2 MULINA 21:3 - Boy Lonana

³ Nam hoŋ min li ma kolo mbuyna ma bum Ezekiyas hawaɗam ka kina. Nam min otella maŋ Baal, pi gu ma ceɗi teteɗna ma vi Aserna ko Akab, mul ma Israelna, lira na. Nam goɓ kaŋga fok tlege suu kolo huulona halaŋ, sunusi lay.

2 MULINA 21:3 ပူးပေါင်းရင်းမြစ်များ

2 MULINA 18:4

Nammi sa ma bulum li ma mbuy kolona kina, to ɦinira ceɗi teteɗta ki may, ka gu ma vi Aserna ma piina ki may, to guy kawi ma Moiz yoorom kana ki may. Kay suu Israelna gi jaŋ ŋgal mbitla his jivira fok guy namma ta ta cemi. Asi yam ana Nehustan.

2 MULINA 17:16

Asi noy gaɗta vi Yawe, Loosinara, ki halaŋ halaŋ. Asi yoo fuli gor mbutlina mba'. Asi pi gu ma vi Aserna fokosiya. Asi goɓ vogosi kaŋga fok tlesuu kolo huulona, asi sunni Baal may.

GA 8ATAMBARA 17:3

tin irim a sun loogi suu ɦawana, goɓ ga fokosiya, fok gi faɗta, tilna u ciciwra u tlesuu kolo huulonna, tlesuu an ɦagi voɗta ka a agi lasiɗi layna,

GA 8ATAMBARA 4:19

Ka agi gol irigi kolo huulona wi gi faɗta, tilna u ciciwra tlesuu kolo huulonna halaŋ a zuɗugi a goɓ ga fokosiɗi, a sunusiɗi lay, kay asi ni tlesuu Yawe Loogina tunusi kolo huulona ni maŋ suu kay ndaŋgarana halaŋ.

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

JOB 31:26

buuna halaŋ faɗta ka li kiɗikka kanu, tilna ka li kiɗik mamba may.

2 DLAŊ MULINARA 34:3

Basara nam laɗ jew kalavandi hu mullara ni hu li ma nam gogoona tuna. Nam vi tam a hal ni minda vi Lo ma vi bum ŋgolo Davidna. Basara dagan fiɗi gaw ni nam gijaŋ a yow tlesuu fuli suu vi suu ɦawana ki hu Yerusalem u mbassa Yudara halaŋ, li ma li tokka vi suu ɦawana, gu ma vi Aserna u njaf ɓivun ma zeɗ zeɗna halaŋ.

2 DLAŊ MULINARA 32:12

Ezekiyas magi namma bulum givin ma togolla ma teteɗ ma ki mini hu lina zeɗ zeɗna ki ni ka nambi su? Hin di suu Yudana ana asi li tokka ni fun givin ma togolla ŋgal ɓivun ma dewna doy hol, li ɓivun masina halaŋŋi huwa.

2 MULINA 18:22

Lini agi dan ana, agi tin hurugi ni kay Yawe, Loogina, na ɗaŋŋi ka nam Lo ma Ezekiyas bulumum ay ki kolo kay li mbuynana tokgi su? U otel lay di suu Yudana u suu Yerusalemma ana, agi tuɗ goɓ fok li ma ŋgal ɓivunna ni hu Yerusalem dew naɗi su?

2 MULINA 8:27

Nam li ni dlara Akab u suu mamsina laɗta. Li dlara ka ii Yawe jiviɗira ko ndal Akab u suu mamsina lira na. Kay nam ay ni somora u deera vi Akabba.

2 MULINA 8:18

Nam tli ni dlara vi muli suu Israelna ko suu vi Akabma lira na, kay nam ɗum goŋ Akabba umu. Nam li dlara ka ii Yawe jiviɗira.

1 MULINA 18:26

Asi vi bolo mbutl ma ɦasinana, gijaŋ sunda. Asi yi sem Baal maɗii day day tew faaliya, di ana, Baal humumi aya. May sa ka hum delɗi lay, ka wi saɗi lay. Asi luu joŋŋa fun givin ma togolla ma asi minimma lay.

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

GA 8ATAMBARA 16:21

Keŋ givin ma togolla vi Yawe, Looginana, wanni agi fulina ma vi Aserna huɗi.

GA 8ATAMBARA 17:2

Lini agi hum dlara hu ɦoŋzi ma Yawe, Loŋŋa, ɦaginana, sa njuf kala, ca kala, li dla mayra ka jivi ii Yawe, Loŋŋaɗira, ŋgel gaɗ mayra nam ɦagirara,

GA 8ATAMBARA 20:18

Kay ka a asi hin haɗagi dlaasira asi laɗta a agi hin li ko asi lira na mayɗi, ka agi goɓosi loogi masisinaɗi, agi li wa na ni lini sulukŋa eg Yawe Loogina.

JEREMI 7:30

Suu Yudana li ni co mayra an ka miniɗɗira, Yawe di na. Asi cuk zozot masira hu zira ka ɓak ki u sen tew tewra a mbuɗuɗ ki njenjera.

2 MULINA 13:6

Na lay ni asi ka hin dla cora Jeroboam cuk suu Israelna ka huruɗta kiɗi. Asi tuɗ fok u co ndaɗta gak gak. Gu ma ceɗi teteɗna ma vi Aserna ka pii kolo hu Samari tu gak gak.

EZAYI 65:11

Na may agi suu noy Yawe kina, agi suu maa ki kay ɦini manda teteɗtana, suu li ɓivunna maŋ lo ma ci beelerra, lagi mbul ma hisna ni maŋ ful ma di ki kay dlara fokka.