2 MULINA 19:35 - Boy Lonana

³⁵ Njeŋge ndaɗta ni sa sunda vi Yawe mba hu kaŋ ma vi suu Asirina, ci suu njufiina na 185,000. Maɗii a suuna yow ki kolora ni wi ha kaŋga ni maɗ suu miɗina sak sak.

2 MULINA 19:35 ပူးပေါင်းရင်းမြစ်များ

2 SAMUEL 24:16

Sa sunda huulona maɗ kom ha kay Yerusalem a ɓeŋeɗ kira. Na may Yawe min ka li dla ndaɗtaɗi, hin di sa sunda huulona ma kiriɓ suuna kina ana, «Na ga. Cecem wanda tli koŋ kiyo.» Doli ɗini sa sunda huulona vi Yawe ka ki ni hu li ma to wana Aravna ma Jebusna.

SUNDA 12:23

Hu li namma gaw ni sa sunda vi Bu Suuna mba ci Herod piŋ kay nam ka ɦal ŋgolla maŋ Lonaɗi, ɦaɗ ni maŋ tamba. Nam vi tuguɗira cuk ki njufulna ni na gaw hin miɗ kiyo.

Magaara Vi Sa Jok Vun Lona OZE 1:7

Na may zi ma vi Yudana hin minimu, an hin suɗusi ki u Yawe Loosina. An hin ka suɗusi ni u gu mbuuruɗi lay, u ŋgewɗi lay, u duunaɗi lay, ka u kuluminaɗi lay, ka u suu li duuna u kuluminanaɗi lay.»

DANYEL 5:30

Hu njeŋge ndaɗta gaw ni Baltazar mul ma Kaldeenna asi cam kiyo.

EZAYI 37:36

Hu njeŋge ndaɗtaa gawni, sa sunda vi Yawe kal hu kaŋ ma vi suu Asirina, ci suuna na 185,000 ni njufiina halaŋ. Maɗiira suuna yow ki koloo ni kaŋga ni maɗ suuna na sak sak.

EZAYI 10:33

Gola Bu Suuna Yawe, ma Saɓakŋa Kom Belna, kaasi ay ki ga ko gogor guna na. Suu may suu dlasi ŋgol cocona nam kaasi kiyo. Suu sesi tii cocona ka oloɗi, hoŋ ki ga wa.

SOOLLA 76:10

Lona hin col kolo a kaɓakŋa ni saɓage? A hin suɗ suu maŋina ki hu ndaŋgara tanira ni saɓage?

1 DLAŊ MULINARA 21:16

David tli irim koloo ni wi sa sunda vi Yawe coli duk ɦoŋ ndaŋgara u huulona, ŋgew mamma ki kom kawi siiliya, irim pereɗi kay Yerusalem. David u suu basina puk kaŋgaa, baraw bolla tasiya.

1 DLAŊ MULINARA 21:12

Basara hindi ta mayra ci suunara ɗowba tilna hindi ma suu babalira ci suuna ki u ŋgewnara, ɗowba buuna hindi ŋgew Yawena u tuguɗi bora ndi hu mbassara. Sa sunda vi Yawena ci suuna ki kay ndaŋgara Israella halaŋga. Cecem wanda gol dlara an hin hoŋoɗ dira maŋ sa ma sunun aynara.»

KALKIRA 12:23

Yawe hin poy karam hu mbassa Egiptera halaŋ a ci suuna, hu li ma nam wi busuna fun zina, ni Yawe hin jak kay zi namma, ka ci sa huɗi, nam ka hin sa Ɓalak Lina kal vo taraŋ hu zi namma oloɗi.

SOOLLA 90:10

Basa mamira hu duliyara ni dok kiɗisiya, li ŋgol coco wa ni dok kalavandi may. Basa ndaɗta halaŋ daɓmi u lassa u wihawra may, na gaw ni iiri mamira kaɗi, ami ki ni daɓi gaw.

SOOLLA 91:6

Ka li ndaa tuguɗiira zeɗ zeɗ ta ka kuɗuk duk ndufundaraɗi lay, ka li ndaa mbogom ma ka ci suuna faalinaɗi lay.

EZAYI 17:14

Fiɗigira mba wa ni ndaa ma ŋgolna, vun maɗiira ni va ka dew oloɗi. Suu may suu lasamina dlaasira hin li ni ko ndaɗta na, ni dlara hin li eg suu ɦurumumi kinara.

KALKIRA 9:15

Lini an mina ni an li ka caŋ ki u tuguɗira wa, aŋ u suu maŋsina halaŋ, aŋ li ka bulum ki kay ndaŋgara wa lay.

KALKIRA 9:16

An hiniŋ iiri tu ni a takaŋ ki ni saɓak manna. Ni kay a sen tii ki kay yam mbassa halaŋ.

2 MULINA 19:7

Gola an hin mbuɗum yam ki ko sa ma gurɗiina na, nam hin hoŋ vo hu mbas mamba. An hin cam ha ki u ŋgewna ni hu mbas mamba tok.»

2 DLAŊ MULINARA 20:24

Hu li ma suu Yudana mba tew hu li ma yara fun li ma fulla ŋgoo bagira may ni asi wi suu duu suu babali masisina ni cuki kaŋga ni maɗasi sak sak, sa ma suɗ ka na dewɗi.