2 MULINA 21:9 - Boy Lonana

⁹ Na may asi ka humbi. Manase viɗisi kiwa, zuɗusi a li dla cora. Su ki kay njaf suu ɦawa suu Yawe dikisi ki fok suu Israelnana.

2 MULINA 21:9 ပူးပေါင်းရင်းမြစ်များ

VUN ŊGOLNA 29:12

Lini mulna vi kaboy ma suuna mba dammana ni, suu mam suu varamma mbuɗ ki ni suu cona bel bel.

WIRA ŊGAYRA 2:20

Aŋ hum va ma hurun ɓeŋ egeŋ kamma haa, kay hinda aŋ hin Jezabella, ndaɗ di kay taɗ ana ndaɗ ni cara jok vun Lona. Ndaɗ haɗ suu man suu sunda ana asi li dlara zoŋga, asi ti tliw ma li ɓivunna maŋ fulina lay.

Magaara JAK Ɓiiriɗta 4:17

Lini sana wi kay a li jivira hin ka laɗɗi ni nam mbuɗ tam ki sa ma cona wa.

Boy Ma Ayra Ma JAŊ Ɓiirimma 15:22

Lini an ka mba dasiɗi ni, asi ka wi coosiraɗi. Cecemmi, asi ka puruɗ ki ko ɓakŋaɗi.

Boy Ma Ayra Ma LUK Ɓiirimma 13:34

«Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

Magaara Vi Sa Jok Vun Lona OZE 5:11

Efrayim ki dooriya, toom ki hu ɓakŋa wa, kay ana nam vi tam a liŋ na ta ta u dlara uɗ kaɗira.

DANYEL 9:6

Ami hum vun suu sun maŋsina suu jokoŋ vunuŋ kina kaɗi, suu ɓak boyna u seŋ maŋ muli mamisinana, maŋ goryoŋ muli mamisinana, maŋ somoyomiya, maŋ suu kay yam mbassana halaŋ.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

2 DLAŊ MULINARA 33:9

Manase viɗ suu Yerusalemma u suu hu mbassa Yudara ki mbuɗusi ki co su njaf suu ɦawa suu Yawe dikisi ki cuk suu Israelna ki balamasina.

1 MULINA 14:16

Nam ɦasi ki ni kay dla cora Jeroboam laɗta. Nam cuk suu Israelna halaŋ ga hu sulukŋa.»

EZEKIYEL 16:47

Lini ndak li dlara ko asi na njunusi vunusira ndakak ka tuɗi lay. Dlaakka jak su ki ni kay masira na ɗow.

SOOLLA 81:10

hinigi loogi suu daŋŋa varagiɗi, agi goɓ gaa fok lo ma daŋgi.

SOOLLA 12:8

Yawe, aŋ golomiya. Suɗumi ki ko suu co asina.

2 MULINA 21:10

Na may Yawe ɓakasi ay fun saam ma sunda ma jokom vunumma di ana,

EZEKIYEL 5:7

«Kay ndaɗta Bu Suuna, Yawe, di ana, Kay hurugi ma co namma li dla cora su njaf suu ŋguyugina, agi min ka a tuɗ u gaɗ mandaɗi, lagi dlara an dagirara kaɗi lay, agi li ka ko suu ŋguyugi wanna lira na jimiɗi lay.

1 SAMUEL 8:19

Na may ni suuna min ka hum vun Samuelɗi. Asi hoŋ dira ana, «Ҥawaa, ni mul ma ami minimma.

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

EZEKIYEL 5:6

Cemi ni Yerusalem hin ci wayra u dlara an daɗta. Li dla cora su njaf suu may suu ɦawana, ŋgelen gaɗ manda su mbassa daŋga ŋguy kaɗta. Asi hinin dlara an daɗta kiyo, tuɗ ka u gaɗ manda ɗegeeɗi.

EZEKIYEL 11:12

Agi hin wi ki ana anni Yawe, an ma agi hum ka u gaɗ mandaɗina, lagi ka u neendaɗi lay. Kay agi li ni u nera vi suu ŋguyugi zina wanna.»

EZEKIYEL 22:3

Aŋ dasi ana, Bu Suuna, Yawe, di ana, ni ɦoŋzi ma vo busuna ki cocona. Buu masina hin mbaa, asi suu min fulina ɦayna, ziisina ki mbuɗi njenjee.