2 MULINA 2:23 - Boy Lonana

²³ Nam tuɗ ha kolo hu Betel, hu li ma nam taɓa ha kolo hu voɗta na ni, gorkemba sel ay ki hu ɦoŋzina panam di ana, «Tuɗa, sa ma yam korina, tuɗ ɗow sa ma yam korina.»

2 MULINA 2:23 ပူးပေါင်းရင်းမြစ်များ

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

JOB 30:1

Cemi ni suu gori suunna mbuɗ san unu, suu an ay panasi somoyosina, an cukusi ki ni duk digini man suu golon yoori mansinana.

JOB 19:18

Kem gorira lay mbuɗ pananu. Lini an a di boy lay ni asi san unni saniya.

SOOLLA 31:18

Yawe hu li ma an ka yaŋŋa, hinin a mbuɗ zoloɗi. May suu ka waŋ aŋ Lonɗina mbuɗ zolona, seŋesi vunusi, ha ki hu lina vi suu miɗina.

HEBRENA 11:36

Suu daŋŋa asi ŋgulusiya, ɓeŋesiya, suu daŋŋa, asi njunusi u galina, cukusi daŋgayna.

GALATENA 4:29

Jewra ni goo ma vuɗ u minda vi sana las goo ma vuɗ u Musuk Lonara ni hin li cecemi na may.

AMOS 7:13

Na may kaŋga Bethel tani wanni aŋ tin uŋ a jok boy namma ki oloɗi kay ana ni givin ma togolla vi mulnana, ni ziŋ mulnana.»

AMOS 5:5

Na may halangi hu Bethelɗi, kalagi hu Guilgalɗi, tlagi hu Bersebaɗi, kay ana li ma Gilgalna hin tlam ki halaŋ, Bethel hin mbuɗ ki suluku.

AMOS 4:4

Mbagi ay hu Bethel lagi yara, zulugi u yagira hu Guilgalla ha foko, lagi ɓivunna maɗii tew tew, hu buu ma hindina ɦagi yam waagina.

AMOS 3:14

Ni hu buu ma an hin kaɓakŋa kay Israel kay dla cooɗtana, an hin kaɓakŋa kay givin ma togolla ma Bethelna, asi hin to mek ma hu givin ma togolla kiyo, nam hin cuk ay ki kaŋgaa.

Magaara Vi Sa Jok Vun Lona OZE 10:15

Wanni dlara an hin lagira egegira, kay hurugi ma co ma kal ki saɓak ndena. Maɗii feɗeɗ ni dla ndaɗta hin li eg mul ma Israelna na may.

Magaara Vi Sa Jok Vun Lona OZE 10:5

Suu hu Samarina dlak u ndaana ko mbutlugi tamagi suu hu Bethel ta kura kay ana suu maɗsina ka yoo tasi kay goo mbutl masina, muli maɗ suu li ɓivunna lay. Ko asi li furira kay jivi mamba, cecemi ni ndaɗ ha ki tuɗi egeygi day.

Magaara Vi Sa Jok Vun Lona OZE 4:15

Li ni ndak tak ka Israel li gawlaŋŋa lay ni, Yuda gin ni ka kal taɗ hu dla ndaɗtaɗi. Tuɗugi Gilgalɗi, tlagi ha hu Bethel li ma kuraɗi, suurugi tagi ana, «Yawe ka iiriyaraɗi».

JEREMI 7:18

Gor kemba yow gu ma sooyna, somoyosi suu njufiina ŋgal kura may, boyogina yaras fuɗta a li komnjoɗina maŋ mulla kolo huulonara. Agi lagi ɓivunna maŋ loogi suu daŋŋa ko ndaɗta na ni agi lagi ni cora egenu.

EZAYI 3:5

Suuna halaŋ hin li dla cora eg tasiya, sana u ndaram ma vok zina. Gorzoŋina li tasi u suu maarina sa ma va ka kombina li tam u sa ma ɦizina.

EZAYI 1:4

Hahawra ka kay njaf suu co asina, suu may suu dlara vasina. Njaf suu li dla cora, gor suu mbuɗ dlara jivira ki dla corana. Asi noy Yawe kiyo, asi noy ma Teteɗ ma vi suu Israelna kiyo, asi hoŋ ki dagani, mbuɗ ŋgorosi mamu.

DI BOLLA 11:10

Hin dlara yoo tara a kal huruŋgi, ɦuɗ lassa ha ki egeŋ na day. Kay zoŋga u tlimiɗ yamba warra ka buu ta taɗi, ni ŋga tara ɦawaa.

VUN ŊGOLNA 22:15

Kemba hurusi minni dlara ka u tafaɗiira. Njewɗekka waɗasira dikisi dla ndaɗta ha ki egesiya.

VUN ŊGOLNA 22:6

Haɗ dlara jivira ay maŋ goozoŋŋa u goo tam gaw. Lini nam mbuɗ maa lay ni ka viɗ ki oloɗi.

VUN ŊGOLNA 20:11

Wi goozoŋa ni eg sun mamba nam laɗta, lini nam li sunda ki jivi ɗegee.

SOOLLA 35:15

Hu li ma an puk kaŋga wa ni, asi halaŋ furiya, suu gugufura tok tasi kan halaŋ a pananda. An ka wi dlara asi lan kaɗtaɗi lay, asi ka kak dukgi kay lasanda gak gak.

URA TIN AYRA 21:9

Sara wi goŋ Hagar ta Egiptera ma vuɗum maŋ Abrahamma panaɗ goroɗna na ni,

2 MULINA 2:11

Hu li ma asi ka tuɗ ha ɓak tasi na may ni, gola ni pus pus ma kura, u kulumi suu kura mbay ɓorowosi dukusi ki ni na gaw. Eli tuɗ kolo huulona duk mbirwinda.

DLAŊ LEVIRA 13:40

«Lini sana tlimiɗ yam kaɗi, yam koo ki wa ni, nam ki ni teteɗ.

2 MULINA 2:22

Mbona mbuɗ ki jivi ta ta cemi, ko ndal Elize dira na may.

SOOLLA 31:17

Hin kiɗik maŋga li kay saaŋ ma sunda, suɗun ki ni u jivi maŋga.

2 MULINA 2:2

Eli di Elize ana, «An ceneŋŋi ceniya kak ka tani, kay Yawe sununni hu Betel day.» Elize hoŋom dira ana, «U sem Yawe ma ka iiri din dinna, u seŋ aŋ taŋga, an ka ɓorow ki u aŋgi.» Asi mba tew kaŋga hu Betel.

JEREMI 20:7

Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.

JEREMI 20:8

Tew tew hu li ma an min a ɓak boyna wanni, an yi kolo u delen eŋga ana, mbay njununu. «Yara egen lay, lassa kan lay,» Kay boy ma vi Yawena an mbuɗ ki va lassa hu buuna tew tew lay, ŋgulun lay, panan lay.