2 MULINA 20:5 - Boy Lonana

⁵ «Hoŋ dagan tuɗ di Ezekiyas, mul ma fok suu mansinana, ana, Yawe, Lo ma vi buŋ, Davidna, di ana, an humuŋ cen maŋgawa, waŋ simi maŋŋawa may, jiviya an min garaɗaŋ kiyo, hin buu hindi ni aŋ hin tuɗ kolo hu Ziŋ Yawera.

2 MULINA 20:5 ပူးပေါင်းရင်းမြစ်များ

1 SAMUEL 9:16

«Vin faɗta ko wanda na an hin sunuŋ sana ay dew hu mbassa vi Benjaminda aŋ hin fuurum ki ko ndal mulnana maŋ suu man suu Israelna. Nam hin suɗ suu mansina ay ki ko suu Filistinna. Ni kay ana an wi suu mansina, tii masina tew ta ta egenu.»

EZAYI 38:5

«Tuɗ di Ezekiyas ana, Yawe Lo ma vi buŋ Davidna di ana, an humuŋ cen maŋga wa, waŋ simi maŋŋa wa may. An cukuŋ buu fun maŋŋa basara doogo yam vadl.

SOOLLA 39:12

Hu li ma aŋ kaɓakŋa kay cora ni aŋ gaɗ ni sana, aŋ ɓeŋem dlara nam miniɗta ki, ko njuful ma ti vuɗ tlena na. Na daŋ may sa warna ni ko semeɗna na.

2 MULINA 19:20

Ezayi ma goŋ Amosna sun ha di Ezekiyas ana, «Gola Yawe Lona vi suu Israelna di ana, Na daŋ may an hum cenda aŋ cenen kay Senakerib, mul ma Asirina wa.

SOOLLA 126:5

Sa ma zaa wana ga u tiinana, hin feɗem voni u furira may.

SOOLLA 147:3

Nammi sa ma min huu ma ki ɓeŋina, nammi sa ma njunusi mbilisina.

SOOLLA 56:8

Kay dla coosi ndaɗta na ni asi hin suɗ ki su? Lona, u yaaŋga ba suu asina kiyo.

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»

Boy Ma Ayra Ma JAŊ Ɓiirimma 5:14

Buu dagan ca ni, Yesu ŋgaf u nam hu Ziŋ Lonara, dam ana, «Huma, wandara ni aŋ garaɗ ki wa, li co a dlara daŋ faŋ su ndaɗta oloɗi.»

Boy Ma Ayra Ma LUK Ɓiirimma 1:13

Sa sunda huulona dam ana, «Li ndaaɗi Zakari. Lona humuŋ cen maŋga ha wa. Caaŋga Elisabet hin vuɗ goona. Aŋ hin tinim sem ana Jaŋ.

MATIYE 22:32

Nam di ana, An ni Loŋ Abrahamma, Loŋ Isaakŋa, Loŋ Yakobma. Nam ka Lo ma vi suu miɗinaɗi, Lo vi suu iirina ni namu.»

KALKIRA 15:26

Nam dasi ana, «Anni Yawe, Loogina. Lini agi hum unu, lini agi li dlara an miniɗta, lini agi vi u gaɗ manda halaŋŋi, an ka tinigi tuguɗira an tiniɗ ay kay suu Egiptena wanda kagiɗi. Kay anni Yawe ma garaɗagi kina.»

1 SAMUEL 10:1

Samuel tli guura mbulna, voom kay yam Sol hin vam kolo hurumu. Nam di ana, «Yawe fuuruŋ ka ki a mulna kay joomma ni nambi su?

HEBRENA 2:10

Ni kay ndaɗta Lona, ma li tlena halaŋŋa, wi na ni namu, kal Yesu hu wihawra na ni mbuɗum ki jivi gaw, kay nam min a mbuɗ suuna ki a goryom ŋgolona hu bibiŋil mamba. Yesu ni sa ma tuɗusi hu suɗtana.

SOOLLA 65:2

Lona ma ka hu Siyonna, geleɗta ni maŋ aŋu, ami laŋ dlara ami vi vunumi kaɗta kiyo.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

EZAYI 38:22

Ezekiyas hin di ana, «Va ma hin tak ki ana an tuɗ kolo hu ziŋ Yawera ni mege?»

