɓ u lina hu hindi may.

2 DLAŊ MULINARA 15:16

Mulna Aza doo sum Maaka ki kay sun maɗta lay. Nam tiniɗ semma ki gin kaɗ ana cara ŋgolla kay ndaɗ fi saara cora a li looɗna ki kay taɗu, ni kay Asera. Nam ɦal voɗta ana hawaɗ fuli asina kiyo, to gu ma ceɗi namma kiyo, ŋgalam ha ki fun mbo lum ma Sedronna.

2 DLAŊ MULINARA 33:3

Nam hoŋ min li ma mbuy kolo ma bum hawaɗam kina kolo olo. Nam min givin ma togolla maŋ Baal lay. Nam pi gu ma vi Aserna kolo lay. Nam goɓ kaŋga fok suu sunda huulona lay, lasi tok masira ki ni kay taɗ lay.

2 DLAŊ MULINARA 33:7

Nam cuk tlesuu fulina suu asi ceɗesina ki hu Ziŋ Lonara. Doli ɗini Lona di David u goromma Salomon ana, «Hu zi ndaɗta u ɦoŋzi ma Yerusalemma halaŋ an hin tin sen hu ni a fafaɗta.

EZAYI 27:9

Cora vi goryoŋ Yakobma hin bulum ki ni ko ndaɗta na may. Ni vuɗ dlara hin tak ki ana coosira bulum kiwara. Asi hin to ɦini mayra asi njaraɗ a givin ma togolla kiyo, to li ma ŋgal mbul ma hisna ki lay. Sa ka wi tle asina u irim oloɗi.

JEREMI 52:24

Ŋgol asgaa ma gol u suuna vi Seraya, sa ŋgol ma fok mulisuu li ɓivunna u Sefaniya, sa li ɓivunna, ŋgoo dagani, suu gol vun zira lay.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

EZEKIYEL 8:6

Nam dan ana, «Goŋ sanna, aŋ wi dlara asi laɗta wa su? Aŋ wi dlara ɓalakka vi suu Israelna tani wa ɗaŋ su? Ni ana an ɦuɗ tan ha ki day eg ziinda naɗi su? Aŋ hin nda wi dlara ki saɓaki co suu ndaɗtara olo.»

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

AMOS 4:4

Mbagi ay hu Bethel lagi yara, zulugi u yagira hu Guilgalla ha foko, lagi ɓivunna maɗii tew tew, hu buu ma hindina ɦagi yam waagina.

SOFONI 1:4

An hin maɗ kon ha kay Yuda, kay suu hu mbassa Yerusalemba lay, an hin bulum tlesuu vi Baal suu usi hinna kiyo, sem suu mam suu sunda u muli mam suu li ɓivunna lay.

MATIYE 26:3

Hu li namma muli suu li ɓivunna u suu ŋgolo suu Juifna, tok tasi vi mul ŋgol ma li ɓivunna yam ana Kaif.

MATIYE 27:1

Maɗii feɗet ni, muli suu li ɓivunna u suu ŋgolo suu Juifna, tok tasi a gi gagara a ci Yesu kiyo.

Boy Ma Ayra Ma JAŊ Ɓiirimma 18:1

Yesu daɓ ɓakŋa may ni, tuɗ ŋgoo lumma Sedronna u suu haɗi mamsina. Hu li namma, nam kal duk senena u suu haɗi mamsina.

SUU KAƁAKŊA 2:13

Asi noy Yawe kiyo. Asi sunni Baal u Astart.