2 MULINA 21:6 - Boy Lonana

⁶ Nam ŋgal gorom ma vuɗta ki duk kura. Nam li dlara mbuɗta u gi kumuna. Nam tuɗ fun suu joɓpa lay. Nam ɓeŋ huu Yawe ki u suluk ma ka gin a liɗina, li dlara ka irim jiviɗira.

2 MULINA 21:6 ပူးပေါင်းရင်းမြစ်များ

2 MULINA 17:17

Asi gi goryosi suu njufiina u suu tamagina ki duk kura, asi joɓ fulina, asi li ni u dlara suu joɓ loogi suu ɦawana dasirara lay. Asi ɦal tasi ki a li dlara ka ii Yawe jiviɗira, ɓalakam hurum ki egesiya.

DLAŊ LEVIRA 19:31

«Tuɗugi fun suu joɓpaɗi, saa kay dlara asi laɗtaɗi, dla ndaɗta mbuɗugi ki njenjee. Ni an, Yawe, Loogina.

DLAŊ LEVIRA 18:21

«Aŋ ka ɦal goryoŋ a ŋgalasi ki maŋ ful ma yam ana Molekŋaɗi, aŋ ka ɓalak sem Looŋŋa kiɗi. Ni an, Yawe.

2 MULINA 16:3

Nam li ni dlara vi muli suu Israelnara, gi gooromma ki duk kura lay, ko ndal njaf suu co suu Yawe dikisi ki fok suu Israelna jewna lira na.

DLAŊ LEVIRA 19:26

«Komogi tliwna hu li ma agi ŋgaɗ busuna hunaɗi. Lagi dlara kumunaɗi, cenegi suu miɗinaɗi lay.

2 DLAŊ MULINARA 33:6

Nam tamba lay ŋgal goryom ki duk kura hu ɦuɗugumba Ben Hinnomba. Nam li dlara kumuna masira u dawra lay, joɓ suu wi dlara lay. Nam ɓeŋ huu Yawe ki u dla cora nam laɗ ka irim jiviɗira.

SUNDA 16:16

Hu buu maa dew ni ami tuɗ hu li ma cen Lona, goora dew u fulna kaɗu. Ndaɗ di ki kay dlara hin li ha fokka, ndaɗ fi gursura maŋ maliyaɗna ŋgol u boy namma. Hin ŋgafami vokomiya.

MISE 6:7

Yawe hin min gamalagi suu bolow cocona su? Nam hin min mbul ma tini na fayaɗ ka daɓbina su? An hin ɦammi goron ma vuɗ jewna a bulumun coonda kira su? Goron ma hurunna kay co man an tandara su?

EZAYI 19:3

Saara vi suu Egiptenara hin jok kiyo, an hin bulumusi dlaasira jivira kiyo. Asi hin joɓ fulina tin garira u suu li dlara joɓpa.

EZAYI 8:19

Lini suuna dagi ana agi tuɗ fun suu joɓpa, suu may suu di dlara ay u hosokka gana, suuna ka ndak a joɓ loogi masisinaɗi su? Asi joɓ suu miɗina ay kay suu iirinaɗi su?

2 DLAŊ MULINARA 28:3

Nam u tamba ŋgal mbitla his jivira ay ki hu ɦuɗugumba Ben-Himmomba lay. Nam ŋgal goryom ki u kura ko ndal njaf suu co suu Yawe dikisi ki hu mbassa fok suu Israelnara na.

1 DLAŊ MULINARA 10:13

Sol miɗ ki ni kay dla cora nam laɗ eg Yawera, ni kay ana nam vi ka u boy ma vi Yawenaɗi. Ni kay ana nam joɓ ŋgus sa miɗina ana nam gam u dlara kiyo.

URA TIN AYRA 13:13

Suu hu ɦoŋzi ma Sodomma ni suu ci maɗna, asi li dlara cora eg Yawe ɦay.

2 MULINA 23:24

Josiyas a li u vun magaara mul ma li ɓivunna, Hilkiya, faɗ ay kalafi hu Ziŋ Yawera ni nam dik suu hu mbassa Yudara u suu hu Yerusalem suu joɓ fulina u suu joɓ ŋgus suu zulina kiyo. Nam to fuli u tlesuu teteɗ suu may suu vi suu ka wi Lonaɗina ki lay.

EZAYI 66:4

An may ni hin lasi dlara asi miniɗ ndaɗta may, an hin mbaarasi dla cora asi li ndaana koɗ ndaɗta kasiya. An yasiya sa humun ka dewɗi, an ɓakasiya, sa ma tin humum a hum kaɗi. Dlara an goloɗ irin cora asi manaɗ ni ndaɗu, ni dlara ka irin jiviɗira.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

GA 8ATAMBARA 32:16

Asi ɓeŋ huu Lona u goɓpa asi goɓ loogi suu ɦawana, asi mbuɗum yara u dlasira asi laɗta.

GA 8ATAMBARA 32:21

Asi ɓalakan hurun ki u fuli masisina wa, asi mbuɗun ki yara u goɓ masira goɓ fulinara. An may ni hin ɓalakasi hurusi ni u suu ɦawana suu ka suu mansinaɗina may, suu asina hin ɓeŋesi hursi ki may.

JEREMI 19:5

Asi mbu lina kolo maŋ Baal a ŋgal goryosi ki a ɓivunna maŋ Baal u kura huwa. Dla ndaɗta an ɓiiriɗ kaɗi, an ɓakaɗ kaɗi lay, saa ndaɗta mba ka kanɗi lay.

EZEKIYEL 23:39

Hu li ma asi ŋgaɗ goryosi ki maŋ fulinana ni asi hoŋ tuɗ kal hu Ziŋ Lonara olo a mbuɗuɗ ki njenjera. Gola ni dlara asi laɗ hu Ziinnara.