2 MULINA 21:4 - Boy Lonana

⁴ Nam min otella maŋ loogi suu daŋŋa hu Ziŋ Yawera zeɗ zeɗ. Ta Yawe u tamba di ana, «Hu Yerusalem an hin tin senni huwa.»

2 MULINA 21:4 ပူးပေါင်းရင်းမြစ်များ

1 MULINA 8:29

Ko iriŋ li ki mali kay zi ndaɗta na mal, njeŋge lay, faali lay kay li ma aŋ ɓak kam ana, Wanni li ma sen hin yi hunana. Hum cenda saaŋ ma sunda ceneŋ hu li namma wanda haa.

2 SAMUEL 7:13

Nammi sa ma hin min zira u senna. An hin wulum mul mamba kolo a fafaɗta.

JEREMI 32:34

Asi cuk zozot masira ni hu zi mayra sen ka yi huruɗta, na ɗaŋŋi asi mbuɗuɗ ki njenjera.

1 MULINA 9:3

Yawe hin dam ana, «An hum cenda u joɓpa aŋ joɓondawa. Zira aŋ miniɗ ndaɗta an mbuɗuɗ ki teteɗ wa, a sen hin yi ha huruɗ ni na gak gak. Irin u hurun halaŋ ka cuki kay Zi ndaɗta.

GA 8ATAMBARA 12:5

Agi hin halammi hu li ma Yawe Loogina hin manam duk njafagi halaŋ a tin sem huna, a kakŋi hu lay, ni agi hin tuɗ ni hu li namma.

KALKIRA 20:24

«Aŋ minin givin ma togolla u ndaŋgara a lan ɓivunna hura, a li ɓivun ma ŋgalam kina u ɓivun ma heɓpa u yoori suu goorina u suu ŋgolona, hu li ma an tak sen huna halaŋ. An hin mbay egeŋu, hin paɗ vunun ki kaŋu.

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

EZEKIYEL 23:38

Asi lan dlara daŋga egen hu olo. Asi mbuɗun ziinda ki njenjera. Asi li buu ma vi Lonna ki lalassa may.

2 MULINA 23:12

Nam hawaɗ otel ta muli suu Yudana miniɗ kolo kay yam zira vi Akazza kiyo u otel ta Manase miniɗ kurufu huu taraŋga eg Ziŋ Yawera mbara nam hawaɗasi ki lay. Nam toosi ki kaŋga hu li namma ni na guluk guluk gaw, cukusi kamayasi ha ki hu ɦuɗugumba Sedronda.

2 MULINA 23:27

Yawe dam ki ana, «Mbassa Yudara an hin ɦuɗuk ha ki egen day ko ndal an ɦuɗ mbassa Israella ha ki dayra na may. Ҥoŋzi ma Yerusalem ma an manamma an hin hinim kiyo, zi may ma an di kam ana sen hin yi huwana.»

2 DLAŊ MULINARA 6:5

Col ay hu buu ma an cuk suu Israelna ay ki hu mbassa Egiptera day ni, an man ɦoŋzi ma ŋgol maa ka duk suu Israelna a min ziinda hu a yan senda tuɗi. An man sa ma daŋ ma a kak mulna kay suu man suu Israelna kaɗi lay.

2 DLAŊ MULINARA 6:6

Na may an man ɦoŋzi ma Yerusalemma a sen yi huwa. An hin man David a mul ma Israelna fok suu mansina.

JEREMI 7:30

Suu Yudana li ni co mayra an ka miniɗɗira, Yawe di na. Asi cuk zozot masira hu zira ka ɓak ki u sen tew tewra a mbuɗuɗ ki njenjera.

JEREMI 32:35

Asi min otel ma li ɓivunna maŋ Baalna ki hu huɗugumba Ben-Hinnomba a hin ŋgaɗ goryosi suu njufiina u gorɓiina ki maŋ Molek, ŋgalasi ki duk kura, dla ndaɗta aŋ joɓoɗ kaɗi, saara nara ka kan a li dla cora ko wanda na a viɗ Yuda kiɗi.»

EZEKIYEL 23:39

Hu li ma asi ŋgaɗ goryosi ki maŋ fulinana ni asi hoŋ tuɗ kal hu Ziŋ Lonara olo a mbuɗuɗ ki njenjera. Gola ni dlara asi laɗ hu Ziinnara.