2 MULINA 23:3 - Boy Lonana

³ Mulna col ki kolo u sem eg mbal ma coli duk hu Ziŋ Lonarana, nam mbuɗ Galamba ki wili daŋgadla u Yawe. Gegelay ni mba li ki ɗegee fok Yawe a hum u gaɗ mamba u hurum halaŋ u saa mamba halaŋ, hum u haɗ mamba may u dlara ɓiirira halaŋ, li uɗ may. Hum u dlara ɓiiri hu magaara galam ndaɗtara halaŋ. Suu tokina halaŋ vi haɗ ndaɗta kasi halaŋ a li uɗta may.

2 MULINA 23:3 ပူးပေါင်းရင်းမြစ်များ

2 MULINA 11:14

Ndaɗ gola ni mul ma wilina coli eg mbal ma duk gayra hu Ziŋ Lonara zow, ko ndal asi li day dayara na. Muli suu daŋŋa u suu bu tlena a luuna coli eg mul ma wilina ca may, u tokolomma lay ay laki na tok eg mulna. Suuna halaŋ ka furi cocoo. Asi bu tokolomma. Ataliya haa baraw maɗna ki oo uɗ kolo di ana, «Ni dlara ŋgeŋŋa, ni ŋgeŋŋa.»

2 MULINA 11:17

Yoyada njun galamba duk ɦoŋ Yawe u mulna u suuna may kay a asi li ni suu vi Yawena. Nam taɓ Galamba duk ɦoŋ mulna u suunara may.

2 DLAŊ MULINARA 15:15

Suu hu mbassa Yudara halaŋ furi coco kay suura asi suu tasi ndaɗta. Kay asi suu tasi ni vi ki gasi u hurusi halaŋ u minda jivira lay ana asi hal Yawe, nam tak tam masi may. Nam hinisi asi fi koɗ tara keŋ lina zeɗ zeɗ halaŋ.

2 DLAŊ MULINARA 23:13

Ndaɗ gol iriɗ ha na ni wi mulna ka ki coli kolo kay vun zira. Mulina u suu bu tokolomma ka njaari egem na tok. Suuna halaŋ ka furiya. Asi bu tokolomma may. Suu bu tlena bu gi dadari masisina may, ka tuɗ fok suu geleɗ mulnana. Ataliya haa barawi maɗsina ki, oo uɗ kolo di ana, «Duuna. Duuna.»

2 DLAŊ MULINARA 23:16

Yoyoda vi galamba ko tam u suuna u mulna may kay a asi li halaŋŋi suu vi Yawena dew.

2 DLAŊ MULINARA 29:10

Cemi ni an min a vi galamba u Yawe, Lona vi suu Israelna. Ni kay ana yaamba mba ndi kaygi oloɗira.

EZDRAS 10:3

Cecem wanda vaygi vunuygiya, vaygi galamba u Looygina a dikiygi boyogina halaŋ u goryosiya, u gaɗta vi malannara u ta vi suu li ndaana u gaɗta vi Looyginara. Ko dla ndaɗta li ki u gaɗta.

NEHEMI 10:1

Kay boy namma a daɓ kira ni ami vi vunumi eŋga ɓii boy namma ki kaŋgaa. Suu mami suu malayaŋ zina, suu Levina u muli mami suu li ɓivunna tin kosi ki kaŋga kay boy namma.

NEHEMI 5:13

An hin ɗoɓ koɓoɗ manda liiɗ ma homina ki hin di ana, «Ni ko ndaɗta na Lona hin kizik sa ma vam boy mamma kaɗina ki eg ziim day lay, eg tlegeyem day lay. Sa namma hin kizikim ki ni ko ndaɗta na ka hinim va kombi.» Suu tokina halaŋ di ana, «Amin» hin geleɗ Yawe. Suuna hin li dlara daɗ kira.

KALKIRA 24:3

Moiz mba cuɗ boy ma Yawe damma ki maŋ suuna halaŋ u gaɗta lay. Suuna halaŋ hoŋ dira vunusi na dew ana, «Boy ma Yawe damma halaŋ ami min a li umu.»

DI BOLLA 8:2

Hum u mulna ni kay suura aŋ suu taŋ ki fok Lonara.

JEREMI 34:15

Hu cokira cecem wanda agi hom ki wa, lagi dlara irin jivira. Gegelay dukugi ɓak ki u vunum kay gira gi wayammara, agi vi vunugi kay dla ndaɗta ni fokonu, hu Zira suuna ka ɓak ki u sen huruɗta.

JEREMI 34:8

Yawe ɓak boy mamma maŋ Jeremi ŋgoo dagan hu li ma mulna Sedesiyas ɓak ki maŋ suu hu Yerusalemma halaŋ halaŋ vi vunusi a cuk mborɓogina kiyo.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

JEREMI 50:5

Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

GA 8ATAMBARA 10:12

Cemi ni agi suu Israelna va Yawe Loogina ka juɓum kogina ni mege? Va ma nam juɓumma ni ana agi li ndaa Yawe Loogina, tuɗugi hu voɗ mamba na ɗegee. Min a sun Yawe Loogina u hurugi halaŋ, u mbalatagi halaŋ lay.

GA 8ATAMBARA 11:13

Lini agi humugi gasi u gaɗ manda an dagira cemi wandara, a minigi Yawe Loogina, sunum u hurugi halaŋ u mbalatagi halaŋ lay ni.

GA 8ATAMBARA 13:4

Agi hum boy ma vi sa ma jok vun Lona nammaɗi. Kay ni Yawe Loogina hal a tukugi ni tuki ɦawaa, kay a wi ki ana agi gasi ni suu min Yawe Loogina gasi u hurugi halaŋ u mbalatagi halaŋ may sura.

GA 8ATAMBARA 29:1

Moiz yi suu Israelna ay halaŋ dasi ana: Agi wi dla mayra Yawe laɗ ay hu mbassa Egiptera u irigi halaŋ, eg Faraw u suu sun mamsina halaŋ u mbas mamba lay.

GA 8ATAMBARA 4:45

Gola ni gaɗta u nera Moiz jogoɗ ki maŋ suu Israelna hu li ma asi cuk ay ki hu mbassa Egiptera.

GA 8ATAMBARA 6:1

Gola ni gaɗta, yalna u nera Yawe Loogina takanda ana an haɗagira, agi may ni li uɗu, goloɗ jivi hu mbassa agi hin tok a cuk huruɗ cemi wandara.

GA 8ATAMBARA 6:5

Aŋ min Yawe Looŋŋa u huruŋ halaŋ, u mbalataŋ halaŋ, u saɓakaŋ halaŋ may.

GA 8ATAMBARA 8:19

Lini agi maa ka ki kay Yawe Looginaɗi, lini agi goɓogi loogi suu daŋŋa, li usiya ni, an dagi dlara kagira ki cemi wanna, agi hin ba ki ni halaŋ halaŋ.

HEBRENA 12:24

Agi mbaagi ni eg Yesu sa ma taɓ duk ɦoŋga u Galamba Wilira, busuum ma vo kina li jivira su ma vi Abelna.

HEBRENA 13:20

Lona col Bu Suuna Yesu iiri ki duk suu miɗina, nammi sa ŋgol ma taa yoona, bana mayra didinda faɗ ki ni u miɗ mamma. U saɓakŋa vi busuna vi ɓivun mamma nam mi galamba ka daɓ kiɗira.