2 MULINA 23:15 - Boy Lonana

¹⁵ Josiyas hawaɗ li ma teteɗ ma hu Betelna ki may. Li ma mbuy kolo ma Jeroboam ma goŋ Nebatna minim ka cuk suu Israelna halaŋ kaŋga hu corana. Nam hawaɗ otel nɗaɗta ki u li ma mbuy kolona halaŋ. Nam ŋgal li ma mbuy kolo namma kiyo, ŋgal gu ma Aserna ma pi huna ki lay.

2 MULINA 23:15 ပူးပေါင်းရင်းမြစ်များ

2 MULINA 23:6

Nam tli gu ma ceɗi teteɗna ma vi Aserna ma asi colom kalafi hu Ziŋ Yawerana ay ki bunsuwa, tuɗum ha ki doŋ kaana Yerusalem. Asi ŋgalam ha ki hu ɦuɗugumba Sedron ndaɗta, cukum butum ha ki hu zul ŋgolla suuna kaɗ bella.

1 MULINA 14:16

Nam ɦasi ki ni kay dla cora Jeroboam laɗta. Nam cuk suu Israelna halaŋ ga hu sulukŋa.»

2 MULINA 10:31

Na may Jehu tuɗ ka u gaɗta vi Yawe Lonara u hurum belɗi. Nam ka hin dla cora Jeroboam cuk suu Israelna huruɗ halaŋga kiɗi.

1 MULINA 21:22

An hin mbuɗuŋ ziiŋ ki ni ko ndal ziŋ Jeroboam ma goŋ Nebatna na. Ko ndal ziŋ Beasa ma goŋ Ahiyana na may. Kay ana aŋ ɓalakan hurun ki cocoo, aŋ zuɗ suu Israelna a li sulukŋa na bel bel.

1 MULINA 15:30

Dla ndaɗta mbay halaŋŋi kay ana Jeroboam li dla cora, cuk suu Israelna halaŋ hu dla co ndaɗta. Dla ndaɗta ɓeŋ huu Yawe Lona vi suu Israelna ki cocoo.

1 MULINA 12:28

Mulna fi saara daŋga. Nam yoo gor mbutlina mba' u lorra. Nam di suu Israelna ana, «Agi tuɗ tew tew ni Yerusalemmi gola agi suu Israelna Loogina wanna, ni ma cukugi ay ki hu mbassa Egiptera.»

1 MULINA 13:1

Sa ma jok vun Lona col ay hu Yuda, Yawe sunum ay hu Betel, mba fi ni Jeroboam ŋgal ɓivunna hu kay givin ma togolla may.

1 MULINA 13:2

U boy ma Yawe dammana, nam sawalla kolo di ana, «Givin ma togolla, givin ma togolla Yawe di ay ana, gola goona hin vuɗ hu njaf ma vi Davidna, hin tinim sem ana Josiyas. Nam hin li ɓivunna ki kaŋ u muli suu ka li ɓivunna hu li ma teteɗna wanna, givin ma togolla ta asi ŋgal ɓivunna jew huna hin ŋgal sok suu warna ki huwa.»

2 MULINA 23:4

Mulna ɦal voɗta maŋ mul ŋgol ma li ɓivunna, Hilkiya, u muli suu li ɓivun suu daŋŋa u suu juɓ vun Ziŋ Yawera ana asi yow tlesuu cuki kalafi hu Ziŋ Yawerana ay kiyo, tlesuu asi minisi a goɓ Baalna halaŋ u suu maŋ Aserana u tlesuu kolo huulonna, tuɗ ŋgalasi ha ki doŋ kaa ma Yerusalemma, duk ɦudugumba Sedron ma asi pamma, toorosi butusi cukum ha ki hu lokka Betel.

2 DLAŊ MULINARA 34:6

Ŋgoo dagan nam poy ki hu ɦoŋzi ma vi Manasena, vi Efrayimma, vi Simeonna u ma vi Neftalina tuɗ ay ki hu mbassa keŋesi tok tokka lay.

AMOS 3:14

Ni hu buu ma an hin kaɓakŋa kay Israel kay dla cooɗtana, an hin kaɓakŋa kay givin ma togolla ma Bethelna, asi hin to mek ma hu givin ma togolla kiyo, nam hin cuk ay ki kaŋgaa.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»

1 SAMUEL 7:4

Goryoŋ Israelna noy loogi suu vi Baalna u loogi Astart kiyo, hin sunni Yawe na dew daŋ.

2 MULINA 3:3

Na may ni nam njun tam eg dla cora Jeroboam ma goŋ Nebatna laɗta, cuk suu Israelna hu dla cora halaŋ. Nam fuɗ tam ka ki ko dla co ndaɗtaɗi.

2 DLAŊ MULINARA 34:7

Nam to givin ma togolla kiyo, kulukusi ki na gelek gelek, gu ma vi Aser na u li ma tokolla, to givin ma togolla ma ŋgal mbitla his jivira ki lay, li ay hu njaf suu ii mbayawna halaŋ. Ŋgoo dagan nam ti mulla ni hu Yerusalem.