2 MULINA 21:13 - Boy Lonana

¹³ An hin taɗ zew ma Samarina kolo kay Yerusalem u kawi ma min ziŋ Akabpa u namma. An hin tok Yerusalem ha ki ni ko ndal suuna tok huu tassana kira na, tokom hurum kiyo, hin kuluɓum ki kaŋgaa.

2 MULINA 21:13 ပူးပေါင်းရင်းမြစ်များ

YOORA 2:8

Yawe saa hurum ana nam ɓeŋ gulumun ma vi Siyon ta jivira na kiyo. Nam hin balas lina kiyo. Nam hin ka hoŋ kom ay ki bay ɓeŋ vaɗi. Nam mbuɗ ŋgoo gulumunna u gulumunna ki hahawra, asi loɗ ki ko tasi bel.

EZAYI 34:11

Hin ki ni li ma lak gi hikŋa ugi cemcemma. Jalyamba u gagawna hin min ziisi ni huwa. Bu Suuna hin taɗ zew ma ɓalak tlena kina huwa u va ma ŋga ɗegee goŋiina lay ka li oloɗi.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

EZAYI 28:17

An tli ɗegera ni a zew ma ɗegee goŋga, gasira ni a gu ma gol ɗegee goŋga may. Dlaŋmagina hin ɓeŋ li ma ŋgay ma vi suu kaboyna kiyo, mbo ɓatna hin tuɗ u ziigina.

EZAYI 10:22

Ҥii Israel, lini suu maŋsina zuli ko ndal ŋgetlna doŋ lumma na lay ni, usira hin ndera hin hoŋ ay ni asiya. Ɓalakka tin ki kasi wa da, ɓak ma vi Lona ma gasina ka wa.

2 MULINA 10:11

Jehu ci suu vi Akab suu hin iiri tu hu Jizreelna ki bel bel u suu may suu haɗ ki u dlaamba minim dlaamba cocona lay u muli suu li ɓivun suu vi mulnana lay. Nam hin sa ka a pii ki na dewɗi.

ZAKARI 1:16

Kay ndaɗta Yawe ɓak ana, an hoŋ ay eg Yerusalem u jivi manda, ziinda hin min ki kolo may, Yawe, ma Saɓakŋa Kom Belna, di na, hin waɗ zewna ha kay Yerusalem.

EZAYI 14:23

An hin mbuɗusi ki ni li ma doroɓma, li ma cem cemma buu huna. An hin tok Babilon ki ni u samatna ni samat ma njayasi ki halaŋŋa. Yawe, ma Saɓakŋa Kom Belna, di na.

2 MULINA 17:6

Tew hu basara dleeŋera a Oze kaki hu mullara, mul ma Asirina ndug Samari, yow suu Israelna ha ki mbaɓura hu Asiri. Nam cukusi ha ki hu Hala may, ha ki hu Gozan li ma mbo ma Haborna ɓaɗ ha huna may, hu ɦoŋzi ma Medina may.

1 MULINA 14:10

«Kay ndaɗta an min mbaa dlara yoora kay suu vi Jeroboamma. An hin ci njufii suu taraŋ vi Jeroboamma ki halaŋ halaŋ. Mborɓiina u gor vuɗta lay, ki duk suu Israelna halaŋ. An hin bulum njaf Jeroboam kiyo, ko ndal suuna tok sot zirgitna kira na.

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

2 MULINA 23:27

Yawe dam ki ana, «Mbassa Yudara an hin ɦuɗuk ha ki egen day ko ndal an ɦuɗ mbassa Israella ha ki dayra na may. Ҥoŋzi ma Yerusalem ma an manamma an hin hinim kiyo, zi may ma an di kam ana sen hin yi huwana.»

EZEKIYEL 7:5

Bu Suuna, Yawe, di ana, «Hahawra sa waɗ ka ɦoyɗira, hahawra ŋgola ka mbaya.

2 MULINA 9:8

Suu vi Akabma halaŋ hin ba kiyo. An hin ci njufii suu vi Akabma ki bel bel. Mborɓiina u gor vuɗta suu ka hu mbassa Israella halaŋ.