2 MULINA 2:3 - Boy Lonana

³ Suu jok vun Lona suu ka hu Betelna ɦuɗ tasi ay eg Elize dam ana, «Aŋ wi ki ana Yawe hin tlaŋ karam sa ŋgol maŋŋa kolo duk semeɗnara su?» Nam hoŋosi dira ana, «An lay ni wiya, seŋegi vunugi haa.»

2 MULINA 2:3 ပူးပေါင်းရင်းမြစ်များ

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 20:35

Sa maa dew duk goryoŋ suu jok vun Lonana di ndaram ma tuɗ ko tasina ko Yawe damba na ana, «An ceneŋu, can aya.» Na may sana min ka a cambi.

2 MULINA 2:15

Suu jok vun Lona suu hu Yeriko suu wam hana di ana, «Ŋgussa vi Elira jok ay kay Elize wa.» Asi ŋgafam ay goɓ kaŋga fokomu.

2 MULINA 2:5

Suu jok vun Lona suu ka hu Yerikona ɦuɗ tasi ay eg Elize dam ana, «Aŋ wi ki ana Yawe hin tlaŋ karam sa ŋgol maŋŋa kolo duk semeɗnara su?» Nam hoŋosi dira ana, «An lay ni wiya. Seŋegi vunugi haa.»

2 MULINA 2:7

Suu jok vun Lona na dok-vadl tuɗ col ha ki fun lum ma Yurdanna ha ki eg gi Eli u Elize na ɦuɗ, asi gi Elize tuɗ col fun lumma na tok may.

2 MULINA 4:1

Cara dew duk boyogi suu vi suu jok vun Lonana mba cen Elize di ana, «Saaŋ ma sunda njufun ki ni miɗiya. Aŋ wi lay ana saaŋ ma sunda ay li ndaa Yawe cocoo. Sa ma bal mamma kamma mba a yowon gor njufii man suu mbana a tuɗ mbuɗusi ki a mborɓii mamsina.»

2 MULINA 4:38

Elize hoŋ ay hu Gilgal hu wanni mayra ka ci hu cocoo. Suu jok vun Lona ka moli fokom may. Nam di saam ma li sunda ana, «Mbus huu gidir ma ŋgolna ki, zal dlemma ay maŋ suu jok vun Lona.»

2 MULINA 5:22

Nam hoŋom dira ana, «Ҥawaa, sa ŋgol manna sunun ay ana an daŋ ana, koyogi suu taa col ay kay ɦinira Efrayimba na mba' fan haa, ni suu jok vun Lona may. An ceneŋu aŋ ɦan doono ay ii kelew dok-hindi may, ɦan baraw ay ii cuk mba' may.»

2 MULINA 6:1

Suu jok vun Lona di Elize ana, «Li ma ami lak fokoŋ hurum wanna goo saɓaki.

2 MULINA 9:1

Fali taa dew ni Elize yi goo zoŋ maa duk suu jok vun Lona dew ni dam ana, «Min taŋu, tli goo kob ma mbulna koŋ tani, tuɗ hu Ramot ta Galaadta.

EZAYI 8:18

Anu, u gor suu Yawe ɦansinana, ami ni a suu tak ki kay dlara duk suu Israelna. Ni u sem Yawe, ma Saɓakŋa Kom Belna, ma ka kaki kay yam ɦinira Siyonna.

AMOS 7:14

Amos hoŋ dira maŋ Amassiya ana, «An ay ka sa jok vun Lonaɗi, ka goŋ sa jok vun Lonaɗi lay, an ay ni sa taa yoona, anni sa pi ŋgusu tulumma.

SUNDA 22:3

«Anni sa ma Juifna hu Tars ta Silisira, an wulni kaŋga hu Yerusalem tani, sa ma haɗan a wi gaɗta vi somoyoygira ki jivina ni Gamaliyel. Tan ay feɗ coco a sun Lona ma agi ka um cecem wanna.

GA 8ATAMBARA 33:3

Na daŋ may aŋŋi sa ma min suu maŋ suu Israelna, asi halaŋŋi hu duk koŋu, asi ay goɓi ga ni u seŋu. Asi hummi boy ma aŋ dasina ayna.

1 SAMUEL 10:5

Aŋ hin mba hu Gibea ta vi Lonara, olo hu li ma suu ŋgolo suu Filistinna ka huna. Hu li namma lini aŋ kal ki hu hoŋzina wa ni aŋ hin ndi kay suu jok vun Lona bolow cocoo. Suu col ay kolo kay li ma mbuyna, suu bu diŋŋa u suu bu darina u suu bu tokolomma may tuɗ fokosiya. Asi tasira hin mbuɗ ki a va komba vi suu jok vun Lonana.

1 SAMUEL 19:20

Sol sun suuna ha ana tuɗ vam David aya. Asi wi suu jok vun Lona u tasi bolowra ɓak boyna. Samuel coli fokosiya. Musuk Lonara mba kay suu Sol sunusi ayna, casi kiyo.