2 MULINA 20:13 - Boy Lonana

¹³ Ezekiyas furi coco kay suu mulna sunumsina ay egemma. Nam takasi liim ma ŋgayra ki bel bel, gursura lorra, tlesuu his jivina, mbul ma his jivina u liim ma kawi mamsina cuki huna lay, tlegeyem suu ŋgayra halaŋ nam takasi kiyo hin va ka ki na dewɗi u liim ma buuna lay halaŋ, tak tlegeyem suu hu mul mambana ki bel bel.

2 MULINA 20:13 ပူးပေါင်းရင်းမြစ်များ

EZAYI 39:2

Ezekiyas hurum furi coco u suu mbay asina. Nam takasi huu zi mayra ŋgolla ta tlesuu dlasi ŋgolo ɦayna cuki hura, gursura, lorra, mbitla, u mbul ma his jivina, nam takasi zira kawi ma duuna cuki hura ki lay u tlegeyem suu ŋgay a ŋgom tamma halaŋ halaŋ. Nam ŋgayasi va ka ki kosi na dewɗi, huu ziimba buuna lay, huu zira ŋgolla asi li tokka hura lay, li ma hu mul mambana halaŋ.

DI BOLLA 7:20

Kay sa ma ki na ɗegee kay ndaŋgara tani kaɗi, ma ndak a li jivira bay li dla co hu ni kaɗi.

VUN ŊGOLNA 23:5

Aŋ tin saaraŋ wa kay begera ni ndaɗ u garaŋga uɗu, pii ko ndal bakŋa na tin iriɗ kolo huulona.

1 MULINA 10:25

Gegelay ni mbay u puu mamba komu. Tlesuu sunda, gursura, tlesuu yoori u lorrana, barawna kawi ma duuna, kulumina, koro Makkana, tle asina mbay ni hu basara basara halaŋ.

1 MULINA 10:15

Ni ndum mayra mbay kolo ko suu paara ay ko muli suu u fiɗiginana u suu ŋgolo suu kaki kay mbassana ka dukgi.

1 MULINA 10:10

Ca mulla Sabara hin ɦal lorra maŋ mulna Salomonni ii va ma kelew buɓ buɓ hindi u nus, ɦam tlesuu his jivina ugi mbitla ŋgol cocoo u ɦini mayra gus loɓ cocora lay, col ay dayra ni sa bay wi tlesuu his jivi ɦayna hu mbassa Israella ŋgol ko ndaɗta na tuwa.

1 MULINA 10:2

Ndaɗ mbay hu Yerusalem u suu sunda ay uɗ bolow cocoo ugi jamballa, yow tlesuu his jivina ay kaɗu, lorra ay ŋgol coco lay u ɦini mayra gus loɓ cocora may. Ndaɗ mba eg Salomon kalani dam dlara ay huruɗta ki halaŋ.

2 MULINA 20:14

Sa ma jok vun Lona, Ezayi, mbay eg mulna Ezekiyas joɓom ana, «Suu asina mba daŋ ana mege? Asi col ay ni arage?» Ezekiyas hoŋom dira ana, «Asi col ay ni hu mbassa dayra, ay ni Babilon.»

2 MULINA 20:15

Ezayi joɓom ana, «Asi wi ay ni me me vo varaŋŋi ge?» Ezekiyas hoŋom dira ana, «Tlesuu vo varanna halaŋ asi wasi kiyo, va ma hin ki bay an takasina kaɗi.»

SOOLLA 62:11

Lagi ayra kay lassa agi ka las suunaraɗi, tin hurugi kay tlesuu ɓaɗasi ko suuna ɦawaɗi. Lini begera zul kogi coco lay ni tin hurugi kaɗɗi.

JEREMI 9:22

Na ɗaŋŋi Yawe ɓak anaba, ko sa yalna ŋga tam kay yal mammaɗi, ko sa saɓakŋa ŋga tam kay saɓak mammaɗi. Ko sa begera kom ɦayna ŋga tam kay bege mambaɗi.