2 SAMUEL 5:2

Buuna jak ki ni ŋgol da hu li ma Sol ay a mul maminana. Aŋŋi sa ma hin suu Israelna sel ay ki lay, hoŋ ha vo layna. Doli ɗini Yawe daŋ ana aŋŋi sa ma hin taaran suu man suu Israelna, aŋŋi sa ma hin li a mul ma Israelna.»

GA 8ATAMBARA 32:39

Na daŋ may gologiya ni anu, sa ma daŋ ay ka egenɗi, lo ma daŋ ka egenɗi. Anni sa ma ci sana kina, ni sa ma hin sana iirina lay. Lini an dag sana wa ni hin cilim mbilimmi an lay. Sa ma suɗ ki hu duk kon kaɗi.

2 DLAŊ MULINARA 34:3

Basara nam laɗ jew kalavandi hu mullara ni hu li ma nam gogoona tuna. Nam vi tam a hal ni minda vi Lo ma vi bum ŋgolo Davidna. Basara dagan fiɗi gaw ni nam gijaŋ a yow tlesuu fuli suu vi suu ɦawana ki hu Yerusalem u mbassa Yudara halaŋ, li ma li tokka vi suu ɦawana, gu ma vi Aserna u njaf ɓivun ma zeɗ zeɗna halaŋ.

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

Boy Ma Ayra Ma LUK Ɓiirimma 18:10

ana, «Suuna mba' sel hu Ziŋ Lonara a joɓomu. Maa dew ni ma Farisenna, ma hiŋŋa ni ma vi taara may.

1 MULINA 9:3

Yawe hin dam ana, «An hum cenda u joɓpa aŋ joɓondawa. Zira aŋ miniɗ ndaɗta an mbuɗuɗ ki teteɗ wa, a sen hin yi ha huruɗ ni na gak gak. Irin u hurun halaŋ ka cuki kay Zi ndaɗta.

2 MULINA 20:4

Ezayi ni bay kal ki tuwa ay ni vo huu taraŋga tuwa, Yawe hoŋ dam ana,

SOOLLA 107:20

Nam sun boy mamma ay a garaɗasi kira, paɗasi ay ki hu zulla may.

KALKIRA 3:7

Yawe di ana, «An wi hahawra vi suu mansina hu Egiptera wa halaŋ. An hum asi ka tii ko telekŋa vi suu Egiptena, na daŋ may an wasi las masira wa.

KALKIRA 3:9

Cemini tii ma vi suu man suu Israelna tew ki egen wa gasi, an wi nekka suu Egiptena tinisira kasira wa lay.

2 MULINA 22:19

kayra aŋ hum boy namma, nam ŋgeneŋ huruŋ cocoo, aŋ hoŋ yaŋ kaŋga fok Yawe hu li ma aŋ hum dlara an daɗ kay li namma u suu ɦurummara ana li namma hin mbuɗ ki ni li ma ɦawana, li ma gam vunna kina. Kayra aŋ haa barawi maŋsina kira, aŋ tii coco fokon lay, jiviya an may ni an hum wa. Yawe di ko ndaɗta na.

SOOLLA 6:10

Yawe humun cen manda wa, Yawe van cen manda wa.

SOOLLA 34:18

Asi ka sawalla, Yawe huma, nam suɗusi ki hu las masira.

SOOLLA 56:9

Aŋ ndumun buu man ma tiina halaŋ, aŋ oyon simi manna hu guu maŋga. Aŋ ɓiirim koŋ hu magaa maŋga wa.

SOOLLA 65:3

Aŋŋi sa ma hum cenda vi suuna, tlesuu iirina halaŋ tuɗ ha egeŋu.

SOOLLA 119:26

An takaŋ sun manda ki halaŋ, aŋ hoŋon dira wa may, haɗan gaɗ maŋga aya.

EZAYI 19:22

Lini Yawe ci suu Egiptena lay ni nam hin garaɗasi kiyo, asi hin hoŋ irisi ay eg Yawe, nam hin humusiya, garaɗasi ki lay.