2 MULINA 19:28 - Boy Lonana

²⁸ Kay ana aŋ guruɗ u yara ni egenu. Ŋga taaŋga tuɗ ta ta kal ha ki kolo humunu. An hin cooŋ ciniŋu gi ɓalaŋŋa huwa, hin cukuŋ njamara funuŋ may. An hin hoŋoŋ dagan hu voɗta aŋ tli ay hura.

2 MULINA 19:28 ပူးပေါင်းရင်းမြစ်များ

EZEKIYEL 29:4

An hin cukuŋ jambaɗta ay funuŋu, kuluf ma duk lummana halaŋ an hin njaɓaŋŋa ay egeŋu. An hin taɗaŋ ay ki duk mbona. Aŋ u kuluf ma ka duk mbo lummana njaɓi egeŋ halaŋ halaŋ.

2 MULINA 19:33

Voɗta nam tlaɗ ha komba hin hoŋ ay ni huruɗ olo. Yawe di ana, ɦoŋzi namma ni nam ka kal huɗi.

AMOS 4:2

Yawe suu tam hu teteɗ mamba anaba, gasi gologi buuna ka mbay kagiya asi hin taɗagi ki u jambatta, suu kay ceregina asi yowosi ki u ɓagina.

EZEKIYEL 38:4

An hin hoŋoŋ ki dagani. An hin cukuŋ njamara funuŋu, tuɗuŋŋi u saɓakŋa. An hin ɦeɓeŋ kalaŋ ki hu mbas maŋga u eŋga. Aŋ u suu maŋ suu duuna halaŋ, kulumina u suu fuli kasina suu baraw ma jivi ɦayna cuki tasina, suu duuna bolow cocoo u mbarina may ŋgewina may.

EZAYI 30:28

Musukummi ko ndal mbo lumma sulul ay ki funumba na. Nam tli ta ta mba hu del sana koloo. Nam kisik njaf suuna halaŋ hu demena ma ɓeŋesi kiyo, nam cuk njamara fun suuna, tuɗusi hu li ma asi ka min gin a tuɗ huɗina.

JOB 41:2

Sa ma hurum eŋ ma ndak a duum delem ay kaɗi. Sa ma ndak a col fokomma ni gege?

SUNDA 7:51

«Agi suu yagi kaɗina, njun hurugiya, ŋgel humugi ki kay yira vi Lona. Tew tew ni agi ka hum vun Musuk Lonaraɗi, ko somoyogi na may.

Boy Ma Ayra Ma JAŊ Ɓiirimma 15:18

«Suuna noyogi ki wa ni, agi wi kagi ana asi noyon ay ki jewe.

Boy Ma Ayra Ma LUK Ɓiirimma 6:11

Suu ɦiw wi na ni hurusi mbuɗ yara eg Yesu. Asi gijaŋ ɓak duk tasi a hal mbeleŋ ma vi Yesuna.

EZEKIYEL 19:9

Asi njun dlo namma u galina, tuɗum ki hu mbassa Babilonda, maŋ mul ma Babilonna. Asi gam ki ga hu zulla kay ana sa ka humum delem kay ɦinira vi suu Israelna oloɗi.

SOOLLA 83:2

Ҥi, Lona, kal ay kiyo, seŋ taŋgi, Lona, kak ɦawa na enɗi.

SOOLLA 74:23

Humuŋ maa ki kay boy ma suu babali maŋsina dammaɗi, vunna tum kolo eg suu maŋsina ni tumi na ɗow ɗow.

SOOLLA 74:4

Suu babali maŋsina ka sawalla ay hu Ziiŋ ma Teteɗna. Asi tin haɗ masira ki hu ziiŋŋa lay.

SOOLLA 65:7

Nam gol ɦinira ni u saɓak mamma. Nam tak saɓak mamma kiyo.

SOOLLA 46:6

Lona ka hu zi namma, nam ka geŋeɗɗi, Lona ka njunummi maɗii feɗet.

SOOLLA 32:9

Li taŋ ko kulumina u koro Makkana suu saarasi kaɗina naɗi, asi suu njamara u njalaŋŋa ka gaɗasina, asi ka wi vaɗi lay.

SOOLLA 7:6

Ni saan ma gonokka cuɗun un, ay vanu. Ko nam baan iiri manda kiyo, ko nam bulumunda kaŋga duk ndaŋgara.

2 MULINA 19:7

Gola an hin mbuɗum yam ki ko sa ma gurɗiina na, nam hin hoŋ vo hu mbas mamba. An hin cam ha ki u ŋgewna ni hu mbas mamba tok.»

JOB 41:13

Musukum ta cuk ay kira ŋgal kura ni na ŋgik ŋgik gaw. Kura vi ay ki funum na miliw miliw.

EZEKIYEL 35:13

Agi ŋga tagi u anu, u boy co magi ma agi damma, agi di dlara panna egen cocoo. An hum boy namma ni u hum tanda.