2 MULINA 23:10 - Boy Lonana

¹⁰ Nam mbuɗ li ma yam ana Tofetna ki njenjera. Li namma ay ni hu ɦuɗugumba vi goryoŋ Hinnommara kay ana kaa sa ŋgal gorom ma njuf ɗowba gorom ta tama ki duk kura a tokol fuli ma yam ana Molekŋa oloɗi.

2 MULINA 23:10 ပူးပေါင်းရင်းမြစ်များ

EZAYI 30:33

Zulla kura hura ki vegi ni day day. Ndaɗ vegi ni kay mulna lay. Ay kaŋga hu day mba ki kolo funu, ni asi nja guna hu a gam kura. Musuk ma cuk ay ki fun Yawena hin gi kura hu zul ndaɗta ni namu.

JEREMI 19:6

«Na ɗaŋŋi buuna mba wa, Yawe di na, ma suuna hin ka yi li namma ana, li ma mbuyna oloɗi, ɗowba ɦuɗugumba Hinnomba oloɗi may, hin yam ana ɦuɗugumba ci suuna.

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

JOSUWE 15:8

Ii hakara jak fun ɦuɗugumba vi goŋ Hinnomma, kolo kay mbura dalira hu Yerusalemba na hu ɦoŋzi ma vi suu Jebusna. Ii hakara tuɗ kolo ta ta kay ɦinira vok taɗ u ɦuɗugumba Hinnomba ii u fiɗigina, daɓ ay ki fun mbassa Refara ii mbayawi.

GA 8ATAMBARA 18:10

Ka sa maa dukugi ɦal gorom ma njuf ɗowba ta tamara ŋgalaɗ ki a li ɓivunɗi, ka sa maa ɦal tam kay dlara kumuna, joɓ loogi suu ɦawana li dlara dawra li dukugiɗi.

MATIYE 5:22

Anu, an dagi ana, Sa ma ɓeŋ hurum ki eg wayammana, hin bay tuɗum ki fok suu kaɓakŋaɗi. Sa ma ŋgul wayamma ana, Ka wi vaɗina, ɓak namma ka ni fok suu ŋgolo suu kaɓakŋa. Sa ma ŋgul wayamma ana, Puluɗiyana, ɓak namma ni gam duk kura.

EZEKIYEL 20:31

Hu li ma agi mbaa tlegeyegi ayna, hu li ma agi ŋgal goryogi kina, agi mbuɗ tagi ki njenjera u fuli magi asina ta ta cemi. An may ni hin hin tan a agi mbay joɓon gasi may su agi suu Israelna? An suu tan u iiri manda di ni Bu Suuna, Yawe, an ka ndak a hin tan a agi joɓonɗi.

EZEKIYEL 20:26

An hinisi asi mbuɗ tasi ki njenjera u ɓivun masina. Asi ŋgaɗ goryosi suu njufiina suu vuɗ fok jewna ki maŋ fulina, ŋgalasi kiyo. An li na ni a hin kaasi ɓakŋa kasira. Asi hin wi ki ana anni Yawe.

EZEKIYEL 16:21

Ndak ŋgaɗan goryon kiyo, ndak ɦasi ki a li ɓivunna.

JEREMI 19:2

Aŋ kal ki keŋ ko ma ɦuɗugumba Hinnomba, ay hu vun grek ma doyogi suu tooyna huna na a ɓak boy ma an hin daŋŋa hana kiyo.

2 DLAŊ MULINARA 33:6

Nam tamba lay ŋgal goryom ki duk kura hu ɦuɗugumba Ben Hinnomba. Nam li dlara kumuna masira u dawra lay, joɓ suu wi dlara lay. Nam ɓeŋ huu Yawe ki u dla cora nam laɗ ka irim jiviɗira.

2 DLAŊ MULINARA 28:3

Nam u tamba ŋgal mbitla his jivira ay ki hu ɦuɗugumba Ben-Himmomba lay. Nam ŋgal goryom ki u kura ko ndal njaf suu co suu Yawe dikisi ki hu mbassa fok suu Israelnara na.

2 MULINA 21:6

Nam ŋgal gorom ma vuɗta ki duk kura. Nam li dlara mbuɗta u gi kumuna. Nam tuɗ fun suu joɓpa lay. Nam ɓeŋ huu Yawe ki u suluk ma ka gin a liɗina, li dlara ka irim jiviɗira.

2 MULINA 17:17

Asi gi goryosi suu njufiina u suu tamagina ki duk kura, asi joɓ fulina, asi li ni u dlara suu joɓ loogi suu ɦawana dasirara lay. Asi ɦal tasi ki a li dlara ka ii Yawe jiviɗira, ɓalakam hurum ki egesiya.

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

1 MULINA 11:7

Hu coki ndaɗta ni Salomon min li ma li ɓivunna kolo kay ɦinira vok taɗ u Yerusalem maŋ Kemos lo ma vi suu Moabma. Nam hin min li ma daŋŋa maŋ Milkin lo ma vi suu Amonna may.

JOSUWE 18:16

Ndaɗ kal ay ga u ɦinira ka coli fun ɦuɗugumba Hinnomba na, keŋ ma mbayawna ii ɦuɗugumba Refara na. Hakara maɗ ha ki keŋ ɦuɗugumba Hinnomba na gak, ta ta tew ay ki keŋ mbura Jebussa tuɗ ha ki ga ta ta tew ay ki En-Rogel.

EZAYI 57:5

Agi ŋgaagi fuli magisina duk gura girmindiŋga u bubura ŋgoo bagiya. Agi ŋgaɗagi goryogi ki fun mbo ŋgolona, u ɦinira lay.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

NEHEMI 11:30

hu Zanoa, Adullam u ɦoŋzi ma ŋguy kasina, hu Lakis u ɦoŋziiɗ ma bagina, hu Azeka u ɦoŋzi ma ŋguy kamma. Asi vi kakka ay Berseba day ta ta tew ki hu ɦuɗugumba Hinnomba.