2 MULINA 21:16 - Boy Lonana

¹⁶ Manase ci suu ɓalak va kaɗina ki cocoo, suluk namma oy ki hu Yerusalem na halaŋ. Suluk ma nam lam eg Yuda halaŋŋa ka ndumbi. Nam li dlara ka ii Yawe jiviɗira cocoo.

2 MULINA 21:16 ပူးပေါင်းရင်းမြစ်များ

2 MULINA 21:11

Mulna Manase li dla mayra cora nam li ki saɓaki ni co su suu Amorna lay. Nam zuɗ suu Yudana a li sulukŋa kay fuli mam suu nam goɓosina.

2 MULINA 21:15

Kay ana asi li dlara ka irin jiviɗira, col ay hu buu ma somoyosi cuk ay ki hu mbassa Egiptera day ni asi ka hin dla cora asi landa egenda kiɗi.»

2 MULINA 21:2

Nam li dlara ka ii Yawe jiviɗira. Nam li ni u dlara vi njaf suu may suu Yawe dikisisina ki fokosi asi suu Israelnana.

2 MULINA 21:7

Fuli suu vi Aserana nam ceɗesi tinisi hu Ziŋ Yawera ta nam di David u goromma Salomon kaɗ ana, «Hu zi ndaɗta u ɦoŋzi ma Yerusalemma halaŋ ma an manam ki duk ɦoŋzi ma vi suu Israelna halaŋ ana an hin tin sen huwa.

2 MULINA 3:3

Na may ni nam njun tam eg dla cora Jeroboam ma goŋ Nebatna laɗta, cuk suu Israelna hu dla cora halaŋ. Nam fuɗ tam ka ki ko dla co ndaɗtaɗi.

2 DLAŊ MULINARA 33:9

Manase viɗ suu Yerusalemma u suu hu mbassa Yudara ki mbuɗusi ki co su njaf suu ɦawa suu Yawe dikisi ki cuk suu Israelna ki balamasina.

KALKIRA 32:21

Moiz di Aaron ana, «Suuna laŋŋi me aŋ a mbaarasi dlara cora kasi na nige?»

VUN ŊGOLNA 6:16

Tlena ka na karkiya suu Yawe ka minisiɗina, ndak a li kiɗisiya suu ka gol irim jiviɗina.

VUN ŊGOLNA 6:17

Gol ii mayra ŋga tara u sinda kaboyna. Ko ma vo busu sa ma ɓalak va kaɗina kina.

JEREMI 15:4

An hin lasi ki ni a dlara tak mayra mbuɗ suu muli suu kay ndaŋgarana ndaana u ndaɗ halaŋga. Ni kay Manasse ma goŋ Ezekiyasna, mul ma Yudana, dlara nam laɗ hu Yerusalemba halaŋ.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 2:34

Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

JEREMI 32:31

Ҥoŋzi namma mbuɗun ki yara ay hu umba tin ayra na day ta ta karami. An ndak a zuɗusi ha ki egenu.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

EZEKIYEL 22:2

«Hum haa, goŋ sanna, aŋ ka ndak a kaɓakŋaɗi su? Na daŋ may kaɓakŋa kay suu ci maɗna hu ɦoŋziisina, takasi dlaasira cora asi laɗta ki halaŋ.

EZEKIYEL 22:4

Busu ma aŋ voom ki cocona ɓakŋa vaŋ wa, u fuli suu aŋ minisina aŋ mbuɗ taŋ ki njenje wa. Kay ndaɗta aŋ dagaa buuruŋ ay ki dagan wa. Cemi aŋ tew fun basaɗaŋ ta daɓ daganda. Kay ndaɗta an mbuɗuŋ ki duk njaf suuna ni a va ma zolona cocona, a va ma sanda ii mbassa daŋga halaŋ.

EZEKIYEL 23:45

Na may suu ɗegeena hin kaasi ɓakŋa kasiya. Ni ɓak may ma vi boyogi suu li dlara zoŋga halaŋŋa u boyogi suu ci maɗna, kay asi ni suu li zoŋga lay, kay busuna ka hu duk kosiya.»

EZEKIYEL 9:9

Nam dan ana, «Suluk ma vi suu Israelna u suu Yudana kal ki saɓakiya, mbassa ki oy u busuna cocoo, ɦoŋzi ma ŋgolona halaŋ ki hoɓi u dla cora. Kay asi ka di ana, Yawe noy mbas ndaɗta ki wa, nam ka ndak a waɗ oloɗi.

NDUMBA 35:33

Ka agi ɓalak mbas magiraɗi, mbassa mbuɗ ki njenjera ni u busu ma sana vooɗna ki kaɗna. A hin mbus mbassa ki teteɗta ni u busu sa ma vooɗ busuna ki kaɗna may.

MATIYE 27:6

Muli suu li ɓivunna yow gursu ndaɗta yow ni, ɓak duk tasi ana, «Hu gaɗ mayra ni, ay ndak ka a cukuɗ duk mayra hu Ziŋ Lonaraɗi. Ni begera busuna.»

Boy Ma Ayra Ma LUK Ɓiirimma 13:34

«Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

HEBRENA 11:37

Suu daŋŋa asi casi ki u ɦinira, suu daŋŋa asi ŋgaɗasi irisi ki duk mba' mba', ɗowba casi ki u ŋgew ŋgolna. Asi tuɗ ki hu li ma daŋŋa daŋŋa cuk bak timigiina tasi u bak ɦugunina. Asi fi wihawra ko lassa ŋgolo.